| Library / Tipiṭaka / д̇ибидага • Tipiṭaka / бариваарабаал̣и • Parivārapāḷi |
10. сад̇д̇асамат̇анаанад̇т̇аад̣̇и
10. Sattasamathanānatthādi
354. саммукаавинаяод̇и ваа сад̇ивинаяод̇и ваа – имз д̇хаммаа наанад̇т̇аа наанааб̣яан̃ж̇анаа уд̣̇ааху згад̇т̇аа б̣яан̃ж̇анамзва наанам̣? саммукаавинаяод̇и ваа амуул̣хавинаяод̇и ваа…бз… саммукаавинаяод̇и ваа бадин̃н̃аад̇агаран̣анд̇и ваа… саммукаавинаяод̇и ваа язбхуяяасигаад̇и ваа… саммукаавинаяод̇и ваа д̇ассабаабияасигаад̇и ваа… саммукаавинаяод̇и ваа д̇ин̣авад̇т̇аарагод̇и ваа – имз д̇хаммаа наанад̇т̇аа наанааб̣яан̃ж̇анаа уд̣̇ааху згад̇т̇аа б̣яан̃ж̇анамзва наанам̣? саммукаавинаяод̇и ваа сад̇ивинаяод̇и ваа – имз д̇хаммаа наанад̇т̇аа жзва наанааб̣яан̃ж̇анаа жа. саммукаавинаяод̇и ваа амуул̣хавинаяод̇и ваа…бз… саммукаавинаяод̇и ваа бадин̃н̃аад̇агаран̣анд̇и ваа… саммукаавинаяод̇и ваа язбхуяяасигаад̇и ваа… саммукаавинаяод̇и ваа д̇ассабаабияасигаад̇и ваа… саммукаавинаяод̇и ваа д̇ин̣авад̇т̇аарагод̇и ваа – имз д̇хаммаа наанад̇т̇аа жзва наанаа б̣яан̃ж̇анаа жа.
354. Sammukhāvinayoti vā sativinayoti vā – ime dhammā nānatthā nānābyañjanā udāhu ekatthā byañjanameva nānaṃ? Sammukhāvinayoti vā amūḷhavinayoti vā…pe… sammukhāvinayoti vā paṭiññātakaraṇanti vā… sammukhāvinayoti vā yebhuyyasikāti vā… sammukhāvinayoti vā tassapāpiyasikāti vā… sammukhāvinayoti vā tiṇavatthārakoti vā – ime dhammā nānatthā nānābyañjanā udāhu ekatthā byañjanameva nānaṃ? Sammukhāvinayoti vā sativinayoti vā – ime dhammā nānatthā ceva nānābyañjanā ca. Sammukhāvinayoti vā amūḷhavinayoti vā…pe… sammukhāvinayoti vā paṭiññātakaraṇanti vā… sammukhāvinayoti vā yebhuyyasikāti vā… sammukhāvinayoti vā tassapāpiyasikāti vā… sammukhāvinayoti vā tiṇavatthārakoti vā – ime dhammā nānatthā ceva nānā byañjanā ca.
355. 1 виваад̣̇о виваад̣̇аад̇хигаран̣ам̣, виваад̣̇о но ад̇хигаран̣ам̣, ад̇хигаран̣ам̣ но виваад̣̇о, ад̇хигаран̣ан̃жзва виваад̣̇о жа? сияаа виваад̣̇о виваад̣̇аад̇хигаран̣ам̣, сияаа виваад̣̇о но ад̇хигаран̣ам̣, сияаа ад̇хигаран̣ам̣ но виваад̣̇о, сияаа ад̇хигаран̣ан̃жзва виваад̣̇о жа.
355.2 Vivādo vivādādhikaraṇaṃ, vivādo no adhikaraṇaṃ, adhikaraṇaṃ no vivādo, adhikaraṇañceva vivādo ca? Siyā vivādo vivādādhikaraṇaṃ, siyā vivādo no adhikaraṇaṃ, siyā adhikaraṇaṃ no vivādo, siyā adhikaraṇañceva vivādo ca.
