| Library / Tipiṭaka / ਤਿਪਿਟਕ • Tipiṭaka / ਪਰਿવਾਰ-ਅਟ੍ਠਕਥਾ • Parivāra-aṭṭhakathā |
ਪਠਮਗਾਥਾਸਙ੍ਗਣਿਕਂ
Paṭhamagāthāsaṅgaṇikaṃ
ਸਤ੍ਤਨਗਰੇਸੁ ਪਞ੍ਞਤ੍ਤਸਿਕ੍ਖਾਪਦવਣ੍ਣਨਾ
Sattanagaresu paññattasikkhāpadavaṇṇanā
੩੩੫. ਏਕਂਸਂ ਚੀવਰਂ ਕਤ੍વਾਤਿ ਏਕਸ੍ਮਿਂ ਅਂਸਕੂਟੇ ਚੀવਰਂ ਕਤ੍વਾ; ਸਾਧੁਕਂ ਉਤ੍ਤਰਾਸਙ੍ਗਂ ਕਤ੍વਾਤਿ ਅਤ੍ਥੋ। ਪਗ੍ਗਣ੍ਹਿਤ੍વਾਨ ਅਞ੍ਜਲਿਨ੍ਤਿ ਦਸਨਖਸਮੋਧਾਨਸਮੁਜ੍ਜਲਂ ਅਞ੍ਜਲਿਂ ਉਕ੍ਖਿਪਿਤ੍વਾ। ਆਸੀਸਮਾਨਰੂਪੋ વਾਤਿ ਪਚ੍ਚਾਸੀਸਮਾਨਰੂਪੋ વਿਯ। ਕਿਸ੍ਸ ਤ੍વਂ ਇਧ ਮਾਗਤੋਤਿ ਕੇਨ ਕਾਰਣੇਨ ਕਿਮਤ੍ਥਂ ਪਤ੍ਥਯਮਾਨੋ ਤ੍વਂ ਇਧ ਆਗਤੋ। ਕੋ ਏવਮਾਹ? ਸਮ੍ਮਾਸਮ੍ਬੁਦ੍ਧੋ। ਕਂ ਏવਮਾਹ? ਆਯਸ੍ਮਨ੍ਤਂ ਉਪਾਲਿਂ। ਇਤਿ ਆਯਸ੍ਮਾ ਉਪਾਲਿ ਭਗવਨ੍ਤਂ ਉਪਸਙ੍ਕਮਿਤ੍વਾ ‘‘ਦ੍વੀਸੁ વਿਨਯੇਸੂ’’ਤਿ ਇਮਂ ਗਾਥਂ ਪੁਚ੍ਛਿ। ਅਥਸ੍ਸ ਭਗવਾ ‘‘ਭਦ੍ਦਕੋ ਤੇ ਉਮ੍ਮਙ੍ਗੋ’’ਤਿਆਦੀਨਿ વਤ੍વਾ ਤਂ વਿਸ੍ਸਜ੍ਜੇਸਿ। ਏਸ ਨਯੋ ਸਬ੍ਬਤ੍ਥ। ਇਤਿ ਇਮੇ ਸਬ੍ਬਪਞ੍ਹੇ ਬੁਦ੍ਧਕਾਲੇ ਉਪਾਲਿਤ੍ਥੇਰੋ ਪੁਚ੍ਛਿ। ਭਗવਾ ਬ੍ਯਾਕਾਸਿ। ਸਙ੍ਗੀਤਿਕਾਲੇ ਪਨ ਮਹਾਕਸ੍ਸਪਤ੍ਥੇਰੋ ਪੁਚ੍ਛਿ। ਉਪਾਲਿਤ੍ਥੇਰੋ ਬ੍ਯਾਕਾਸਿ।
335.Ekaṃsaṃcīvaraṃ katvāti ekasmiṃ aṃsakūṭe cīvaraṃ katvā; sādhukaṃ uttarāsaṅgaṃ katvāti attho. Paggaṇhitvāna añjalinti dasanakhasamodhānasamujjalaṃ añjaliṃ ukkhipitvā. Āsīsamānarūpo vāti paccāsīsamānarūpo viya. Kissa tvaṃ idha māgatoti kena kāraṇena kimatthaṃ patthayamāno tvaṃ idha āgato. Ko evamāha? Sammāsambuddho. Kaṃ evamāha? Āyasmantaṃ upāliṃ. Iti āyasmā upāli bhagavantaṃ upasaṅkamitvā ‘‘dvīsu vinayesū’’ti imaṃ gāthaṃ pucchi. Athassa bhagavā ‘‘bhaddako te ummaṅgo’’tiādīni vatvā taṃ vissajjesi. Esa nayo sabbattha. Iti ime sabbapañhe buddhakāle upālitthero pucchi. Bhagavā byākāsi. Saṅgītikāle pana mahākassapatthero pucchi. Upālitthero byākāsi.
