| Library / Tipiṭaka / ਤਿਪਿਟਕ • Tipiṭaka / ਪਰਿવਾਰ-ਅਟ੍ਠਕਥਾ • Parivāra-aṭṭhakathā |
ਸਤ੍ਤਸਮਥਨਿਦਾਨવਣ੍ਣਨਾ
Sattasamathanidānavaṇṇanā
੩੫੨. ਕਿਂਨਿਦਾਨੋਤਿ ਪੁਚ੍ਛਾવਿਸ੍ਸਜ੍ਜਨੇ ਨਿਦਾਨਂ ਨਿਦਾਨਮਸ੍ਸਾਤਿ ਨਿਦਾਨਨਿਦਾਨੋ। ਤਤ੍ਥ ਸਙ੍ਘਸਮ੍ਮੁਖਤਾ, ਧਮ੍ਮਸਮ੍ਮੁਖਤਾ, વਿਨਯਸਮ੍ਮੁਖਤਾ, ਪੁਗ੍ਗਲਸਮ੍ਮੁਖਤਾਤਿ ਇਦਂ ਸਮ੍ਮੁਖਾવਿਨਯਸ੍ਸ ਨਿਦਾਨਂ। ਸਤਿવੇਪੁਲ੍ਲਪਤ੍ਤੋ ਖੀਣਾਸવੋ ਲਦ੍ਧੁਪવਾਦੋ ਸਤਿવਿਨਯਸ੍ਸ ਨਿਦਾਨਂ। ਉਮ੍ਮਤ੍ਤਕੋ ਭਿਕ੍ਖੁ ਅਮੂਲ਼੍ਹવਿਨਯਸ੍ਸ ਨਿਦਾਨਂ। ਯੋ ਚ ਦੇਸੇਤਿ, ਯਸ੍ਸ ਚ ਦੇਸੇਤਿ, ਉਭਿਨ੍ਨਂ ਸਮ੍ਮੁਖੀਭਾવੋ ਪਟਿਞ੍ਞਾਤਕਰਣਸ੍ਸ ਨਿਦਾਨਂ। ਭਣ੍ਡਨਜਾਤਾਨਂ ਅਧਿਕਰਣਂ વੂਪਸਮੇਤੁਂ ਅਸਕ੍ਕੁਣੇਯ੍ਯਤਾ ਯੇਭੁਯ੍ਯਸਿਕਾਯ ਨਿਦਾਨਂ। ਪਾਪੁਸ੍ਸਨ੍ਨੋ ਪੁਗ੍ਗਲੋ ਤਸ੍ਸਪਾਪਿਯਸਿਕਾਯ ਨਿਦਾਨਂ। ਭਣ੍ਡਨਜਾਤਾਨਂ ਬਹੁ ਅਸ੍ਸਾਮਣਕਅਜ੍ਝਾਚਾਰੋ ਤਿਣવਤ੍ਥਾਰਕਸ੍ਸ ਨਿਦਾਨਂ। ਹੇਤੁਪਚ੍ਚਯવਾਰਾ વੁਤ੍ਤਨਯਾ ਏવ।
352.Kiṃnidānoti pucchāvissajjane nidānaṃ nidānamassāti nidānanidāno. Tattha saṅghasammukhatā, dhammasammukhatā, vinayasammukhatā, puggalasammukhatāti idaṃ sammukhāvinayassa nidānaṃ. Sativepullapatto khīṇāsavo laddhupavādo sativinayassa nidānaṃ. Ummattako bhikkhu amūḷhavinayassa nidānaṃ. Yo ca deseti, yassa ca deseti, ubhinnaṃ sammukhībhāvo paṭiññātakaraṇassa nidānaṃ. Bhaṇḍanajātānaṃ adhikaraṇaṃ vūpasametuṃ asakkuṇeyyatā yebhuyyasikāya nidānaṃ. Pāpussanno puggalo tassapāpiyasikāya nidānaṃ. Bhaṇḍanajātānaṃ bahu assāmaṇakaajjhācāro tiṇavatthārakassa nidānaṃ. Hetupaccayavārā vuttanayā eva.
