| Library / Tipiṭaka / တိပိဋက • Tipiṭaka / ပရိဝာရပာဠိ • Parivārapāḷi |
၉. သတ္တသမထနိဒာနံ
9. Sattasamathanidānaṃ
၃၅၂. သမ္မုခာဝိနယော ကိံနိဒာနော, ကိံသမုဒယော, ကိံဇာတိကော, ကိံပဘဝော, ကိံသမ္ဘာရော ကိံသမုဋ္ဌာနော? သတိဝိနယော ကိံနိဒာနော, ကိံသမုဒယော, ကိံဇာတိကော, ကိံပဘဝော, ကိံသမ္ဘာရော, ကိံသမုဋ္ဌာနော? အမူဠ္ဟဝိနယော ကိံနိဒာနော, ကိံသမုဒယော, ကိံဇာတိကော, ကိံပဘဝော, ကိံသမ္ဘာရော, ကိံသမုဋ္ဌာနော? ပဋိညာတကရဏံ ကိံနိဒာနံ, ကိံသမုဒယံ, ကိံဇာတိကံ, ကိံပဘဝံ, ကိံသမ္ဘာရံ, ကိံသမုဋ္ဌာနံ? ယေဘုယ္ယသိကာ ကိံနိဒာနာ, ကိံသမုဒယာ, ကိံဇာတိကာ, ကိံပဘဝာ, ကိံသမ္ဘာရာ, ကိံသမုဋ္ဌာနာ? တသ္သပာပိယသိကာ ကိံနိဒာနာ, ကိံသမုဒယာ, ကိံဇာတိကာ, ကိံပဘဝာ, ကိံသမ္ဘာရာ, ကိံသမုဋ္ဌာနာ တိဏဝတ္ထာရကော ကိံနိဒာနော, ကိံသမုဒယော, ကိံဇာတိကော, ကိံပဘဝော, ကိံသမ္ဘာရော, ကိံသမုဋ္ဌာနော?
352. Sammukhāvinayo kiṃnidāno, kiṃsamudayo, kiṃjātiko, kiṃpabhavo, kiṃsambhāro kiṃsamuṭṭhāno? Sativinayo kiṃnidāno, kiṃsamudayo, kiṃjātiko, kiṃpabhavo, kiṃsambhāro, kiṃsamuṭṭhāno? Amūḷhavinayo kiṃnidāno, kiṃsamudayo, kiṃjātiko, kiṃpabhavo, kiṃsambhāro, kiṃsamuṭṭhāno? Paṭiññātakaraṇaṃ kiṃnidānaṃ, kiṃsamudayaṃ, kiṃjātikaṃ, kiṃpabhavaṃ, kiṃsambhāraṃ, kiṃsamuṭṭhānaṃ? Yebhuyyasikā kiṃnidānā, kiṃsamudayā, kiṃjātikā, kiṃpabhavā, kiṃsambhārā, kiṃsamuṭṭhānā? Tassapāpiyasikā kiṃnidānā, kiṃsamudayā, kiṃjātikā, kiṃpabhavā, kiṃsambhārā, kiṃsamuṭṭhānā tiṇavatthārako kiṃnidāno, kiṃsamudayo, kiṃjātiko, kiṃpabhavo, kiṃsambhāro, kiṃsamuṭṭhāno?
သမ္မုခာဝိနယော နိဒာနနိဒာနော, နိဒာနသမုဒယော, နိဒာနဇာတိကော, နိဒာနပဘဝော, နိဒာနသမ္ဘာရော, နိဒာနသမုဋ္ဌာနော။ သတိဝိနယော။ပေ.။ အမူဠ္ဟဝိနယော။ပေ.။ ပဋိညာတကရဏံ နိဒာနနိဒာနံ, နိဒာနသမုဒယံ, နိဒာနဇာတိကံ, နိဒာနပဘဝံ, နိဒာနသမ္ဘာရံ, နိဒာနသမုဋ္ဌာနံ။ ယေဘုယ္ယသိကာ။ပေ.။ တသ္သပာပိယသိကာ နိဒာနနိဒာနာ, နိဒာနသမုဒယာ, နိဒာနဇာတိကာ, နိဒာနပဘဝာ, နိဒာနသမ္ဘာရာ , နိဒာနသမုဋ္ဌာနာ။ တိဏဝတ္ထာရကော နိဒာနနိဒာနော, နိဒာနသမုဒယော, နိဒာနဇာတိကော, နိဒာနပဘဝော, နိဒာနသမ္ဘာရော, နိဒာနသမုဋ္ဌာနော။
Sammukhāvinayo nidānanidāno, nidānasamudayo, nidānajātiko, nidānapabhavo, nidānasambhāro, nidānasamuṭṭhāno. Sativinayo…pe… amūḷhavinayo…pe… paṭiññātakaraṇaṃ nidānanidānaṃ, nidānasamudayaṃ, nidānajātikaṃ, nidānapabhavaṃ, nidānasambhāraṃ, nidānasamuṭṭhānaṃ. Yebhuyyasikā…pe… tassapāpiyasikā nidānanidānā, nidānasamudayā, nidānajātikā, nidānapabhavā, nidānasambhārā , nidānasamuṭṭhānā. Tiṇavatthārako nidānanidāno, nidānasamudayo, nidānajātiko, nidānapabhavo, nidānasambhāro, nidānasamuṭṭhāno.