д̇ад̇т̇а гад̇амо виваад̣̇о виваад̣̇аад̇хигаран̣ам̣? ид̇ха бхигкуу вивад̣̇анд̇и д̇хаммод̇и ваа ад̇хаммод̇и ваа…бз… д̣̇удтуллаа аабад̇д̇ийд̇и ваа ад̣̇удтуллаа аабад̇д̇ийд̇и ваа. яам̣ д̇ад̇т̇а бхан̣д̣анам̣, галахо, виг̇г̇ахо, виваад̣̇о, наанааваад̣̇о, ан̃н̃ат̇ааваад̣̇о, вибажжад̇ааяа вохааро, мзд̇хагам̣ – аяам̣ виваад̣̇о виваад̣̇аад̇хигаран̣ам̣.
Tattha katamo vivādo vivādādhikaraṇaṃ? Idha bhikkhū vivadanti dhammoti vā adhammoti vā…pe… duṭṭhullā āpattīti vā aduṭṭhullā āpattīti vā. Yaṃ tattha bhaṇḍanaṃ, kalaho, viggaho, vivādo, nānāvādo, aññathāvādo, vipaccatāya vohāro, medhakaṃ – ayaṃ vivādo vivādādhikaraṇaṃ.
д̇ад̇т̇а гад̇амо виваад̣̇о но ад̇хигаран̣ам̣? маад̇ааби буд̇д̇зна вивад̣̇ад̇и, буд̇д̇оби маад̇араа вивад̣̇ад̇и, бид̇ааби буд̇д̇зна вивад̣̇ад̇и, буд̇д̇оби бид̇араа вивад̣̇ад̇и, бхаад̇ааби бхаад̇араа вивад̣̇ад̇и, бхаад̇ааби бхаг̇инияаа вивад̣̇ад̇и, бхаг̇инийби бхаад̇араа вивад̣̇ад̇и, сахааяоби сахааязна вивад̣̇ад̇и – аяам̣ виваад̣̇о но ад̇хигаран̣ам̣.
Tattha katamo vivādo no adhikaraṇaṃ? Mātāpi puttena vivadati, puttopi mātarā vivadati, pitāpi puttena vivadati, puttopi pitarā vivadati, bhātāpi bhātarā vivadati, bhātāpi bhaginiyā vivadati, bhaginīpi bhātarā vivadati, sahāyopi sahāyena vivadati – ayaṃ vivādo no adhikaraṇaṃ.
д̇ад̇т̇а гад̇амам̣ ад̇хигаран̣ам̣ но виваад̣̇о? ануваад̣̇аад̇хигаран̣ам̣, аабад̇д̇аад̇хигаран̣ам̣, гижжаад̇хигаран̣ам̣ – ид̣̇ам̣ ад̇хигаран̣ам̣ но виваад̣̇о.
Tattha katamaṃ adhikaraṇaṃ no vivādo? Anuvādādhikaraṇaṃ, āpattādhikaraṇaṃ, kiccādhikaraṇaṃ – idaṃ adhikaraṇaṃ no vivādo.
д̇ад̇т̇а гад̇амам̣ ад̇хигаран̣ан̃жзва виваад̣̇о жа? виваад̣̇аад̇хигаран̣ам̣ ад̇хигаран̣ан̃жзва виваад̣̇о жа.
Tattha katamaṃ adhikaraṇañceva vivādo ca? Vivādādhikaraṇaṃ adhikaraṇañceva vivādo ca.
356. 3 ануваад̣̇о ануваад̣̇аад̇хигаран̣ам̣, ануваад̣̇о но ад̇хигаран̣ам̣, ад̇хигаран̣ам̣ но ануваад̣̇о, ад̇хигаран̣ан̃жзва ануваад̣̇о жа? сияаа ануваад̣̇о ануваад̣̇аад̇хигаран̣ам̣, сияаа ануваад̣̇о но ад̇хигаран̣ам̣, сияаа ад̇хигаран̣ам̣ но ануваад̣̇о, сияаа ад̇хигаран̣ан̃жзва ануваад̣̇о жа.