ਤਤ੍ਥ ਭਦ੍ਦਕੋ ਤੇ ਉਮ੍ਮਙ੍ਗੋਤਿ ਭਦ੍ਦਕਾ ਤੇ ਪਞ੍ਹਾ; ਪਞ੍ਹਾ ਹਿ ਅવਿਜ੍ਜਨ੍ਧਕਾਰਤੋ ਉਮ੍ਮੁਜ੍ਜਿਤ੍વਾ ਠਿਤਤ੍ਤਾ ‘‘ਉਮ੍ਮਙ੍ਗੋ’’ਤਿ વੁਚ੍ਚਤਿ। ਤਗ੍ਘਾਤਿ ਕਾਰਣਤ੍ਥੇ ਨਿਪਾਤੋ। ਯਸ੍ਮਾ ਮਂ ਪੁਚ੍ਛਸਿ, ਤਸ੍ਮਾ ਤੇ ਅਹਮਕ੍ਖਿਸ੍ਸਨ੍ਤਿ ਅਤ੍ਥੋ। ਸਮ੍ਪਟਿਚ੍ਛਨਤ੍ਥੇ વਾ, ‘‘ਤਗ੍ਘਾ’’ਤਿ ਹਿ ਇਮਿਨਾ વਚਨਂ ਸਮ੍ਪਟਿਚ੍ਛਿਤ੍વਾ ਅਕ੍ਖਿਸ੍ਸਨ੍ਤਿ ਆਹ। ‘‘ਸਮਾਦਹਿਤ੍વਾ વਿਸਿਬ੍ਬੇਨ੍ਤਿ, ਸਾਮਿਸੇਨ, ਸਸਿਤ੍ਥਕ’’ਨ੍ਤਿ ਇਮਾਨਿ ਤੀਣਿਯੇવ ਸਿਕ੍ਖਾਪਦਾਨਿ ਭਗ੍ਗੇਸੁ ਪਞ੍ਞਤ੍ਤਾਨਿ।
Tattha bhaddako te ummaṅgoti bhaddakā te pañhā; pañhā hi avijjandhakārato ummujjitvā ṭhitattā ‘‘ummaṅgo’’ti vuccati. Tagghāti kāraṇatthe nipāto. Yasmā maṃ pucchasi, tasmā te ahamakkhissanti attho. Sampaṭicchanatthe vā, ‘‘tagghā’’ti hi iminā vacanaṃ sampaṭicchitvā akkhissanti āha. ‘‘Samādahitvā visibbenti, sāmisena, sasitthaka’’nti imāni tīṇiyeva sikkhāpadāni bhaggesu paññattāni.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਪਰਿવਾਰਪਾਲ਼ਿ • Parivārapāḷi / ੧. ਸਤ੍ਤਨਗਰੇਸੁ ਪਞ੍ਞਤ੍ਤਸਿਕ੍ਖਾਪਦਂ • 1. Sattanagaresu paññattasikkhāpadaṃ
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਸਤ੍ਤਨਗਰੇਸੁ ਪਞ੍ਞਤ੍ਤਸਿਕ੍ਖਾਪਦવਣ੍ਣਨਾ • Sattanagaresu paññattasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਸਤ੍ਤਨਗਰੇਸੁ ਪਞ੍ਞਤ੍ਤਸਿਕ੍ਖਾਪਦવਣ੍ਣਨਾ • Sattanagaresu paññattasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਸਤ੍ਤਨਗਰੇਸੁ ਪਞ੍ਞਤ੍ਤਸਿਕ੍ਖਾਪਦવਣ੍ਣਨਾ • Sattanagaresu paññattasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ਸਤ੍ਤਨਗਰੇਸੁ ਪਞ੍ਞਤ੍ਤਸਿਕ੍ਖਾਪਦવਣ੍ਣਨਾ • Sattanagaresu paññattasikkhāpadavaṇṇanā
