| Library / Tipiṭaka / ཏིཔིཊཀ • Tipiṭaka / སཱརཏྠདཱིཔནཱི-ཊཱིཀཱ • Sāratthadīpanī-ṭīkā |
པཋམགཱཐཱསངྒཎིཀཾ
Paṭhamagāthāsaṅgaṇikaṃ
སཏྟནགརེསུ པཉྙཏྟསིཀྑཱཔདཝཎྞནཱ
Sattanagaresu paññattasikkhāpadavaṇṇanā
༣༣༥. ཨཌྜྷུཌྜྷསཏཱནཱིཏི ཏཱིཎི སཏཱནི པཉྙཱསཉྩ སིཀྑཱཔདཱནི། ཝིགྒཧནྟི མནུསྶཝིགྒཧཾ། ཨཏིརེཀནྟི དསཱཧཔརམཾ ཨཏིརེཀཙཱིཝརཾ། ཀཱལ༹ཀནྟི ‘‘སུདྡྷཀཱལ༹ཀཱན’’ནྟི ཝུཏྟཀཱལ༹ཀཾ། བྷཱུཏནྟི བྷཱུཏཱརོཙནཾ། པརམྤརབྷཏྟནྟི པརམྤརབྷོཛནཾ། བྷིཀྑུནཱིསུ ཙ ཨཀྐོསོཏི ‘‘ཡཱ པན བྷིཀྑུནཱི བྷིཀྑུཾ ཨཀྐོསེཡྻ ཝཱ པརིབྷཱསེཡྻ ཝཱ’’ཏི (པཱཙི॰ ༡༠༢༩) ཝུཏྟསིཀྑཱཔདཾ། ཨནྟརཝཱསཀནྟི ཨཉྙཱཏིཀཱཡ བྷིཀྑུནིཡཱ ཙཱིཝརཔཊིགྒཎྷནཾ། རཱུཔིཡནྟི རཱུཔིཡསཾཝོཧཱརཾ། སུཏྟནྟི ‘‘སཱམཾ སུཏྟཾ ཝིཉྙཱཔེཏྭཱ ཏནྟཝཱཡེཧཱི’’ཏི (པཱརཱ॰ ༦༣༧) ཝུཏྟསིཀྑཱཔདཾ། ཨུཛ྄ཛྷཱཔནཀེཏི ཨུཛ྄ཛྷཱཔནཀེ ཁིཡྻནཀེ པཱཙིཏྟིཡཾ། པཱཙིཏཔིཎྜནྟི བྷིཀྑུནཱིཔརིཔཱཙིཏཾ། ཙཱིཝརཾ དཏྭཱཏི ‘‘སམགྒེན སངྒྷེན ཙཱིཝརཾ དཏྭཱ’’ཏི (པཱཙི॰ ༤༨༥) ཝུཏྟསིཀྑཱཔདཾ། ཝོསཱསནྟཱིཏི ‘‘བྷིཀྑཱུ པནེཝ ཀུལེསུ ནིམནྟིཏཱ བྷུཉྫནྟི, ཏཏྲ ཙེསཱ བྷིཀྑུནཱི’’ཏི (པཱཙི॰ ༥༥༨) ཝུཏྟཔཱཊིདེསནཱིཡཾ། གིརགྒནྟི ‘‘ཡཱ པན བྷིཀྑུནཱི ནཙྩཾ ཝཱ གཱིཏཾ ཝཱ’’ཏི (པཱཙི॰ ༨༣༤) ཝུཏྟསིཀྑཱཔདཾ། ཙརིཡཱཏི ‘‘ཨནྟོཝསྶཾ ཙཱརིཀཾ ཙརེཡྻཱ’’ཏི (པཱཙི॰ ༩༧༠) ཙ, ‘‘ཝསྶཾཝུཏྠཱ ཙཱརིཀཾ ན པཀྐམེཡྻཱ’’ཏི (པཱཙི॰ ༩༧༤) ཙ ཝུཏྟསིཀྑཱཔདདྭཡཾ། ཚནྡདཱནེནཱཏི པཱརིཝཱསིཀེན ཚནྡདཱནེན།
335.Aḍḍhuḍḍhasatānīti tīṇi satāni paññāsañca sikkhāpadāni. Viggahanti manussaviggahaṃ. Atirekanti dasāhaparamaṃ atirekacīvaraṃ. Kāḷakanti ‘‘suddhakāḷakāna’’nti vuttakāḷakaṃ. Bhūtanti bhūtārocanaṃ. Paramparabhattanti paramparabhojanaṃ. Bhikkhunīsu ca akkosoti ‘‘yā pana bhikkhunī bhikkhuṃ akkoseyya vā paribhāseyya vā’’ti (pāci. 1029) vuttasikkhāpadaṃ. Antaravāsakanti aññātikāya bhikkhuniyā cīvarapaṭiggaṇhanaṃ. Rūpiyanti rūpiyasaṃvohāraṃ. Suttanti ‘‘sāmaṃ suttaṃ viññāpetvā tantavāyehī’’ti (pārā. 637) vuttasikkhāpadaṃ. Ujjhāpanaketi ujjhāpanake khiyyanake pācittiyaṃ. Pācitapiṇḍanti bhikkhunīparipācitaṃ. Cīvaraṃ datvāti ‘‘samaggena saṅghena cīvaraṃ datvā’’ti (pāci. 485) vuttasikkhāpadaṃ. Vosāsantīti ‘‘bhikkhū paneva kulesu nimantitā bhuñjanti, tatra cesā bhikkhunī’’ti (pāci. 558) vuttapāṭidesanīyaṃ. Giragganti ‘‘yā pana bhikkhunī naccaṃ vā gītaṃ vā’’ti (pāci. 834) vuttasikkhāpadaṃ. Cariyāti ‘‘antovassaṃ cārikaṃ careyyā’’ti (pāci. 970) ca, ‘‘vassaṃvutthā cārikaṃ na pakkameyyā’’ti (pāci. 974) ca vuttasikkhāpadadvayaṃ. Chandadānenāti pārivāsikena chandadānena.
པཱརཱཛིཀཱནི ཙཏྟཱརཱིཏི བྷིཀྑུནཱིནཾ ཙཏྟཱརི པཱརཱཛིཀཱནི། ཀུཊཱིཏི ཀུཊིཀཱརསིཀྑཱཔདཾ། ཀོསིཡནྟི ཀོསིཡམིསྶཀསིཀྑཱཔདཾ། སེཡྻཱཏི ཨནུཔསམྤནྣེན སཧསེཡྻསིཀྑཱཔདཾ། ཁཎནེཏི པཐཝཱིཁཎནཾ། གཙྪ དེཝཏེཏི བྷཱུཏགཱམསིཀྑཱཔདཾ། སིཉྩནྟི སཔྤཱཎཀཨུདཀསིཉྩནཾ། མཧཱཝིཧཱརོཏི མཧལླཀཝིཧཱརོ། ཨཉྙནྟི ཨཉྙཝཱདཀཾ། དྭཱརནྟི ཡཱཝ དྭཱརཀོསཱ། སཧདྷམྨོཏི སཧདྷམྨིཀཾ ཝུཙྩམཱནོ། པཡོཔཱནནྟི སུརུསུརུཀཱརཀཾ། ཨེལ༹ཀལོམཱནཱིཏི ཨེལ༹ཀལོམདྷོཝཱཔནཾ། པཏྟོཏི ཨཱུནཔཉྩབནྡྷནཔཏྟོ། ཨོཝཱདོཏི བྷིཀྑུནུཔསྶཡཾ ཨུཔསངྐམིཏྭཱ ཨོཝཱདོ། བྷེསཛྫནྟི ཏདུཏྟརིབྷེསཛྫཝིཉྙཱཔནཾ། སཱུཙཱིཏི ཨཊྛིམཡཱདིསཱུཙིགྷརཾ། ཨཱརཉྙིཀོཏི ‘‘ཡཱནི ཁོ པན ཏཱནི ཨཱརཉྙཀཱནི སེནཱསནཱནཱི’’ཏིཨཱདིནཱ (པཱཙི॰ ༥༧༠) ཝུཏྟཔཱཊིདེསནཱིཡཾ ། ཨོཝཱདོཏི ‘‘ཡཱ པན བྷིཀྑུནཱི ཨོཝཱདཱཡ ཝཱ སཾཝཱསཱཡ ཝཱ ན གཙྪེཡྻཱ’’ཏི (པཱཙི॰ ༡༠༥༥) ཝུཏྟསིཀྑཱཔདཾ།
Pārājikāni cattārīti bhikkhunīnaṃ cattāri pārājikāni. Kuṭīti kuṭikārasikkhāpadaṃ. Kosiyanti kosiyamissakasikkhāpadaṃ. Seyyāti anupasampannena sahaseyyasikkhāpadaṃ. Khaṇaneti pathavīkhaṇanaṃ. Gaccha devateti bhūtagāmasikkhāpadaṃ. Siñcanti sappāṇakaudakasiñcanaṃ. Mahāvihāroti mahallakavihāro. Aññanti aññavādakaṃ. Dvāranti yāva dvārakosā. Sahadhammoti sahadhammikaṃ vuccamāno. Payopānanti surusurukārakaṃ. Eḷakalomānīti eḷakalomadhovāpanaṃ. Pattoti ūnapañcabandhanapatto. Ovādoti bhikkhunupassayaṃ upasaṅkamitvā ovādo. Bhesajjanti taduttaribhesajjaviññāpanaṃ. Sūcīti aṭṭhimayādisūcigharaṃ. Āraññikoti ‘‘yāni kho pana tāni āraññakāni senāsanānī’’tiādinā (pāci. 570) vuttapāṭidesanīyaṃ . Ovādoti ‘‘yā pana bhikkhunī ovādāya vā saṃvāsāya vā na gaccheyyā’’ti (pāci. 1055) vuttasikkhāpadaṃ.
པཱརཱཛིཀཱནི ཙཏྟཱརཱིཏིཨཱདིནཱ ཚསུ ནགརེསུ པཉྙཏྟཾ ཨེཀཏོ སམྤིཎྜིཏྭཱ སཱཝཏྠིཡཱ པཉྙཏྟཾ ཝིསུཾ གཎེཏྭཱ སབྦཱནེཝ སིཀྑཱཔདཱནི དྭཱིཧི རཱསཱིཧི སངྒཎྷཱཏི།
Pārājikāni cattārītiādinā chasu nagaresu paññattaṃ ekato sampiṇḍitvā sāvatthiyā paññattaṃ visuṃ gaṇetvā sabbāneva sikkhāpadāni dvīhi rāsīhi saṅgaṇhāti.
སཏྟནགརེསུ པཉྙཏྟསིཀྑཱཔདཝཎྞནཱ ནིཊྛིཏཱ།
Sattanagaresu paññattasikkhāpadavaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / ཝིནཡཔིཊཀ • Vinayapiṭaka / པརིཝཱརཔཱལི༹ • Parivārapāḷi / ༡. སཏྟནགརེསུ པཉྙཏྟསིཀྑཱཔདཾ • 1. Sattanagaresu paññattasikkhāpadaṃ
ཨཊྛཀཐཱ • Aṭṭhakathā / ཝིནཡཔིཊཀ (ཨཊྛཀཐཱ) • Vinayapiṭaka (aṭṭhakathā) / པརིཝཱར-ཨཊྛཀཐཱ • Parivāra-aṭṭhakathā / སཏྟནགརེསུ པཉྙཏྟསིཀྑཱཔདཝཎྞནཱ • Sattanagaresu paññattasikkhāpadavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝཛིརབུདྡྷི-ཊཱིཀཱ • Vajirabuddhi-ṭīkā / སཏྟནགརེསུ པཉྙཏྟསིཀྑཱཔདཝཎྞནཱ • Sattanagaresu paññattasikkhāpadavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝིམཏིཝིནོདནཱི-ཊཱིཀཱ • Vimativinodanī-ṭīkā / སཏྟནགརེསུ པཉྙཏྟསིཀྑཱཔདཝཎྞནཱ • Sattanagaresu paññattasikkhāpadavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / པཱཙིཏྱཱདིཡོཛནཱཔཱལི༹ • Pācityādiyojanāpāḷi / སཏྟནགརེསུ པཉྙཏྟསིཀྑཱཔདཝཎྞནཱ • Sattanagaresu paññattasikkhāpadavaṇṇanā
