| Library / Tipiṭaka / д̇ибидага • Tipiṭaka / бариваара-адтагат̇аа • Parivāra-aṭṭhakathā |
сад̇д̇асамат̇анид̣̇аанаван̣н̣анаа
Sattasamathanidānavaṇṇanā
352. гим̣нид̣̇аанод̇и бужчаависсаж̇ж̇анз нид̣̇аанам̣ нид̣̇аанамассаад̇и нид̣̇аананид̣̇аано. д̇ад̇т̇а сан̇гхасаммукад̇аа, д̇хаммасаммукад̇аа, винаяасаммукад̇аа, буг̇г̇аласаммукад̇аад̇и ид̣̇ам̣ саммукаавинаяасса нид̣̇аанам̣. сад̇ивзбуллабад̇д̇о кийн̣аасаво лад̣̇д̇хубаваад̣̇о сад̇ивинаяасса нид̣̇аанам̣. уммад̇д̇аго бхигку амуул̣хавинаяасса нид̣̇аанам̣. яо жа д̣̇зсзд̇и, яасса жа д̣̇зсзд̇и, убхиннам̣ саммукийбхааво бадин̃н̃аад̇агаран̣асса нид̣̇аанам̣. бхан̣д̣анаж̇аад̇аанам̣ ад̇хигаран̣ам̣ вуубасамзд̇ум̣ асаггун̣зяяад̇аа язбхуяяасигааяа нид̣̇аанам̣. баабуссанно буг̇г̇ало д̇ассабаабияасигааяа нид̣̇аанам̣. бхан̣д̣анаж̇аад̇аанам̣ б̣аху ассааман̣агааж̇жхаажааро д̇ин̣авад̇т̇аарагасса нид̣̇аанам̣. хзд̇убажжаяаваараа вуд̇д̇анаяаа зва.
352.Kiṃnidānoti pucchāvissajjane nidānaṃ nidānamassāti nidānanidāno. Tattha saṅghasammukhatā, dhammasammukhatā, vinayasammukhatā, puggalasammukhatāti idaṃ sammukhāvinayassa nidānaṃ. Sativepullapatto khīṇāsavo laddhupavādo sativinayassa nidānaṃ. Ummattako bhikkhu amūḷhavinayassa nidānaṃ. Yo ca deseti, yassa ca deseti, ubhinnaṃ sammukhībhāvo paṭiññātakaraṇassa nidānaṃ. Bhaṇḍanajātānaṃ adhikaraṇaṃ vūpasametuṃ asakkuṇeyyatā yebhuyyasikāya nidānaṃ. Pāpussanno puggalo tassapāpiyasikāya nidānaṃ. Bhaṇḍanajātānaṃ bahu assāmaṇakaajjhācāro tiṇavatthārakassa nidānaṃ. Hetupaccayavārā vuttanayā eva.
353. муулабужчааяа виссаж̇ж̇анам̣ уд̇д̇аанамзва. самудтаанабужчааяа гин̃жааби ‘‘сад̇д̇аннам̣ самат̇аанам̣ гад̇амз чад̇д̇им̣са самудтаанаа’’д̇и вуд̇д̇ам̣, саммукаавинаяасса бана гаммасан̇г̇ахаабхаавзна самудтаанаабхаавад̇о чаннам̣язва самат̇аанам̣ ча самудтаанаани вибхад̇д̇аани. д̇ад̇т̇а гаммасса гирияаад̇и н̃ад̇д̇и взд̣̇ид̇аб̣б̣аа. гаран̣анд̇и д̇ассааязва н̃ад̇д̇ияаа табзд̇аб̣б̣агаалз табанам̣. убаг̇амананд̇и саяам̣ убаг̇аманам̣; ад̇д̇анааязва д̇асса гаммасса гаран̣анд̇и ад̇т̇о. аж̇жхубаг̇амананд̇и аж̇жхзсанубаг̇аманам̣; ан̃н̃ам̣ сад̣̇д̇хивихааригаад̣̇игам̣ ‘‘ид̣̇ам̣ гаммам̣ гарохий’’д̇и аж̇жхзсананд̇и ад̇т̇о. ад̇хиваасанаад̇и ‘‘ружжад̇и мз зд̇ам̣, гарод̇у сан̇гхо’’д̇и звам̣ ад̇хиваасанаа; чанд̣̇ад̣̇аананд̇и ад̇т̇о. аббадиггосанаад̇и ‘‘на мзд̇ам̣ камад̇и, маа звам̣ гарот̇аа’’д̇и аббадисзд̇ханаа. ид̇и чаннам̣ чаггаанам̣ васзна чад̇д̇им̣са самудтаанаа взд̣̇ид̇аб̣б̣аа.
353. Mūlapucchāya vissajjanaṃ uttānameva. Samuṭṭhānapucchāya kiñcāpi ‘‘sattannaṃ samathānaṃ katame chattiṃsa samuṭṭhānā’’ti vuttaṃ, sammukhāvinayassa pana kammasaṅgahābhāvena samuṭṭhānābhāvato channaṃyeva samathānaṃ cha samuṭṭhānāni vibhattāni. Tattha kammassa kiriyāti ñatti veditabbā. Karaṇanti tassāyeva ñattiyā ṭhapetabbakāle ṭhapanaṃ. Upagamananti sayaṃ upagamanaṃ; attanāyeva tassa kammassa karaṇanti attho. Ajjhupagamananti ajjhesanupagamanaṃ; aññaṃ saddhivihārikādikaṃ ‘‘idaṃ kammaṃ karohī’’ti ajjhesananti attho. Adhivāsanāti ‘‘ruccati me etaṃ, karotu saṅgho’’ti evaṃ adhivāsanā; chandadānanti attho. Appaṭikkosanāti ‘‘na metaṃ khamati, mā evaṃ karothā’’ti appaṭisedhanā. Iti channaṃ chakkānaṃ vasena chattiṃsa samuṭṭhānā veditabbā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / бариваарабаал̣и • Parivārapāḷi / 9. сад̇д̇асамат̇анид̣̇аанам̣ • 9. Sattasamathanidānaṃ
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / ад̇хигаран̣абхзд̣̇аван̣н̣анаа • Adhikaraṇabhedavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / ад̇хигаран̣анид̣̇аанаад̣̇иван̣н̣анаа • Adhikaraṇanidānādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / сад̇д̇асамат̇анид̣̇аанаван̣н̣анаа • Sattasamathanidānavaṇṇanā
