| Library / Tipiṭaka / திபிடக • Tipiṭaka / மஹாவக்³க³பாளி • Mahāvaggapāḷi |
111. ஸத்தன்னங் அப்பஹிதேபி அனுஜானநா
111. Sattannaṃ appahitepi anujānanā
198. தேன கோ² பன ஸமயேன அஞ்ஞதரஸ்ஸ பி⁴க்கு²னோ மாதா கி³லானா ஹோதி. ஸா புத்தஸ்ஸ ஸந்திகே தூ³தங் பாஹேஸி – ‘‘அஹஞ்ஹி கி³லானா, ஆக³ச்ச²து மே புத்தோ, இச்சா²மி புத்தஸ்ஸ ஆக³த’’ந்தி. அத² கோ² தஸ்ஸ பி⁴க்கு²னோ ஏதத³ஹோஸி – ‘‘ப⁴க³வதா பஞ்ஞத்தங் ஸத்தன்னங் ஸத்தாஹகரணீயேன பஹிதே க³ந்துங், ந த்வேவ அப்பஹிதே; பஞ்சன்னங் ஸத்தாஹகரணீயேன அப்பஹிதேபி க³ந்துங், பகே³வ பஹிதேதி. அயஞ்ச மே மாதா கி³லானா, ஸா ச அனுபாஸிகா, கத²ங் நு கோ² மயா படிபஜ்ஜிதப்³ப³’’ந்தி? ப⁴க³வதோ ஏதமத்த²ங் ஆரோசேஸுங். அனுஜானாமி, பி⁴க்க²வே, ஸத்தன்னங் ஸத்தாஹகரணீயேன அப்பஹிதேபி க³ந்துங், பகே³வ பஹிதே. பி⁴க்கு²ஸ்ஸ, பி⁴க்கு²னியா, ஸிக்க²மானாய, ஸாமணேரஸ்ஸ, ஸாமணேரியா, மாதுயா ச பிதுஸ்ஸ ச – அனுஜானாமி, பி⁴க்க²வே, இமேஸங் ஸத்தன்னங் ஸத்தாஹகரணீயேன அப்பஹிதேபி க³ந்துங், பகே³வ பஹிதே. ஸத்தாஹங் ஸன்னிவத்தோ காதப்³போ³.
198. Tena kho pana samayena aññatarassa bhikkhuno mātā gilānā hoti. Sā puttassa santike dūtaṃ pāhesi – ‘‘ahañhi gilānā, āgacchatu me putto, icchāmi puttassa āgata’’nti. Atha kho tassa bhikkhuno etadahosi – ‘‘bhagavatā paññattaṃ sattannaṃ sattāhakaraṇīyena pahite gantuṃ, na tveva appahite; pañcannaṃ sattāhakaraṇīyena appahitepi gantuṃ, pageva pahiteti. Ayañca me mātā gilānā, sā ca anupāsikā, kathaṃ nu kho mayā paṭipajjitabba’’nti? Bhagavato etamatthaṃ ārocesuṃ. Anujānāmi, bhikkhave, sattannaṃ sattāhakaraṇīyena appahitepi gantuṃ, pageva pahite. Bhikkhussa, bhikkhuniyā, sikkhamānāya, sāmaṇerassa, sāmaṇeriyā, mātuyā ca pitussa ca – anujānāmi, bhikkhave, imesaṃ sattannaṃ sattāhakaraṇīyena appahitepi gantuṃ, pageva pahite. Sattāhaṃ sannivatto kātabbo.
இத⁴ பன, பி⁴க்க²வே, பி⁴க்கு²ஸ்ஸ மாதா கி³லானா ஹோதி. ஸா சே புத்தஸ்ஸ ஸந்திகே தூ³தங் பஹிணெய்ய – ‘‘அஹஞ்ஹி கி³லானா, ஆக³ச்ச²து மே புத்தோ, இச்சா²மி புத்தஸ்ஸ ஆக³த’’ந்தி, க³ந்தப்³ப³ங், பி⁴க்க²வே, ஸத்தாஹகரணீயேன, அப்பஹிதேபி, பகே³வ பஹிதே – ‘‘கி³லானப⁴த்தங் வா பரியேஸிஸ்ஸாமி, கி³லானுபட்டா²கப⁴த்தங் வா பரியேஸிஸ்ஸாமி, கி³லானபே⁴ஸஜ்ஜங் வா பரியேஸிஸ்ஸாமி, புச்சி²ஸ்ஸாமி வா, உபட்ட²ஹிஸ்ஸாமி வா’’தி. ஸத்தாஹங் ஸன்னிவத்தோ காதப்³போ³.
Idha pana, bhikkhave, bhikkhussa mātā gilānā hoti. Sā ce puttassa santike dūtaṃ pahiṇeyya – ‘‘ahañhi gilānā, āgacchatu me putto, icchāmi puttassa āgata’’nti, gantabbaṃ, bhikkhave, sattāhakaraṇīyena, appahitepi, pageva pahite – ‘‘gilānabhattaṃ vā pariyesissāmi, gilānupaṭṭhākabhattaṃ vā pariyesissāmi, gilānabhesajjaṃ vā pariyesissāmi, pucchissāmi vā, upaṭṭhahissāmi vā’’ti. Sattāhaṃ sannivatto kātabbo.
இத⁴ பன, பி⁴க்க²வே, பி⁴க்கு²ஸ்ஸ பிதா கி³லானோ ஹோதி. ஸோ சே புத்தஸ்ஸ ஸந்திகே தூ³தங் பஹிணெய்ய – ‘‘அஹஞ்ஹி கி³லானோ, ஆக³ச்ச²து மே புத்தோ, இச்சா²மி புத்தஸ்ஸ ஆக³த’’ந்தி, க³ந்தப்³ப³ங், பி⁴க்க²வே, ஸத்தாஹகரணீயேன, அப்பஹிதேபி, பகே³வ பஹிதே – ‘‘கி³லானப⁴த்தங் வா பரியேஸிஸ்ஸாமி, கி³லானுபட்டா²கப⁴த்தங் வா பரியேஸிஸ்ஸாமி, கி³லானபே⁴ஸஜ்ஜங் வா பரியேஸிஸ்ஸாமி, புச்சி²ஸ்ஸாமி வா, உபட்ட²ஹிஸ்ஸாமி வா’’தி. ஸத்தாஹங் ஸன்னிவத்தோ காதப்³போ³.
Idha pana, bhikkhave, bhikkhussa pitā gilāno hoti. So ce puttassa santike dūtaṃ pahiṇeyya – ‘‘ahañhi gilāno, āgacchatu me putto, icchāmi puttassa āgata’’nti, gantabbaṃ, bhikkhave, sattāhakaraṇīyena, appahitepi, pageva pahite – ‘‘gilānabhattaṃ vā pariyesissāmi, gilānupaṭṭhākabhattaṃ vā pariyesissāmi, gilānabhesajjaṃ vā pariyesissāmi, pucchissāmi vā, upaṭṭhahissāmi vā’’ti. Sattāhaṃ sannivatto kātabbo.
ஸத்தன்னங் அப்பஹிதேபி அனுஜானநா நிட்டி²தா.
Sattannaṃ appahitepi anujānanā niṭṭhitā.