သမ္မုခာဝိနယော ကိံနိဒာနော, ကိံသမုဒယော, ကိံဇာတိကော, ကိံပဘဝော, ကိံသမ္ဘာရော, ကိံသမုဋ္ဌာနော ? သတိဝိနယော။ပေ.။ အမူဠ္ဟဝိနယော။ပေ.။ ပဋိညာတကရဏံ။ပေ.။ ယေဘုယ္ယသိကာ။ပေ.။ တသ္သပာပိယသိကာ။ပေ.။ တိဏဝတ္ထာရကော ကိံနိဒာနော, ကိံသမုဒယော, ကိံဇာတိကော, ကိံပဘဝော, ကိံသမ္ဘာရော, ကိံသမုဋ္ဌာနော?
Sammukhāvinayo kiṃnidāno, kiṃsamudayo, kiṃjātiko, kiṃpabhavo, kiṃsambhāro, kiṃsamuṭṭhāno ? Sativinayo…pe… amūḷhavinayo…pe… paṭiññātakaraṇaṃ…pe… yebhuyyasikā…pe… tassapāpiyasikā…pe… tiṇavatthārako kiṃnidāno, kiṃsamudayo, kiṃjātiko, kiṃpabhavo, kiṃsambhāro, kiṃsamuṭṭhāno?
သမ္မုခာဝိနယော ဟေတုနိဒာနော, ဟေတုသမုဒယော, ဟေတုဇာတိကော, ဟေတုပဘဝော, ဟေတုသမ္ဘာရော, ဟေတုသမုဋ္ဌာနော ။ သတိဝိနယော။ပေ.။ အမူဠ္ဟဝိနယော။ပေ.။ ပဋိညာတကရဏံ ဟေတုနိဒာနံ, ဟေတုသမုဒယံ, ဟေတုဇာတိကံ, ဟေတုပဘဝံ, ဟေတုသမ္ဘာရံ, ဟေတုသမုဋ္ဌာနံ။ ယေဘုယ္ယသိကာ။ပေ.။ တသ္သပာပိယသိကာ ဟေတုနိဒာနာ, ဟေတုသမုဒယာ, ဟေတုဇာတိကာ, ဟေတုပဘဝာ, ဟေတုသမ္ဘာရာ, ဟေတုသမုဋ္ဌာနာ။ တိဏဝတ္ထာရကော ဟေတုနိဒာနော, ဟေတုသမုဒယော, ဟေတုဇာတိကော, ဟေတုပဘဝော, ဟေတုသမ္ဘာရော, ဟေတုသမုဋ္ဌာနော။
Sammukhāvinayo hetunidāno, hetusamudayo, hetujātiko, hetupabhavo, hetusambhāro, hetusamuṭṭhāno . Sativinayo…pe… amūḷhavinayo…pe… paṭiññātakaraṇaṃ hetunidānaṃ, hetusamudayaṃ, hetujātikaṃ, hetupabhavaṃ, hetusambhāraṃ, hetusamuṭṭhānaṃ. Yebhuyyasikā…pe… tassapāpiyasikā hetunidānā, hetusamudayā, hetujātikā, hetupabhavā, hetusambhārā, hetusamuṭṭhānā. Tiṇavatthārako hetunidāno, hetusamudayo, hetujātiko, hetupabhavo, hetusambhāro, hetusamuṭṭhāno.
