| Library / Tipiṭaka / ਤਿਪਿਟਕ • Tipiṭaka / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā |
ਪਠਮਗਾਥਾਸਙ੍ਗਣਿਕਂ
Paṭhamagāthāsaṅgaṇikaṃ
ਸਤ੍ਤਨਗਰੇਸੁ ਪਞ੍ਞਤ੍ਤਸਿਕ੍ਖਾਪਦવਣ੍ਣਨਾ
Sattanagaresu paññattasikkhāpadavaṇṇanā
੩੩੫. ਅਡ੍ਢੁਡ੍ਢਸਤਾਨੀਤਿ ਤੀਣਿ ਸਤਾਨਿ ਪਞ੍ਞਾਸਞ੍ਚ ਸਿਕ੍ਖਾਪਦਾਨਿ। વਿਗ੍ਗਹਨ੍ਤਿ ਮਨੁਸ੍ਸવਿਗ੍ਗਹਂ। ਅਤਿਰੇਕਨ੍ਤਿ ਦਸਾਹਪਰਮਂ ਅਤਿਰੇਕਚੀવਰਂ। ਕਾਲ਼ਕਨ੍ਤਿ ‘‘ਸੁਦ੍ਧਕਾਲ਼ਕਾਨ’’ਨ੍ਤਿ વੁਤ੍ਤਕਾਲ਼ਕਂ। ਭੂਤਨ੍ਤਿ ਭੂਤਾਰੋਚਨਂ। ਪਰਮ੍ਪਰਭਤ੍ਤਨ੍ਤਿ ਪਰਮ੍ਪਰਭੋਜਨਂ। ਭਿਕ੍ਖੁਨੀਸੁ ਚ ਅਕ੍ਕੋਸੋਤਿ ‘‘ਯਾ ਪਨ ਭਿਕ੍ਖੁਨੀ ਭਿਕ੍ਖੁਂ ਅਕ੍ਕੋਸੇਯ੍ਯ વਾ ਪਰਿਭਾਸੇਯ੍ਯ વਾ’’ਤਿ (ਪਾਚਿ॰ ੧੦੨੯) વੁਤ੍ਤਸਿਕ੍ਖਾਪਦਂ। ਅਨ੍ਤਰવਾਸਕਨ੍ਤਿ ਅਞ੍ਞਾਤਿਕਾਯ ਭਿਕ੍ਖੁਨਿਯਾ ਚੀવਰਪਟਿਗ੍ਗਣ੍ਹਨਂ। ਰੂਪਿਯਨ੍ਤਿ ਰੂਪਿਯਸਂવੋਹਾਰਂ। ਸੁਤ੍ਤਨ੍ਤਿ ‘‘ਸਾਮਂ ਸੁਤ੍ਤਂ વਿਞ੍ਞਾਪੇਤ੍વਾ ਤਨ੍ਤવਾਯੇਹੀ’’ਤਿ (ਪਾਰਾ॰ ੬੩੭) વੁਤ੍ਤਸਿਕ੍ਖਾਪਦਂ। ਉਜ੍ਝਾਪਨਕੇਤਿ ਉਜ੍ਝਾਪਨਕੇ ਖਿਯ੍ਯਨਕੇ ਪਾਚਿਤ੍ਤਿਯਂ। ਪਾਚਿਤਪਿਣ੍ਡਨ੍ਤਿ ਭਿਕ੍ਖੁਨੀਪਰਿਪਾਚਿਤਂ। ਚੀવਰਂ ਦਤ੍વਾਤਿ ‘‘ਸਮਗ੍ਗੇਨ ਸਙ੍ਘੇਨ ਚੀવਰਂ ਦਤ੍વਾ’’ਤਿ (ਪਾਚਿ॰ ੪੮੫) વੁਤ੍ਤਸਿਕ੍ਖਾਪਦਂ। વੋਸਾਸਨ੍ਤੀਤਿ ‘‘ਭਿਕ੍ਖੂ ਪਨੇવ ਕੁਲੇਸੁ ਨਿਮਨ੍ਤਿਤਾ ਭੁਞ੍ਜਨ੍ਤਿ, ਤਤ੍ਰ ਚੇਸਾ ਭਿਕ੍ਖੁਨੀ’’ਤਿ (ਪਾਚਿ॰ ੫੫੮) વੁਤ੍ਤਪਾਟਿਦੇਸਨੀਯਂ। ਗਿਰਗ੍ਗਨ੍ਤਿ ‘‘ਯਾ ਪਨ ਭਿਕ੍ਖੁਨੀ ਨਚ੍ਚਂ વਾ ਗੀਤਂ વਾ’’ਤਿ (ਪਾਚਿ॰ ੮੩੪) વੁਤ੍ਤਸਿਕ੍ਖਾਪਦਂ। ਚਰਿਯਾਤਿ ‘‘ਅਨ੍ਤੋવਸ੍ਸਂ ਚਾਰਿਕਂ ਚਰੇਯ੍ਯਾ’’ਤਿ (ਪਾਚਿ॰ ੯੭੦) ਚ, ‘‘વਸ੍ਸਂવੁਤ੍ਥਾ ਚਾਰਿਕਂ ਨ ਪਕ੍ਕਮੇਯ੍ਯਾ’’ਤਿ (ਪਾਚਿ॰ ੯੭੪) ਚ વੁਤ੍ਤਸਿਕ੍ਖਾਪਦਦ੍વਯਂ। ਛਨ੍ਦਦਾਨੇਨਾਤਿ ਪਾਰਿવਾਸਿਕੇਨ ਛਨ੍ਦਦਾਨੇਨ।
335.Aḍḍhuḍḍhasatānīti tīṇi satāni paññāsañca sikkhāpadāni. Viggahanti manussaviggahaṃ. Atirekanti dasāhaparamaṃ atirekacīvaraṃ. Kāḷakanti ‘‘suddhakāḷakāna’’nti vuttakāḷakaṃ. Bhūtanti bhūtārocanaṃ. Paramparabhattanti paramparabhojanaṃ. Bhikkhunīsu ca akkosoti ‘‘yā pana bhikkhunī bhikkhuṃ akkoseyya vā paribhāseyya vā’’ti (pāci. 1029) vuttasikkhāpadaṃ. Antaravāsakanti aññātikāya bhikkhuniyā cīvarapaṭiggaṇhanaṃ. Rūpiyanti