| Library / Tipiṭaka / ਤਿਪਿਟਕ • Tipiṭaka / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi |
ਸਤ੍ਤਸਮਥਨਿਦਾਨવਣ੍ਣਨਾ
Sattasamathanidānavaṇṇanā
੩੫੨. ਅਸ੍ਸਾਤਿ ਸਮ੍ਮੁਖਾવਿਨਯਸ੍ਸ। ਤਤ੍ਥਾਤਿ ‘‘ਨਿਦਾਨਨਿਦਾਨੋ’’ਤਿ ਪਾਠੇ। ਇਦਨ੍ਤਿ ਸਮ੍ਮੁਖਾਚਤੁਕ੍ਕਂ। ਲਦ੍ਧੁਪવਾਦੋਤਿ ਲਦ੍ਧੋ ਪਰੇਸਂ ਉਪવਾਦੋ ਯੇਨਾਤਿ ਲਦ੍ਧੁਪવਾਦੋ, ਖੀਣਾਸવੋ। ਯਸ੍ਸ ਚਾਤਿ ਯਸ੍ਸ ਚ ਸਨ੍ਤਿਕੇਤਿ ਸਮ੍ਬਨ੍ਧੋ। ਉਭਿਨ੍ਨਨ੍ਤਿ ਦੇਸਕਪਟਿਗ੍ਗਾਹਕਾਨਂ ਦ੍વਿਨ੍ਨਂ।
352.Assāti sammukhāvinayassa. Tatthāti ‘‘nidānanidāno’’ti pāṭhe. Idanti sammukhācatukkaṃ. Laddhupavādoti laddho paresaṃ upavādo yenāti laddhupavādo, khīṇāsavo. Yassa cāti yassa ca santiketi sambandho. Ubhinnanti desakapaṭiggāhakānaṃ dvinnaṃ.
੩੫੩. ਨਨੁ ਪੁਚ੍ਛਾਯਂ ‘‘ਸਤ੍ਤਨ੍ਨਂ ਸਮਥਾਨ’’ਨ੍ਤਿ વੁਤ੍ਤਂ, ਕਸ੍ਮਾ ਪਨ વਿਸ੍ਸਜ੍ਜਨਾਯਂ ਸਮ੍ਮੁਖਾવਿਨਯਸ੍ਸ ਸਮੁਟ੍ਠਾਨਂ ਨ વੁਤ੍ਤਨ੍ਤਿ ਆਹ ‘‘ਕਿਞ੍ਚਾਪੀ’’ਤਿਆਦਿ। ਤਤ੍ਥ ਕਿਞ੍ਚਾਪਿ વੁਤ੍ਤਨ੍ਤਿ ਯੋਜਨਾ। ਏਤ੍ਥ ਕਿਞ੍ਚਾਪਿਸਦ੍ਦੋ ਸਮ੍ਭਾવਨਤ੍ਥੋ, ਪਨਸਦ੍ਦੋ ਗਰਹਤ੍ਥੋ। ਤਥਾ વੁਤ੍ਤਮ੍ਪੀਤਿ ਯੋਜਨਾ। ਕਮ੍ਮਸਙ੍ਗਹਾਭਾવੇਨਾਤਿ ਕਮ੍ਮੇ ਸਙ੍ਗਹਸ੍ਸ ਅਭਾવੇਨ। ਤਤ੍ਥਾਤਿ ਤਸ੍ਮਿਂ ‘‘ਕਮ੍ਮਸ੍ਸ ਕਿਰਿਯਾ’’ਤਿਆਦਿਪਾਠੇ। ਕਮ੍ਮਂ ਕਰੀਯਤਿ ਇਮਾਯਾਤਿ ਕਿਰਿਯਾ, ਞਤ੍ਤਿ। ਤੇਨ વੁਤ੍ਤਂ ‘‘ਕਮ੍ਮਸ੍ਸ ਕਿਰਿਯਾਤਿ ਞਤ੍ਤਿ વੇਦਿਤਬ੍ਬਾ’’ਤਿ। ਕਰਿਯਤੇ ਠਪਿਯਤੇ ਕਰਣਂ। ਸਯਂ ਉਪਗਮਿਯਤੇ ਉਪਗਮਨਂ। ਅਜ੍ਝੇਸਨੇਨ ਪਰਂ ਉਪਗਮਾਪਿਯਤੇ ਅਜ੍ਝੁਪਗਮਨਂ। ਅਧਿવਾਸਿਯਤੇ ਅਧਿવਾਸਨਾ। ਅਪ੍ਪਟਿਕ੍ਕੋਸਿਯਤੇ ਅਪਟਿਕ੍ਕੋਸਨਾ। ਇਤਿ ਇਮਮਤ੍ਥਂ ਦਸ੍ਸੇਨ੍ਤੋ ਆਹ ‘‘ਕਰਣਨ੍ਤਿ ਤਸ੍ਸਾਯੇવਾ’’ਤਿਆਦਿ। ਏਤਨ੍ਤਿ ਕਮ੍ਮਂ। ਮੇਤਿ ਮਯ੍ਹਂ। ਖਮੁਧਾਤੁਪਯੋਗੇ ਸਮ੍ਪਦਾਨਤ੍ਥੇ ਸਮ੍ਪਦਾਨવਚਨਂ। ਅਥ વਾ ਮੇਤਿ ਮਯਾ। ਕਤ੍વਤ੍ਥੇ ਕਰਣવਚਨਂ, ਸਾਮਿવਚਨਂ વਾ। ਖਮਤੀਤਿ ਕਤ੍ਤੁਰੂਪਸਦਿਸਂ ਕਮ੍ਮਰੂਪਂ। ਰੂਪਞ੍ਹਿ ਕਤ੍ਤੁਰੂਪਸਦਿਸਂ ਕਮ੍ਮਰੂਪਂ ‘‘ਖਮਤਿ ਸਙ੍ਘਸ੍ਸਾ’’ਤਿਆਦੀਸੁ (ਮਹਾવ॰ ੧੨੭) વਿਯ। ਕਮ੍ਮਰੂਪਸਦਿਸਂ ਕਤ੍ਤੁਰੂਪਂ ‘‘ਉਪਾਸਕੋ ਸੀਲਂ ਸਮਾਦਿਯਤੀ’’ਤਿਆਦੀਸੁ (ਪਟ੍ਠਾ॰ ੧.੧.੪੨੩) વਿਯ। ਏਤ੍ਥ ਕਮ੍ਮਤ੍ਥੇ ਪવਤ੍ਤੋ ਯਪਚ੍ਚਯੋ ਲੋਪੋਤਿ ਦਟ੍ਠਬ੍ਬਂ।