သမ္မုခာဝိနယော ကိံနိဒာနော, ကိံသမုဒယော, ကိံဇာတိကော, ကိံပဘဝော, ကိံသမ္ဘာရော, ကိံသမုဋ္ဌာနော? သတိဝိနယော။ပေ.။ အမူဠ္ဟဝိနယော။ပေ.။ ပဋိညာတကရဏံ။ပေ.။ ယေဘုယ္ယသိကာ။ပေ.။ တသ္သပာပိယသိကာ။ပေ.။ တိဏဝတ္ထာရကော ကိံနိဒာနော, ကိံသမုဒယော, ကိံဇာတိကော, ကိံပဘဝော, ကိံသမ္ဘာရော, ကိံသမုဋ္ဌာနော? သမ္မုခာဝိနယော ပစ္စယနိဒာနော, ပစ္စယသမုဒယော, ပစ္စယဇာတိကော, ပစ္စယပဘဝော, ပစ္စယသမ္ဘာရော, ပစ္စယသမုဋ္ဌာနော။ သတိဝိနယော။ပေ.။ အမူဠ္ဟဝိနယော။ပေ.။ ပဋိညာတကရဏံ ပစ္စယနိဒာနံ, ပစ္စယသမုဒယံ, ပစ္စယဇာတိကံ, ပစ္စယပဘဝံ, ပစ္စယသမ္ဘာရံ, ပစ္စယသမုဋ္ဌာနံ။ ယေဘုယ္ယသိကာ။ပေ.။ တသ္သပာပိယသိကာ ပစ္စယနိဒာနာ, ပစ္စယသမုဒယာ, ပစ္စယဇာတိကာ, ပစ္စယပဘဝာ, ပစ္စယသမ္ဘာရာ, ပစ္စယသမုဋ္ဌာနာ။ တိဏဝတ္ထာရကော ပစ္စယနိဒာနော, ပစ္စယသမုဒယော, ပစ္စယဇာတိကော, ပစ္စယပဘဝော, ပစ္စယသမ္ဘာရော, ပစ္စယသမုဋ္ဌာနော။
Sammukhāvinayo kiṃnidāno, kiṃsamudayo, kiṃjātiko, kiṃpabhavo, kiṃsambhāro, kiṃsamuṭṭhāno? Sativinayo…pe… amūḷhavinayo…pe… paṭiññātakaraṇaṃ…pe… yebhuyyasikā…pe… tassapāpiyasikā…pe… tiṇavatthārako kiṃnidāno, kiṃsamudayo, kiṃjātiko, kiṃpabhavo, kiṃsambhāro, kiṃsamuṭṭhāno? Sammukhāvinayo paccayanidāno, paccayasamudayo, paccayajātiko, paccayapabhavo, paccayasambhāro, paccayasamuṭṭhāno. Sativinayo…pe… amūḷhavinayo…pe… paṭiññātakaraṇaṃ paccayanidānaṃ, paccayasamudayaṃ, paccayajātikaṃ, paccayapabhavaṃ, paccayasambhāraṃ, paccayasamuṭṭhānaṃ. Yebhuyyasikā…pe… tassapāpiyasikā paccayanidānā, paccayasamudayā, paccayajātikā, paccayapabhavā, paccayasambhārā, paccayasamuṭṭhānā. Tiṇavatthārako paccayanidāno, paccayasamudayo, paccayajātiko, paccayapabhavo, paccayasambhāro, paccayasamuṭṭhāno.
