| Library / Tipiṭaka / திபிடக • Tipiṭaka / பாசித்யாதி³யோஜனாபாளி • Pācityādiyojanāpāḷi |
ஸத்தஸமத²னிதா³னவண்ணனா
Sattasamathanidānavaṇṇanā
352. அஸ்ஸாதி ஸம்முகா²வினயஸ்ஸ. தத்தா²தி ‘‘நிதா³னநிதா³னோ’’தி பாடே². இத³ந்தி ஸம்முகா²சதுக்கங். லத்³து⁴பவாதோ³தி லத்³தோ⁴ பரேஸங் உபவாதோ³ யேனாதி லத்³து⁴பவாதோ³, கீ²ணாஸவோ. யஸ்ஸ சாதி யஸ்ஸ ச ஸந்திகேதி ஸம்ப³ந்தோ⁴. உபி⁴ன்னந்தி தே³ஸகபடிக்³கா³ஹகானங் த்³வின்னங்.
352.Assāti sammukhāvinayassa. Tatthāti ‘‘nidānanidāno’’ti pāṭhe. Idanti sammukhācatukkaṃ. Laddhupavādoti laddho paresaṃ upavādo yenāti laddhupavādo, khīṇāsavo. Yassa cāti yassa ca santiketi sambandho. Ubhinnanti desakapaṭiggāhakānaṃ dvinnaṃ.
353. நனு புச்சா²யங் ‘‘ஸத்தன்னங் ஸமதா²ன’’ந்தி வுத்தங், கஸ்மா பன விஸ்ஸஜ்ஜனாயங் ஸம்முகா²வினயஸ்ஸ ஸமுட்டா²னங் ந வுத்தந்தி ஆஹ ‘‘கிஞ்சாபீ’’திஆதி³. தத்த² கிஞ்சாபி வுத்தந்தி யோஜனா. எத்த² கிஞ்சாபிஸத்³தோ³ ஸம்பா⁴வனத்தோ², பனஸத்³தோ³ க³ரஹத்தோ². ததா² வுத்தம்பீதி யோஜனா. கம்மஸங்க³ஹாபா⁴வேனாதி கம்மே ஸங்க³ஹஸ்ஸ அபா⁴வேன. தத்தா²தி தஸ்மிங் ‘‘கம்மஸ்ஸ கிரியா’’திஆதி³பாடே². கம்மங் கரீயதி இமாயாதி கிரியா, ஞத்தி. தேன வுத்தங் ‘‘கம்மஸ்ஸ கிரியாதி ஞத்தி வேதி³தப்³பா³’’தி. கரியதே ட²பியதே கரணங். ஸயங் உபக³மியதே உபக³மனங். அஜ்ஜே²ஸனேன பரங் உபக³மாபியதே அஜ்ஜு²பக³மனங். அதி⁴வாஸியதே அதி⁴வாஸனா. அப்படிக்கோஸியதே அபடிக்கோஸனா. இதி இமமத்த²ங் த³ஸ்ஸெந்தோ ஆஹ ‘‘கரணந்தி தஸ்ஸாயேவா’’திஆதி³. ஏதந்தி கம்மங். மேதி மய்ஹங். க²முதா⁴துபயோகே³ ஸம்பதா³னத்தே² ஸம்பதா³னவசனங். அத² வா மேதி மயா. கத்வத்தே² கரணவசனங், ஸாமிவசனங் வா. க²மதீதி கத்துரூபஸதி³ஸங் கம்மரூபங். ரூபஞ்ஹி கத்துரூபஸதி³ஸங் கம்மரூபங் ‘‘க²மதி ஸங்க⁴ஸ்ஸா’’திஆதீ³ஸு (மஹாவ॰ 127) விய. கம்மரூபஸதி³ஸங் கத்துரூபங் ‘‘உபாஸகோ ஸீலங் ஸமாதி³யதீ’’திஆதீ³ஸு (பட்டா²॰ 1.1.423) விய. எத்த² கம்மத்தே² பவத்தோ யபச்சயோ லோபோதி த³ட்ட²ப்³ப³ங்.
353. Nanu pucchāyaṃ ‘‘sattannaṃ samathāna’’nti vuttaṃ, kasmā pana vissajjanāyaṃ sammukhāvinayassa samuṭṭhānaṃ na vuttanti āha ‘‘kiñcāpī’’tiādi. Tattha kiñcāpi vuttanti yojanā. Ettha kiñcāpisaddo sambhāvanattho, panasaddo garahattho. Tathā vuttampīti yojanā. Kammasaṅgahābhāvenāti kamme saṅgahassa abhāvena. Tatthāti tasmiṃ ‘‘kammassa kiriyā’’tiādipāṭhe. Kammaṃ karīyati imāyāti kiriyā, ñatti. Tena vuttaṃ ‘‘kammassa kiriyāti ñatti veditabbā’’ti. Kariyate ṭhapiyate karaṇaṃ. Sayaṃ upagamiyate upagamanaṃ. Ajjhesanena paraṃ upagamāpiyate ajjhupagamanaṃ. Adhivāsiyate adhivāsanā. Appaṭikkosiyate apaṭikkosanā. Iti imamatthaṃ dassento āha ‘‘karaṇanti tassāyevā’’tiādi. Etanti kammaṃ. Meti mayhaṃ. Khamudhātupayoge sampadānatthe sampadānavacanaṃ. Atha vā meti mayā. Katvatthe karaṇavacanaṃ, sāmivacanaṃ vā. Khamatīti katturūpasadisaṃ kammarūpaṃ. Rūpañhi katturūpasadisaṃ kammarūpaṃ ‘‘khamati saṅghassā’’tiādīsu (mahāva. 127) viya. Kammarūpasadisaṃ katturūpaṃ ‘‘upāsako sīlaṃ samādiyatī’’tiādīsu (paṭṭhā. 1.1.423) viya. Ettha kammatthe pavatto yapaccayo lopoti daṭṭhabbaṃ.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / பரிவாரபாளி • Parivārapāḷi / 9. ஸத்தஸமத²னிதா³னங் • 9. Sattasamathanidānaṃ
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / பரிவார-அட்ட²கதா² • Parivāra-aṭṭhakathā / ஸத்தஸமத²னிதா³னவண்ணனா • Sattasamathanidānavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / அதி⁴கரணபே⁴த³வண்ணனா • Adhikaraṇabhedavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / அதி⁴கரணனிதா³னாதி³வண்ணனா • Adhikaraṇanidānādivaṇṇanā
