| Library / Tipiṭaka / তিপিটক • Tipiṭaka / অপদানপাল়ি • Apadānapāḷi |
৪. সত্তপদুমিযত্থেরঅপদানং
4. Sattapadumiyattheraapadānaṃ
১৪.
14.
‘‘নদীকূলে ৰসামহং, নেসাদো নাম ব্রাহ্মণো।
‘‘Nadīkūle vasāmahaṃ, nesādo nāma brāhmaṇo;
সতপত্তেহি পুপ্ফেহি, সম্মজ্জিত্ৰান অস্সমং॥
Satapattehi pupphehi, sammajjitvāna assamaṃ.
১৫.
15.
‘‘সুৰণ্ণৰণ্ণং সম্বুদ্ধং, সিদ্ধত্থং লোকনাযকং।
‘‘Suvaṇṇavaṇṇaṃ sambuddhaṃ, siddhatthaṃ lokanāyakaṃ;
১৬.
16.
‘‘পচ্চুগ্গন্ত্ৰান সম্বুদ্ধং, লোকজেট্ঠং নরাসভং।
‘‘Paccuggantvāna sambuddhaṃ, lokajeṭṭhaṃ narāsabhaṃ;
অস্সমং অতিনামেত্ৰা, জলজগ্গেহি ওকিরিং॥
Assamaṃ atināmetvā, jalajaggehi okiriṃ.
১৭.
17.
‘‘চতুন্নৰুতিতো কপ্পে, যং পুপ্ফমভিরোপযিং।
‘‘Catunnavutito kappe, yaṃ pupphamabhiropayiṃ;
দুগ্গতিং নাভিজানামি, বুদ্ধপূজাযিদং ফলং॥
Duggatiṃ nābhijānāmi, buddhapūjāyidaṃ phalaṃ.
১৮.
18.
‘‘ইতো তে সত্তমে কপ্পে, চতুরো পাদপাৰরা।
‘‘Ito te sattame kappe, caturo pādapāvarā;
সত্তরতনসম্পন্না, চক্কৰত্তী মহব্বলা॥
Sattaratanasampannā, cakkavattī mahabbalā.
১৯.
19.
‘‘পটিসম্ভিদা চতস্সো…পে॰… কতং বুদ্ধস্স সাসনং’’॥
‘‘Paṭisambhidā catasso…pe… kataṃ buddhassa sāsanaṃ’’.
ইত্থং সুদং আযস্মা সত্তপদুমিযো থেরো ইমা গাথাযো অভাসিত্থাতি।
Itthaṃ sudaṃ āyasmā sattapadumiyo thero imā gāthāyo abhāsitthāti.
সত্তপদুমিযত্থেরস্সাপদানং চতুত্থং।
Sattapadumiyattherassāpadānaṃ catutthaṃ.
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / খুদ্দকনিকায (অট্ঠকথা) • Khuddakanikāya (aṭṭhakathā) / অপদান-অট্ঠকথা • Apadāna-aṭṭhakathā / ১-১০. আরক্খদাযকত্থেরঅপদানাদিৰণ্ণনা • 1-10. Ārakkhadāyakattheraapadānādivaṇṇanā
