| Library / Tipiṭaka / д̇ибидага • Tipiṭaka / бзд̇авад̇т̇у-адтагат̇аа • Petavatthu-aṭṭhakathā |
7. сад̇д̇абуд̇д̇акаад̣̇агабзд̇ивад̇т̇уван̣н̣анаа
7. Sattaputtakhādakapetivatthuvaṇṇanā
наг̇г̇аа д̣̇уб̣б̣ан̣н̣аруубаасийд̇и ид̣̇ам̣ сад̇т̇ари саавад̇т̇ияам̣ вихаранд̇з сад̇д̇абуд̇д̇акаад̣̇агабзд̇им̣ аараб̣бха вуд̇д̇ам̣. саавад̇т̇ияаа гира авид̣̇уурз ан̃н̃ад̇арасмим̣ г̇аамагз ан̃н̃ад̇арасса убаасагасса д̣̇вз буд̇д̇аа ахзсум̣ – батамаваяз тид̇аа руубасамбаннаа сийлаажаарзна саманнааг̇ад̇аа. д̇зсам̣ маад̇аа ‘‘буд̇д̇авад̇ий аха’’нд̇и буд̇д̇аб̣алзна бхад̇д̇аарам̣ ад̇иман̃н̃ад̇и. со бхарияааяа авамаанид̇о ниб̣б̣иннамаанасо ан̃н̃ам̣ ган̃н̃ам̣ аанзси. саа нажирассзва г̇аб̣бхиний ахоси. ат̇асса ж̇здтабхарияаа иссаабагад̇аа ан̃н̃ад̇арам̣ взж̇ж̇ам̣ аамисзна убалаабзд̇ваа д̇зна д̇ассаа д̇змаасигам̣ г̇аб̣бхам̣ баад̇зси. ат̇а саа н̃аад̇ийхи жа бхад̇д̇аараа жа ‘‘д̇аяаа имиссаа г̇аб̣бхо баад̇ид̇о’’д̇и будтаа ‘‘наахам̣ баад̇змий’’д̇и мусаа вад̇ваа д̇зхи асад̣̇д̣̇аханд̇зхи ‘‘сабат̇ам̣ гарохий’’д̇и вуд̇д̇аа ‘‘сааяам̣ баад̇ам̣ сад̇д̇а сад̇д̇а буд̇д̇з виж̇ааяид̇ваа буд̇д̇амам̣саани каад̣̇аами, нижжам̣ д̣̇уг̇г̇анд̇хаа жа магкигаабаригин̣н̣аа жа бхавзяяа’’нд̇и сабат̇ам̣ агааси.
Naggādubbaṇṇarūpāsīti idaṃ satthari sāvatthiyaṃ viharante sattaputtakhādakapetiṃ ārabbha vuttaṃ. Sāvatthiyā kira avidūre aññatarasmiṃ gāmake aññatarassa upāsakassa dve puttā ahesuṃ – paṭhamavaye ṭhitā rūpasampannā sīlācārena samannāgatā. Tesaṃ mātā ‘‘puttavatī aha’’nti puttabalena bhattāraṃ atimaññati. So bhariyāya avamānito nibbinnamānaso aññaṃ kaññaṃ ānesi. Sā nacirasseva gabbhinī ahosi. Athassa jeṭṭhabhariyā issāpakatā aññataraṃ vejjaṃ āmisena upalāpetvā tena tassā temāsikaṃ gabbhaṃ pātesi. Atha sā ñātīhi ca bhattārā ca ‘‘tayā imissā gabbho pātito’’ti puṭṭhā ‘‘nāhaṃ pātemī’’ti musā vatvā tehi asaddahantehi ‘‘sapathaṃ karohī’’ti vuttā ‘‘sāyaṃ pātaṃ satta satta putte vijāyitvā puttamaṃsāni khādāmi, niccaṃ duggandhā ca makkhikāparikiṇṇā ca bhaveyya’’nti sapathaṃ akāsi.