rūpiyasaṃvohāraṃ. Suttanti ‘‘sāmaṃ suttaṃ viññāpetvā tantavāyehī’’ti (pārā. 637) vuttasikkhāpadaṃ. Ujjhāpanaketi ujjhāpanake khiyyanake pācittiyaṃ. Pācitapiṇḍanti bhikkhunīparipācitaṃ. Cīvaraṃ datvāti ‘‘samaggena saṅghena cīvaraṃ datvā’’ti (pāci. 485) vuttasikkhāpadaṃ. Vosāsantīti ‘‘bhikkhū paneva kulesu nimantitā bhuñjanti, tatra cesā bhikkhunī’’ti (pāci. 558) vuttapāṭidesanīyaṃ. Giragganti ‘‘yā pana bhikkhunī naccaṃ vā gītaṃ vā’’ti (pāci. 834) vuttasikkhāpadaṃ. Cariyāti ‘‘antovassaṃ cārikaṃ careyyā’’ti (pāci. 970) ca, ‘‘vassaṃvutthā cārikaṃ na pakkameyyā’’ti (pāci. 974) ca vuttasikkhāpadadvayaṃ. Chandadānenāti pārivāsikena chandadānena.
ਪਾਰਾਜਿਕਾਨਿ ਚਤ੍ਤਾਰੀਤਿ ਭਿਕ੍ਖੁਨੀਨਂ ਚਤ੍ਤਾਰਿ ਪਾਰਾਜਿਕਾਨਿ। ਕੁਟੀਤਿ ਕੁਟਿਕਾਰਸਿਕ੍ਖਾਪਦਂ। ਕੋਸਿਯਨ੍ਤਿ ਕੋਸਿਯਮਿਸ੍ਸਕਸਿਕ੍ਖਾਪਦਂ। ਸੇਯ੍ਯਾਤਿ ਅਨੁਪਸਮ੍ਪਨ੍ਨੇਨ ਸਹਸੇਯ੍ਯਸਿਕ੍ਖਾਪਦਂ। ਖਣਨੇਤਿ ਪਥવੀਖਣਨਂ। ਗਚ੍ਛ ਦੇવਤੇਤਿ ਭੂਤਗਾਮਸਿਕ੍ਖਾਪਦਂ। ਸਿਞ੍ਚਨ੍ਤਿ ਸਪ੍ਪਾਣਕਉਦਕਸਿਞ੍ਚਨਂ। ਮਹਾવਿਹਾਰੋਤਿ ਮਹਲ੍ਲਕવਿਹਾਰੋ। ਅਞ੍ਞਨ੍ਤਿ ਅਞ੍ਞવਾਦਕਂ। ਦ੍વਾਰਨ੍ਤਿ ਯਾવ ਦ੍વਾਰਕੋਸਾ। ਸਹਧਮ੍ਮੋਤਿ ਸਹਧਮ੍ਮਿਕਂ વੁਚ੍ਚਮਾਨੋ। ਪਯੋਪਾਨਨ੍ਤਿ ਸੁਰੁਸੁਰੁਕਾਰਕਂ। ਏਲ਼ਕਲੋਮਾਨੀਤਿ ਏਲ਼ਕਲੋਮਧੋવਾਪਨਂ। ਪਤ੍ਤੋਤਿ ਊਨਪਞ੍ਚਬਨ੍ਧਨਪਤ੍ਤੋ। ਓવਾਦੋਤਿ ਭਿਕ੍ਖੁਨੁਪਸ੍ਸਯਂ ਉਪਸਙ੍ਕਮਿਤ੍વਾ ਓવਾਦੋ। ਭੇਸਜ੍ਜਨ੍ਤਿ ਤਦੁਤ੍ਤਰਿਭੇਸਜ੍ਜવਿਞ੍ਞਾਪਨਂ। ਸੂਚੀਤਿ ਅਟ੍ਠਿਮਯਾਦਿਸੂਚਿਘਰਂ। ਆਰਞ੍ਞਿਕੋਤਿ ‘‘ਯਾਨਿ ਖੋ ਪਨ ਤਾਨਿ ਆਰਞ੍ਞਕਾਨਿ ਸੇਨਾਸਨਾਨੀ’’ਤਿਆਦਿਨਾ (ਪਾਚਿ॰ ੫੭੦) વੁਤ੍ਤਪਾਟਿਦੇਸਨੀਯਂ । ਓવਾਦੋਤਿ ‘‘ਯਾ ਪਨ ਭਿਕ੍ਖੁਨੀ ਓવਾਦਾਯ વਾ ਸਂવਾਸਾਯ વਾ ਨ ਗਚ੍ਛੇਯ੍ਯਾ’’ਤਿ (ਪਾਚਿ॰ ੧੦੫੫) વੁਤ੍ਤਸਿਕ੍ਖਾਪਦਂ।
Pārājikāni cattārīti bhikkhunīnaṃ cattāri pārājikāni. Kuṭīti kuṭikārasikkhāpadaṃ. Kosiyanti kosiyamissakasikkhāpadaṃ. Seyyāti anupasampannena sahaseyyasikkhāpadaṃ. Khaṇaneti pathavīkhaṇanaṃ. Gaccha devateti bhūtagāmasikkhāpadaṃ. Siñcanti