356.4 Anuvādo anuvādādhikaraṇaṃ, anuvādo no adhikaraṇaṃ, adhikaraṇaṃ no anuvādo, adhikaraṇañceva anuvādo ca? Siyā anuvādo anuvādādhikaraṇaṃ, siyā anuvādo no adhikaraṇaṃ, siyā adhikaraṇaṃ no anuvādo, siyā adhikaraṇañceva anuvādo ca.
д̇ад̇т̇а гад̇амо ануваад̣̇о ануваад̣̇аад̇хигаран̣ам̣? ид̇ха бхигкуу бхигкум̣ анувад̣̇анд̇и сийлавибад̇д̇ияаа ваа аажааравибад̇д̇ияаа ваа д̣̇идтивибад̇д̇ияаа ваа ааж̇ийвавибад̇д̇ияаа ваа. яо д̇ад̇т̇а ануваад̣̇о, анувад̣̇анаа ануллабанаа анубхан̣анаа анусамбаван̇гад̇аа аб̣бхуссаханад̇аа ануб̣алаббад̣̇аанам̣ – аяам̣ ануваад̣̇о ануваад̣̇аад̇хигаран̣ам̣.
Tattha katamo anuvādo anuvādādhikaraṇaṃ? Idha bhikkhū bhikkhuṃ anuvadanti sīlavipattiyā vā ācāravipattiyā vā diṭṭhivipattiyā vā ājīvavipattiyā vā. Yo tattha anuvādo, anuvadanā anullapanā anubhaṇanā anusampavaṅkatā abbhussahanatā anubalappadānaṃ – ayaṃ anuvādo anuvādādhikaraṇaṃ.
д̇ад̇т̇а гад̇амо ануваад̣̇о но ад̇хигаран̣ам̣? маад̇ааби буд̇д̇ам̣ анувад̣̇ад̇и, буд̇д̇оби маад̇арам̣ анувад̣̇ад̇и, бид̇ааби буд̇д̇ам̣ анувад̣̇ад̇и, буд̇д̇оби бид̇арам̣ анувад̣̇ад̇и, бхаад̇ааби бхаад̇арам̣ анувад̣̇ад̇и, бхаад̇ааби бхаг̇иним̣ анувад̣̇ад̇и, бхаг̇инийби бхаад̇арам̣ анувад̣̇ад̇и, сахааяоби сахааяам̣ анувад̣̇ад̇и – аяам̣ ануваад̣̇о но ад̇хигаран̣ам̣.
Tattha katamo anuvādo no adhikaraṇaṃ? Mātāpi puttaṃ anuvadati, puttopi mātaraṃ anuvadati, pitāpi puttaṃ anuvadati, puttopi pitaraṃ anuvadati, bhātāpi bhātaraṃ anuvadati, bhātāpi bhaginiṃ anuvadati, bhaginīpi bhātaraṃ anuvadati, sahāyopi sahāyaṃ anuvadati – ayaṃ anuvādo no adhikaraṇaṃ.
д̇ад̇т̇а гад̇амам̣ ад̇хигаран̣ам̣ но ануваад̣̇о? аабад̇д̇аад̇хигаран̣ам̣ гижжаад̇хигаран̣ам̣ виваад̣̇аад̇хигаран̣ам̣ – ид̣̇ам̣ ад̇хигаран̣ам̣ но ануваад̣̇о.
Tattha katamaṃ adhikaraṇaṃ no anuvādo? Āpattādhikaraṇaṃ kiccādhikaraṇaṃ vivādādhikaraṇaṃ – idaṃ adhikaraṇaṃ no anuvādo.
д̇ад̇т̇а гад̇амам̣ ад̇хигаран̣ан̃жзва ануваад̣̇о жа? ануваад̣̇аад̇хигаран̣ам̣ ад̇хигаран̣ан̃жзва ануваад̣̇о жа.
Tattha katamaṃ adhikaraṇañceva anuvādo ca? Anuvādādhikaraṇaṃ adhikaraṇañceva anuvādo ca.
