| Library / Tipiṭaka / තිපිටක • Tipiṭaka / අපදානපාළි • Apadānapāḷi |
4. සත්‌තපදුමියත්‌ථෙරඅපදානං
4. Sattapadumiyattheraapadānaṃ
14.
14.
‘‘නදීකූලෙ වසාමහං, නෙසාදො නාම බ්‍රාහ්‌මණො;
‘‘Nadīkūle vasāmahaṃ, nesādo nāma brāhmaṇo;
සතපත්‌තෙහි පුප්‌ඵෙහි, සම්‌මජ්‌ජිත්‌වාන අස්‌සමං.
Satapattehi pupphehi, sammajjitvāna assamaṃ.
15.
15.
‘‘සුවණ්‌ණවණ්‌ණං සම්‌බුද්‌ධං, සිද්‌ධත්‌ථං ලොකනායකං;
‘‘Suvaṇṇavaṇṇaṃ sambuddhaṃ, siddhatthaṃ lokanāyakaṃ;
16.
16.
‘‘පච්‌චුග්‌ගන්‌ත්‌වාන සම්‌බුද්‌ධං, ලොකජෙට්‌ඨං නරාසභං;
‘‘Paccuggantvāna sambuddhaṃ, lokajeṭṭhaṃ narāsabhaṃ;
අස්‌සමං අතිනාමෙත්‌වා, ජලජග්‌ගෙහි ඔකිරිං.
Assamaṃ atināmetvā, jalajaggehi okiriṃ.
17.
17.
‘‘චතුන්‌නවුතිතො කප්‌පෙ, යං පුප්‌ඵමභිරොපයිං;
‘‘Catunnavutito kappe, yaṃ pupphamabhiropayiṃ;
දුග්‌ගතිං නාභිජානාමි, බුද්‌ධපූජායිදං ඵලං.
Duggatiṃ nābhijānāmi, buddhapūjāyidaṃ phalaṃ.
18.
18.
‘‘ඉතො තෙ සත්‌තමෙ කප්‌පෙ, චතුරො පාදපාවරා;
‘‘Ito te sattame kappe, caturo pādapāvarā;
සත්‌තරතනසම්‌පන්‌නා, චක්‌කවත්‌තී මහබ්‌බලා.
Sattaratanasampannā, cakkavattī mahabbalā.
19.
19.
‘‘පටිසම්‌භිදා චතස්‌සො…පෙ.… කතං බුද්‌ධස්‌ස සාසනං’’.
‘‘Paṭisambhidā catasso…pe… kataṃ buddhassa sāsanaṃ’’.
ඉත්‌ථං සුදං ආයස්‌මා සත්‌තපදුමියො ථෙරො ඉමා ගාථායො අභාසිත්‌ථාති.
Itthaṃ sudaṃ āyasmā sattapadumiyo thero imā gāthāyo abhāsitthāti.
සත්‌තපදුමියත්‌ථෙරස්‌සාපදානං චතුත්‌ථං.
Sattapadumiyattherassāpadānaṃ catutthaṃ.
Footnotes:
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / ඛුද්‌දකනිකාය (අට්‌ඨකථා) • Khuddakanikāya (aṭṭhakathā) / අපදාන-අට්‌ඨකථා • Apadāna-aṭṭhakathā / 1-10. ආරක්‌ඛදායකත්‌ථෙරඅපදානාදිවණ්‌ණනා • 1-10. Ārakkhadāyakattheraapadānādivaṇṇanā