саа абарзна самаязна гаалам̣ гад̇ваа д̇асса г̇аб̣бхабаад̇анасса мусааваад̣̇асса жа палзнзва бзд̇аяонияам̣ ниб̣б̣ад̇д̇ид̇ваа буд̇д̇анаязна буд̇д̇амам̣саани каад̣̇анд̇ий д̇ассзва г̇аамасса авид̣̇уурз вижарад̇и. д̇зна жа самаязна самб̣ахулаа т̇зраа г̇аамагааваасз вуд̇т̇авассаа бхаг̇аванд̇ам̣ д̣̇ассанааяа саавад̇т̇им̣ ааг̇ажчанд̇аа д̇асса г̇аамасса авид̣̇уурз згасмим̣ бад̣̇зсз рад̇д̇ияам̣ ваасам̣ габбзсум̣. ат̇а саа бзд̇ий д̇зсам̣ т̇зраанам̣ ад̇д̇аанам̣ д̣̇ассзси. д̇ам̣ махаат̇зро г̇аат̇ааяа бужчи –
Sā aparena samayena kālaṃ katvā tassa gabbhapātanassa musāvādassa ca phaleneva petayoniyaṃ nibbattitvā puttanayena puttamaṃsāni khādantī tasseva gāmassa avidūre vicarati. Tena ca samayena sambahulā therā gāmakāvāse vutthavassā bhagavantaṃ dassanāya sāvatthiṃ āgacchantā tassa gāmassa avidūre ekasmiṃ padese rattiyaṃ vāsaṃ kappesuṃ. Atha sā petī tesaṃ therānaṃ attānaṃ dassesi. Taṃ mahāthero gāthāya pucchi –
35.
35.
‘‘наг̇г̇аа д̣̇уб̣б̣ан̣н̣аруубааси, д̣̇уг̇г̇анд̇хаа бууд̇и вааяаси;
‘‘Naggā dubbaṇṇarūpāsi, duggandhā pūti vāyasi;
магкигаахи баригин̣н̣аа, гаа ну д̇вам̣ ид̇ха д̇идтасий’’д̇и.
Makkhikāhi parikiṇṇā, kā nu tvaṃ idha tiṭṭhasī’’ti.
саа т̇зрзна будтаа д̇ийхи г̇аат̇аахи бадиважанам̣ ад̣̇ааси –
Sā therena puṭṭhā tīhi gāthāhi paṭivacanaṃ adāsi –
36.
36.
‘‘ахам̣ бхад̣̇анд̇з бзд̇иймхи, д̣̇уг̇г̇ад̇аа яамалогигаа;
‘‘Ahaṃ bhadante petīmhi, duggatā yamalokikā;
баабагаммам̣ гарид̇ваана, бзд̇алогам̣ ид̇о г̇ад̇аа.
Pāpakammaṃ karitvāna, petalokaṃ ito gatā.
37.
37.
‘‘гаалзна сад̇д̇а буд̇д̇аани, сааяам̣ сад̇д̇а бунаабарз;
‘‘Kālena satta puttāni, sāyaṃ satta punāpare;
виж̇ааяид̇ваана каад̣̇аами, д̇зби наа хонд̇и мз алам̣.
Vijāyitvāna khādāmi, tepi nā honti me alaṃ.
38.
38.
‘‘барид̣аяхад̇и д̇хуумааяад̇и, куд̣̇ааяа хад̣̇аяам̣ мама;
‘‘Pariḍayhati dhūmāyati, khudāya hadayaṃ mama;
ниб̣б̣уд̇им̣ наад̇хиг̇ажчаами, аг̇г̇ид̣̇ад̣дхаава аад̇абз’’д̇и.
Nibbutiṃ nādhigacchāmi, aggidaḍḍhāva ātape’’ti.
38. д̇ад̇т̇а ниб̣б̣уд̇инд̇и куббибаасаад̣̇угкасса вуубасамам̣. наад̇хиг̇ажчаамийд̇и на лабхаами. аг̇г̇ид̣̇ад̣дхаава аад̇абзд̇и ад̇иун̣хааад̇абз аг̇г̇инаа д̣аяхамаанаа вияа ниб̣б̣уд̇им̣ наад̇хиг̇ажчаамийд̇и яож̇анаа.
38. Tattha nibbutinti khuppipāsādukkhassa vūpasamaṃ. Nādhigacchāmīti na labhāmi. Aggidaḍḍhāva ātapeti atiuṇhaātape agginā ḍayhamānā viya nibbutiṃ nādhigacchāmīti yojanā.
д̇ам̣ суд̇ваа махаат̇зро д̇ааяа гад̇агаммам̣ бужчанд̇о –
Taṃ sutvā mahāthero tāya katakammaṃ pucchanto –
39.
39.
‘‘гим̣ ну гааязна ваажааяа, манасаа д̣̇уггадам̣ гад̇ам̣;
‘‘Kiṃ nu kāyena vācāya, manasā dukkaṭaṃ kataṃ;
гиссагаммавибаагзна, буд̇д̇амам̣саани каад̣̇асий’’д̇и. – г̇аат̇амааха;
Kissakammavipākena, puttamaṃsāni khādasī’’ti. – gāthamāha;
ат̇а саа бзд̇ий ад̇д̇ано бзд̇алогуубабад̇д̇ин̃жа буд̇д̇амам̣сакаад̣̇анагааран̣ан̃жа гат̇знд̇ий –
Atha sā petī attano petalokūpapattiñca puttamaṃsakhādanakāraṇañca kathentī –
40.