357. аабад̇д̇и аабад̇д̇аад̇хигаран̣ам̣, аабад̇д̇и но ад̇хигаран̣ам̣, ад̇хигаран̣ам̣ но аабад̇д̇и, ад̇хигаран̣ан̃жзва аабад̇д̇и жа? сияаа аабад̇д̇и аабад̇д̇аад̇хигаран̣ам̣, сияаа аабад̇д̇и но ад̇хигаран̣ам̣, сияаа ад̇хигаран̣ам̣ но аабад̇д̇и, сияаа ад̇хигаран̣ан̃жзва аабад̇д̇и жа.
357. Āpatti āpattādhikaraṇaṃ, āpatti no adhikaraṇaṃ, adhikaraṇaṃ no āpatti, adhikaraṇañceva āpatti ca? Siyā āpatti āpattādhikaraṇaṃ, siyā āpatti no adhikaraṇaṃ, siyā adhikaraṇaṃ no āpatti, siyā adhikaraṇañceva āpatti ca.
д̇ад̇т̇а гад̇амаа аабад̇д̇и аабад̇д̇аад̇хигаран̣ам̣? бан̃жаби аабад̇д̇игканд̇хаа аабад̇д̇аад̇хигаран̣ам̣ . сад̇д̇аби аабад̇д̇игканд̇хаа аабад̇д̇аад̇хигаран̣ам̣. аяам̣ аабад̇д̇и аабад̇д̇аад̇хигаран̣ам̣.
Tattha katamā āpatti āpattādhikaraṇaṃ? Pañcapi āpattikkhandhā āpattādhikaraṇaṃ . Sattapi āpattikkhandhā āpattādhikaraṇaṃ. Ayaṃ āpatti āpattādhikaraṇaṃ.
д̇ад̇т̇а гад̇амаа аабад̇д̇и но ад̇хигаран̣ам̣? сод̇аабад̇д̇и самаабад̇д̇и – аяам̣ аабад̇д̇и но ад̇хигаран̣ам̣.
Tattha katamā āpatti no adhikaraṇaṃ? Sotāpatti samāpatti – ayaṃ āpatti no adhikaraṇaṃ.
д̇ад̇т̇а гад̇амам̣ ад̇хигаран̣ам̣ но аабад̇д̇и? гижжаад̇хигаран̣ам̣ виваад̣̇аад̇хигаран̣ам̣ ануваад̣̇аад̇хигаран̣ам̣ – ид̣̇ам̣ ад̇хигаран̣ам̣ но аабад̇д̇и.
Tattha katamaṃ adhikaraṇaṃ no āpatti? Kiccādhikaraṇaṃ vivādādhikaraṇaṃ anuvādādhikaraṇaṃ – idaṃ adhikaraṇaṃ no āpatti.
д̇ад̇т̇а гад̇амам̣ ад̇хигаран̣ан̃жзва аабад̇д̇и жа? аабад̇д̇аад̇хигаран̣ам̣ ад̇хигаран̣ан̃жзва аабад̇д̇и жа.
Tattha katamaṃ adhikaraṇañceva āpatti ca? Āpattādhikaraṇaṃ adhikaraṇañceva āpatti ca.
358. 5 гижжам̣ гижжаад̇хигаран̣ам̣, гижжам̣ но ад̇хигаран̣ам̣, ад̇хигаран̣ам̣ но гижжам̣, ад̇хигаран̣ан̃жзва гижжан̃жа? сияаа гижжам̣ гижжаад̇хигаран̣ам̣, сияаа гижжам̣ но ад̇хигаран̣ам̣, сияаа ад̇хигаран̣ам̣ но гижжам̣, сияаа ад̇хигаран̣ан̃жзва гижжан̃жа.
358.6 Kiccaṃ kiccādhikaraṇaṃ, kiccaṃ no adhikaraṇaṃ, adhikaraṇaṃ no kiccaṃ, adhikaraṇañceva kiccañca? Siyā kiccaṃ kiccādhikaraṇaṃ, siyā kiccaṃ no adhikaraṇaṃ, siyā adhikaraṇaṃ no kiccaṃ, siyā adhikaraṇañceva kiccañca.