੩੫੩. ਮੂਲਪੁਚ੍ਛਾਯ વਿਸ੍ਸਜ੍ਜਨਂ ਉਤ੍ਤਾਨਮੇવ। ਸਮੁਟ੍ਠਾਨਪੁਚ੍ਛਾਯ ਕਿਞ੍ਚਾਪਿ ‘‘ਸਤ੍ਤਨ੍ਨਂ ਸਮਥਾਨਂ ਕਤਮੇ ਛਤ੍ਤਿਂਸ ਸਮੁਟ੍ਠਾਨਾ’’ਤਿ વੁਤ੍ਤਂ, ਸਮ੍ਮੁਖਾવਿਨਯਸ੍ਸ ਪਨ ਕਮ੍ਮਸਙ੍ਗਹਾਭਾવੇਨ ਸਮੁਟ੍ਠਾਨਾਭਾવਤੋ ਛਨ੍ਨਂਯੇવ ਸਮਥਾਨਂ ਛ ਸਮੁਟ੍ਠਾਨਾਨਿ વਿਭਤ੍ਤਾਨਿ। ਤਤ੍ਥ ਕਮ੍ਮਸ੍ਸ ਕਿਰਿਯਾਤਿ ਞਤ੍ਤਿ વੇਦਿਤਬ੍ਬਾ। ਕਰਣਨ੍ਤਿ ਤਸ੍ਸਾਯੇવ ਞਤ੍ਤਿਯਾ ਠਪੇਤਬ੍ਬਕਾਲੇ ਠਪਨਂ। ਉਪਗਮਨਨ੍ਤਿ ਸਯਂ ਉਪਗਮਨਂ; ਅਤ੍ਤਨਾਯੇવ ਤਸ੍ਸ ਕਮ੍ਮਸ੍ਸ ਕਰਣਨ੍ਤਿ ਅਤ੍ਥੋ। ਅਜ੍ਝੁਪਗਮਨਨ੍ਤਿ ਅਜ੍ਝੇਸਨੁਪਗਮਨਂ; ਅਞ੍ਞਂ ਸਦ੍ਧਿવਿਹਾਰਿਕਾਦਿਕਂ ‘‘ਇਦਂ ਕਮ੍ਮਂ ਕਰੋਹੀ’’ਤਿ ਅਜ੍ਝੇਸਨਨ੍ਤਿ ਅਤ੍ਥੋ। ਅਧਿવਾਸਨਾਤਿ ‘‘ਰੁਚ੍ਚਤਿ ਮੇ ਏਤਂ, ਕਰੋਤੁ ਸਙ੍ਘੋ’’ਤਿ ਏવਂ ਅਧਿવਾਸਨਾ; ਛਨ੍ਦਦਾਨਨ੍ਤਿ ਅਤ੍ਥੋ। ਅਪ੍ਪਟਿਕ੍ਕੋਸਨਾਤਿ ‘‘ਨ ਮੇਤਂ ਖਮਤਿ, ਮਾ ਏવਂ ਕਰੋਥਾ’’ਤਿ ਅਪ੍ਪਟਿਸੇਧਨਾ। ਇਤਿ ਛਨ੍ਨਂ ਛਕ੍ਕਾਨਂ વਸੇਨ ਛਤ੍ਤਿਂਸ ਸਮੁਟ੍ਠਾਨਾ વੇਦਿਤਬ੍ਬਾ।
353. Mūlapucchāya vissajjanaṃ uttānameva. Samuṭṭhānapucchāya kiñcāpi ‘‘sattannaṃ samathānaṃ katame chattiṃsa samuṭṭhānā’’ti vuttaṃ, sammukhāvinayassa pana kammasaṅgahābhāvena samuṭṭhānābhāvato channaṃyeva samathānaṃ cha samuṭṭhānāni vibhattāni. Tattha kammassa kiriyāti ñatti veditabbā. Karaṇanti tassāyeva ñattiyā ṭhapetabbakāle ṭhapanaṃ. Upagamananti sayaṃ upagamanaṃ; attanāyeva tassa kammassa karaṇanti attho. Ajjhupagamananti ajjhesanupagamanaṃ; aññaṃ saddhivihārikādikaṃ ‘‘idaṃ kammaṃ karohī’’ti ajjhesananti attho. Adhivāsanāti ‘‘ruccati me etaṃ, karotu saṅgho’’ti evaṃ adhivāsanā; chandadānanti attho. Appaṭikkosanāti ‘‘na metaṃ khamati, mā evaṃ karothā’’ti appaṭisedhanā. Iti channaṃ chakkānaṃ vasena chattiṃsa samuṭṭhānā veditabbā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਪਰਿવਾਰਪਾਲ਼ਿ • Parivārapāḷi / ੯. ਸਤ੍ਤਸਮਥਨਿਦਾਨਂ • 9. Sattasamathanidānaṃ
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਅਧਿਕਰਣਭੇਦવਣ੍ਣਨਾ • Adhikaraṇabhedavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਅਧਿਕਰਣਨਿਦਾਨਾਦਿવਣ੍ਣਨਾ • Adhikaraṇanidānādivaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ਸਤ੍ਤਸਮਥਨਿਦਾਨવਣ੍ਣਨਾ • Sattasamathanidānavaṇṇanā