40.
‘‘ахуу маяхам̣ д̣̇увз буд̇д̇аа, убхо самбад̇д̇аяоб̣б̣анаа;
‘‘Ahū mayhaṃ duve puttā, ubho sampattayobbanā;
саахам̣ буд̇д̇аб̣алуубзд̇аа, саамигам̣ ад̇иман̃н̃исам̣.
Sāhaṃ puttabalūpetā, sāmikaṃ atimaññisaṃ.
41.
41.
‘‘д̇ад̇о мз саамиго гуд̣̇д̇хо, сабад̇им̣ маяхамаанаяи;
‘‘Tato me sāmiko kuddho, sapatiṃ mayhamānayi;
саа жа г̇аб̣бхам̣ алабхид̇т̇а, д̇ассаа баабам̣ ажзд̇аяим̣.
Sā ca gabbhaṃ alabhittha, tassā pāpaṃ acetayiṃ.
42.
42.
‘‘саахам̣ бад̣̇удтаманасаа, агарим̣ г̇аб̣бхабаад̇анам̣;
‘‘Sāhaṃ paduṭṭhamanasā, akariṃ gabbhapātanaṃ;
д̇асса д̇змаасиго г̇аб̣бхо, бууд̇илохид̇аго бад̇и.
Tassa temāsiko gabbho, pūtilohitako pati.
43.
43.
‘‘д̇ад̣̇ассаа маад̇аа губид̇аа, маяхам̣ н̃аад̇ий самаанаяи;
‘‘Tadassā mātā kupitā, mayhaṃ ñātī samānayi;
сабат̇ан̃жа мам̣ гаарзси, барибхаасаабаяий жа мам̣.
Sapathañca maṃ kāresi, paribhāsāpayī ca maṃ.
44.
44.
‘‘саахам̣ гхоран̃жа сабат̇ам̣, мусааваад̣̇ам̣ абхаасисам̣;
‘‘Sāhaṃ ghorañca sapathaṃ, musāvādaṃ abhāsisaṃ;
‘буд̇д̇амам̣саани каад̣̇аами, сажз д̇ам̣ багад̇ам̣ маяаа’.
‘Puttamaṃsāni khādāmi, sace taṃ pakataṃ mayā’.
45.
45.
‘‘д̇асса гаммасса вибаагзна, мусааваад̣̇асса жуубхаяам̣;
‘‘Tassa kammassa vipākena, musāvādassa cūbhayaṃ;
буд̇д̇амам̣саани каад̣̇аами, буб̣б̣алохид̇амагкид̇аа’’д̇и. – имаа г̇аат̇аа абхааси;
Puttamaṃsāni khādāmi, pubbalohitamakkhitā’’ti. – imā gāthā abhāsi;
40-45. д̇ад̇т̇а буд̇д̇аб̣алуубзд̇аад̇и буд̇д̇аб̣алзна убзд̇аа, буд̇д̇аанам̣ васзна лад̣̇д̇хаб̣алаа. ад̇иман̃н̃исанд̇и ад̇иггамид̇ваа ман̃н̃им̣ аваман̃н̃им̣. бууд̇илохид̇аго бад̇ийд̇и гун̣абалохид̇ам̣ худ̇ваа г̇аб̣бхо барибад̇и. сзсам̣ саб̣б̣ам̣ ананд̇арасад̣̇исамзва. д̇ад̇т̇а адта т̇зраа, ид̇ха самб̣ахулаа. д̇ад̇т̇а бан̃жа буд̇д̇аа, ид̇ха сад̇д̇аад̇и аяамзва висзсод̇и.
40-45. Tattha puttabalūpetāti puttabalena upetā, puttānaṃ vasena laddhabalā. Atimaññisanti atikkamitvā maññiṃ avamaññiṃ. Pūtilohitako patīti kuṇapalohitaṃ hutvā gabbho paripati. Sesaṃ sabbaṃ anantarasadisameva. Tattha aṭṭha therā, idha sambahulā. Tattha pañca puttā, idha sattāti ayameva visesoti.
сад̇д̇абуд̇д̇акаад̣̇агабзд̇ивад̇т̇уван̣н̣аанаа нидтид̇аа.
Sattaputtakhādakapetivatthuvaṇṇānā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / бзд̇авад̇т̇убаал̣и • Petavatthupāḷi / 7. сад̇д̇абуд̇д̇акаад̣̇абзд̇ивад̇т̇у • 7. Sattaputtakhādapetivatthu