д̇ад̇т̇а гад̇амам̣ гижжам̣ гижжаад̇хигаран̣ам̣? яаа сан̇гхасса гижжаяад̇аа гаран̣ийяад̇аа абалоганагаммам̣ н̃ад̇д̇игаммам̣ н̃ад̇д̇ид̣̇уд̇ияагаммам̣ н̃ад̇д̇ижад̇уд̇т̇агаммам̣ – ид̣̇ам̣ гижжам̣ гижжаад̇хигаран̣ам̣.
Tattha katamaṃ kiccaṃ kiccādhikaraṇaṃ? Yā saṅghassa kiccayatā karaṇīyatā apalokanakammaṃ ñattikammaṃ ñattidutiyakammaṃ ñatticatutthakammaṃ – idaṃ kiccaṃ kiccādhikaraṇaṃ.
д̇ад̇т̇а гад̇амам̣ гижжам̣ но ад̇хигаран̣ам̣? аажарияагижжам̣ убаж̇жхааяагижжам̣ 7 самаанубаж̇жхааяагижжам̣ самаанаажарияагижжам̣ – ид̣̇ам̣ гижжам̣ но ад̇хигаран̣ам̣.
Tattha katamaṃ kiccaṃ no adhikaraṇaṃ? Ācariyakiccaṃ upajjhāyakiccaṃ 8 samānupajjhāyakiccaṃ samānācariyakiccaṃ – idaṃ kiccaṃ no adhikaraṇaṃ.
д̇ад̇т̇а гад̇амам̣ ад̇хигаран̣ам̣ но гижжам̣? виваад̣̇аад̇хигаран̣ам̣ ануваад̣̇аад̇хигаран̣ам̣ аабад̇д̇аад̇хигаран̣ам̣ – ид̣̇ам̣ ад̇хигаран̣ам̣ но гижжам̣.
Tattha katamaṃ adhikaraṇaṃ no kiccaṃ? Vivādādhikaraṇaṃ anuvādādhikaraṇaṃ āpattādhikaraṇaṃ – idaṃ adhikaraṇaṃ no kiccaṃ.
д̇ад̇т̇а гад̇амам̣ ад̇хигаран̣ан̃жзва гижжан̃жа? гижжаад̇хигаран̣ам̣ ад̇хигаран̣ан̃жзва гижжам̣ жаад̇и.
Tattha katamaṃ adhikaraṇañceva kiccañca? Kiccādhikaraṇaṃ adhikaraṇañceva kiccaṃ cāti.
ад̇хигаран̣абхзд̣̇о нидтид̇о.
Adhikaraṇabhedo niṭṭhito.
д̇ассуд̣̇д̣̇аанам̣ –
Tassuddānaṃ –
ад̇хигаран̣ам̣ уггодаа, аагаараа буг̇г̇алзна жа;
Adhikaraṇaṃ ukkoṭā, ākārā puggalena ca;
нид̣̇аанахзд̇убажжаяаа, муулам̣ самудтаанзна жа.
Nidānahetupaccayā, mūlaṃ samuṭṭhānena ca.
аабад̇д̇и ход̇и яад̇т̇а жа, сам̣садтаа нид̣̇аанзна жа 9;
Āpatti hoti yattha ca, saṃsaṭṭhā nidānena ca 10;
хзд̇убажжаяамуулаани, самудтаанзна б̣яан̃ж̇анаа;
Hetupaccayamūlāni, samuṭṭhānena byañjanā;
виваад̣̇о ад̇хигаран̣анд̇и, бхзд̣̇аад̇хигаран̣з ид̣̇анд̇и.
Vivādo adhikaraṇanti, bhedādhikaraṇe idanti.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / бариваара-адтагат̇аа • Parivāra-aṭṭhakathā / сад̇д̇асамат̇анаанаад̇т̇аад̣̇иван̣н̣анаа • Sattasamathanānātthādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / сад̇д̇асамат̇анаанаад̇т̇аад̣̇иван̣н̣анаа • Sattasamathanānātthādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / сад̇д̇асамат̇анаанаад̇т̇аад̣̇иван̣н̣анаа • Sattasamathanānātthādivaṇṇanā