၃၅၃. သတ္တန္နံ သမထာနံ ကတိ မူလာနိ, ကတိ သမုဋ္ဌာနာ? သတ္တန္နံ သမထာနံ ဆဗ္ဗီသ မူလာနိ, ဆတ္တိံသ သမုဋ္ဌာနာ။ သတ္တန္နံ သမထာနံ ကတမာနိ ဆဗ္ဗီ မူလာနိ? သမ္မုခာဝိနယသ္သ စတ္တာရိ မူလာနိ။ သင္ဃသမ္မုခတာ, ဓမ္မသမ္မုခတာ, ဝိနယသမ္မုခတာ, ပုဂ္ဂလသမ္မုခတာ; သတိဝိနယသ္သ စတ္တာရိ မူလာနိ; အမူဠ္ဟဝိနယသ္သ စတ္တာရိ မူလာနိ; ပဋိညာတကရဏသ္သ ဒ္ဝေ မူလာနိ – ယော စ ဒေသေတိ ယသ္သ စ ဒေသေတိ; ယေဘုယ္ယသိကာယ စတ္တာရိ မူလာနိ; တသ္သပာပိယသိကာယ စတ္တာရိ မူလာနိ; တိဏဝတ္ထာရကသ္သ စတ္တာရိ မူလာနိ – သင္ဃသမ္မုခတာ, ဓမ္မသမ္မုခတာ, ဝိနယသမ္မုခတာ, ပုဂ္ဂလသမ္မုခတာ – သတ္တန္နံ သမထာနံ ဣမာနိ ဆဗ္ဗီသ မူလာနိ။
353. Sattannaṃ samathānaṃ kati mūlāni, kati samuṭṭhānā? Sattannaṃ samathānaṃ chabbīsa mūlāni, chattiṃsa samuṭṭhānā. Sattannaṃ samathānaṃ katamāni chabbī mūlāni? Sammukhāvinayassa cattāri mūlāni. Saṅghasammukhatā, dhammasammukhatā, vinayasammukhatā, puggalasammukhatā; sativinayassa cattāri mūlāni; amūḷhavinayassa cattāri mūlāni; paṭiññātakaraṇassa dve mūlāni – yo ca deseti yassa ca deseti; yebhuyyasikāya cattāri mūlāni; tassapāpiyasikāya cattāri mūlāni; tiṇavatthārakassa cattāri mūlāni – saṅghasammukhatā, dhammasammukhatā, vinayasammukhatā, puggalasammukhatā – sattannaṃ samathānaṃ imāni chabbīsa mūlāni.
သတ္တန္နံ သမထာနံ ကတမေ ဆတ္တိံသ သမုဋ္ဌာနာ? သတိဝိနယသ္သ ကမ္မသ္သ ကိရိယာ, ကရဏံ, ဥပဂမနံ, အဇ္ဈုပဂမနံ, အဓိဝာသနာ, အပ္ပဋိက္ကောသနာ။ အမူဠ္ဟဝိနယသ္သ ကမ္မသ္သ။ပေ.။ ပဋိညာတကရဏသ္သ ကမ္မသ္သ။ ယေဘုယ္ယသိကာယ ကမ္မသ္သ။ တသ္သပာပိယသိကာယ ကမ္မသ္သ။ တိဏဝတ္ထာရကသ္သ ကမ္မသ္သ ကိရိယာ, ကရဏံ, ဥပဂမနံ, အဇ္ဈုပဂမနံ, အဓိဝာသနာ, အပ္ပဋိက္ကောသနာ – သတ္တန္နံ သမထာနံ ဣမေ ဆတ္တိံသ သမုဋ္ဌာနာ။
Sattannaṃ samathānaṃ katame chattiṃsa samuṭṭhānā? Sativinayassa kammassa kiriyā, karaṇaṃ, upagamanaṃ, ajjhupagamanaṃ, adhivāsanā, appaṭikkosanā. Amūḷhavinayassa kammassa…pe… paṭiññātakaraṇassa kammassa… yebhuyyasikāya kammassa… tassapāpiyasikāya kammassa… tiṇavatthārakassa kammassa kiriyā, karaṇaṃ, upagamanaṃ, ajjhupagamanaṃ, adhivāsanā, appaṭikkosanā – sattannaṃ samathānaṃ ime chattiṃsa samuṭṭhānā.
Related texts:
အဋ္ဌကထာ • Aṭṭhakathā / ဝိနယပိဋက (အဋ္ဌကထာ) • Vinayapiṭaka (aṭṭhakathā) / ပရိဝာရ-အဋ္ဌကထာ • Parivāra-aṭṭhakathā / သတ္တသမထနိဒာနဝဏ္ဏနာ • Sattasamathanidānavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / သာရတ္ထဒီပနီ-ဋီကာ • Sāratthadīpanī-ṭīkā / အဓိကရဏဘေဒဝဏ္ဏနာ • Adhikaraṇabhedavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝဇိရဗုဒ္ဓိ-ဋီကာ • Vajirabuddhi-ṭīkā / အဓိကရဏနိဒာနာဒိဝဏ္ဏနာ • Adhikaraṇanidānādivaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ပာစိတ္ယာဒိယောဇနာပာဠိ • Pācityādiyojanāpāḷi / သတ္တသမထနိဒာနဝဏ္ဏနာ • Sattasamathanidānavaṇṇanā