sappāṇakaudakasiñcanaṃ. Mahāvihāroti mahallakavihāro. Aññanti aññavādakaṃ. Dvāranti yāva dvārakosā. Sahadhammoti sahadhammikaṃ vuccamāno. Payopānanti surusurukārakaṃ. Eḷakalomānīti eḷakalomadhovāpanaṃ. Pattoti ūnapañcabandhanapatto. Ovādoti bhikkhunupassayaṃ upasaṅkamitvā ovādo. Bhesajjanti taduttaribhesajjaviññāpanaṃ. Sūcīti aṭṭhimayādisūcigharaṃ. Āraññikoti ‘‘yāni kho pana tāni āraññakāni senāsanānī’’tiādinā (pāci. 570) vuttapāṭidesanīyaṃ . Ovādoti ‘‘yā pana bhikkhunī ovādāya vā saṃvāsāya vā na gaccheyyā’’ti (pāci. 1055) vuttasikkhāpadaṃ.
ਪਾਰਾਜਿਕਾਨਿ ਚਤ੍ਤਾਰੀਤਿਆਦਿਨਾ ਛਸੁ ਨਗਰੇਸੁ ਪਞ੍ਞਤ੍ਤਂ ਏਕਤੋ ਸਮ੍ਪਿਣ੍ਡਿਤ੍વਾ ਸਾવਤ੍ਥਿਯਾ ਪਞ੍ਞਤ੍ਤਂ વਿਸੁਂ ਗਣੇਤ੍વਾ ਸਬ੍ਬਾਨੇવ ਸਿਕ੍ਖਾਪਦਾਨਿ ਦ੍વੀਹਿ ਰਾਸੀਹਿ ਸਙ੍ਗਣ੍ਹਾਤਿ।
Pārājikāni cattārītiādinā chasu nagaresu paññattaṃ ekato sampiṇḍitvā sāvatthiyā paññattaṃ visuṃ gaṇetvā sabbāneva sikkhāpadāni dvīhi rāsīhi saṅgaṇhāti.
ਸਤ੍ਤਨਗਰੇਸੁ ਪਞ੍ਞਤ੍ਤਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Sattanagaresu paññattasikkhāpadavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਪਰਿવਾਰਪਾਲ਼ਿ • Parivārapāḷi / ੧. ਸਤ੍ਤਨਗਰੇਸੁ ਪਞ੍ਞਤ੍ਤਸਿਕ੍ਖਾਪਦਂ • 1. Sattanagaresu paññattasikkhāpadaṃ
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਪਰਿવਾਰ-ਅਟ੍ਠਕਥਾ • Parivāra-aṭṭhakathā / ਸਤ੍ਤਨਗਰੇਸੁ ਪਞ੍ਞਤ੍ਤਸਿਕ੍ਖਾਪਦવਣ੍ਣਨਾ • Sattanagaresu paññattasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਸਤ੍ਤਨਗਰੇਸੁ ਪਞ੍ਞਤ੍ਤਸਿਕ੍ਖਾਪਦવਣ੍ਣਨਾ • Sattanagaresu paññattasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਸਤ੍ਤਨਗਰੇਸੁ ਪਞ੍ਞਤ੍ਤਸਿਕ੍ਖਾਪਦવਣ੍ਣਨਾ • Sattanagaresu paññattasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ਸਤ੍ਤਨਗਰੇਸੁ ਪਞ੍ਞਤ੍ਤਸਿਕ੍ਖਾਪਦવਣ੍ਣਨਾ • Sattanagaresu paññattasikkhāpadavaṇṇanā