353. Nanu pucchāyaṃ ‘‘sattannaṃ samathāna’’nti vuttaṃ, kasmā pana vissajjanāyaṃ sammukhāvinayassa samuṭṭhānaṃ na vuttanti āha ‘‘kiñcāpī’’tiādi. Tattha kiñcāpi vuttanti yojanā. Ettha kiñcāpisaddo sambhāvanattho, panasaddo garahattho. Tathā vuttampīti yojanā. Kammasaṅgahābhāvenāti kamme saṅgahassa abhāvena. Tatthāti tasmiṃ ‘‘kammassa kiriyā’’tiādipāṭhe. Kammaṃ karīyati imāyāti kiriyā, ñatti. Tena vuttaṃ ‘‘kammassa kiriyāti ñatti veditabbā’’ti. Kariyate ṭhapiyate karaṇaṃ. Sayaṃ upagamiyate upagamanaṃ. Ajjhesanena paraṃ upagamāpiyate ajjhupagamanaṃ. Adhivāsiyate adhivāsanā. Appaṭikkosiyate apaṭikkosanā. Iti imamatthaṃ dassento āha ‘‘karaṇanti tassāyevā’’tiādi. Etanti kammaṃ. Meti mayhaṃ. Khamudhātupayoge sampadānatthe sampadānavacanaṃ. Atha vā meti mayā. Katvatthe karaṇavacanaṃ, sāmivacanaṃ vā. Khamatīti katturūpasadisaṃ kammarūpaṃ. Rūpañhi katturūpasadisaṃ kammarūpaṃ ‘‘khamati saṅghassā’’tiādīsu (mahāva. 127) viya. Kammarūpasadisaṃ katturūpaṃ ‘‘upāsako sīlaṃ samādiyatī’’tiādīsu (paṭṭhā. 1.1.423) viya. Ettha kammatthe pavatto yapaccayo lopoti daṭṭhabbaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਪਰਿવਾਰਪਾਲ਼ਿ • Parivārapāḷi / ੯. ਸਤ੍ਤਸਮਥਨਿਦਾਨਂ • 9. Sattasamathanidānaṃ
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਪਰਿવਾਰ-ਅਟ੍ਠਕਥਾ • Parivāra-aṭṭhakathā / ਸਤ੍ਤਸਮਥਨਿਦਾਨવਣ੍ਣਨਾ • Sattasamathanidānavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਅਧਿਕਰਣਭੇਦવਣ੍ਣਨਾ • Adhikaraṇabhedavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਅਧਿਕਰਣਨਿਦਾਨਾਦਿવਣ੍ਣਨਾ • Adhikaraṇanidānādivaṇṇanā
