| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
2. сад̇д̇асуурияасуд̇д̇ам̣
2. Sattasūriyasuttaṃ
66. звам̣ мз суд̇ам̣ – згам̣ самаяам̣ бхаг̇аваа взсаалияам̣ вихарад̇и амб̣абааливанз. д̇ад̇ра ко бхаг̇аваа бхигкуу ааманд̇зси – ‘‘бхигкаво’’д̇и. ‘‘бхад̣̇анд̇з’’д̇и д̇з бхигкуу бхаг̇авад̇о бажжассосум̣. бхаг̇аваа зд̇ад̣̇авожа –
66. Evaṃ me sutaṃ – ekaṃ samayaṃ bhagavā vesāliyaṃ viharati ambapālivane. Tatra kho bhagavā bhikkhū āmantesi – ‘‘bhikkhavo’’ti. ‘‘Bhadante’’ti te bhikkhū bhagavato paccassosuṃ. Bhagavā etadavoca –
‘‘анижжаа , бхигкавз, сан̇каараа; ад̇хуваа, бхигкавз, сан̇каараа; анассаасигаа, бхигкавз, сан̇каараа. яааван̃жид̣̇ам̣, бхигкавз, аламзва саб̣б̣асан̇каарзсу ниб̣б̣инд̣̇ид̇ум̣ алам̣ вираж̇ж̇ид̇ум̣ алам̣ вимужжид̇ум̣.
‘‘Aniccā , bhikkhave, saṅkhārā; adhuvā, bhikkhave, saṅkhārā; anassāsikā, bhikkhave, saṅkhārā. Yāvañcidaṃ, bhikkhave, alameva sabbasaṅkhāresu nibbindituṃ alaṃ virajjituṃ alaṃ vimuccituṃ.
‘‘синзру, бхигкавз, баб̣б̣ад̇арааж̇аа жад̇ураасийд̇ияож̇анасахассаани ааяаамзна, жад̇ураасийд̇ияож̇анасахассаани вид̇т̇аарзна, жад̇ураасийд̇ияож̇анасахассаани махаасамуд̣̇д̣̇з аж̇жхог̇аал̣хо, жад̇ураасийд̇ияож̇анасахассаани махаасамуд̣̇д̣̇аа ажжуг̇г̇ад̇о. ход̇и ко со, бхигкавз, самаяо яам̣ гад̣̇аажи гарахажи д̣̇ийгхасса ад̣̇д̇хуно ажжаязна б̣ахууни вассаани б̣ахууни вассасад̇аани б̣ахууни вассасахассаани б̣ахууни вассасад̇асахассаани д̣̇зво на вассад̇и. д̣̇звз ко бана, бхигкавз, авассанд̇з яз гзжимз б̣ийж̇аг̇аамабхууд̇аг̇аамаа осад̇хид̇ин̣аванаббад̇аяо д̇з уссуссанд̇и висуссанд̇и, на бхаванд̇и. звам̣ анижжаа, бхигкавз, сан̇каараа; звам̣ ад̇хуваа, бхигкавз, сан̇каараа…бз… алам̣ вимужжид̇ум̣.
‘‘Sineru, bhikkhave, pabbatarājā caturāsītiyojanasahassāni āyāmena, caturāsītiyojanasahassāni vitthārena, caturāsītiyojanasahassāni mahāsamudde ajjhogāḷho, caturāsītiyojanasahassāni mahāsamuddā accuggato. Hoti kho so, bhikkhave, samayo yaṃ kadāci karahaci dīghassa addhuno accayena bahūni vassāni bahūni vassasatāni bahūni vassasahassāni bahūni vassasatasahassāni devo na vassati. Deve kho pana, bhikkhave, avassante ye kecime bījagāmabhūtagāmā osadhitiṇavanappatayo te ussussanti visussanti, na bhavanti. Evaṃ aniccā, bhikkhave, saṅkhārā; evaṃ adhuvā, bhikkhave, saṅkhārā…pe… alaṃ vimuccituṃ.
‘‘ход̇и ко со, бхигкавз, самаяо яам̣ гад̣̇аажи гарахажи д̣̇ийгхасса ад̣̇д̇хуно ажжаязна д̣̇уд̇ияо суурияо баад̇убхавад̇и. д̣̇уд̇ияасса, бхигкавз, суурияасса баад̇убхааваа яаа гаажи гуннад̣̇ияо гусоб̣бхаа 1 д̇аа уссуссанд̇и висуссанд̇и, на бхаванд̇и . звам̣ анижжаа, бхигкавз, сан̇каараа…бз… алам̣ вимужжид̇ум̣.
‘‘Hoti kho so, bhikkhave, samayo yaṃ kadāci karahaci dīghassa addhuno accayena dutiyo sūriyo pātubhavati. Dutiyassa, bhikkhave, sūriyassa pātubhāvā yā kāci kunnadiyo kusobbhā 2 tā ussussanti visussanti, na bhavanti . Evaṃ aniccā, bhikkhave, saṅkhārā…pe… alaṃ vimuccituṃ.
‘‘ход̇и ко со, бхигкавз, самаяо яам̣ гад̣̇аажи гарахажи д̣̇ийгхасса ад̣̇д̇хуно ажжаязна д̇ад̇ияо суурияо баад̇убхавад̇и. д̇ад̇ияасса, бхигкавз, суурияасса баад̇убхааваа яаа гаажи махаанад̣̇ияо, сзяяат̇ид̣̇ам̣ – г̇ан̇г̇аа, яамунаа, ажиравад̇ий, сарабхуу, махий, д̇аа уссуссанд̇и висуссанд̇и, на бхаванд̇и. звам̣ анижжаа, бхигкавз, сан̇каараа…бз… алам̣ вимужжид̇ум̣.
‘‘Hoti kho so, bhikkhave, samayo yaṃ kadāci karahaci dīghassa addhuno accayena tatiyo sūriyo pātubhavati. Tatiyassa, bhikkhave, sūriyassa pātubhāvā yā kāci mahānadiyo, seyyathidaṃ – gaṅgā, yamunā, aciravatī, sarabhū, mahī, tā ussussanti visussanti, na bhavanti. Evaṃ aniccā, bhikkhave, saṅkhārā…pe… alaṃ vimuccituṃ.
‘‘ход̇и ко со, бхигкавз, самаяо яам̣ гад̣̇аажи гарахажи д̣̇ийгхасса ад̣̇д̇хуно ажжаязна жад̇уд̇т̇о суурияо баад̇убхавад̇и. жад̇уд̇т̇асса, бхигкавз, суурияасса баад̇убхааваа яз д̇з махаасараа яад̇о имаа махаанад̣̇ияо бавад̇д̇анд̇и, сзяяат̇ид̣̇ам̣ – анод̇ад̇д̇аа, сийхабабаад̇аа, рат̇агаараа, ган̣н̣амун̣д̣аа, гун̣аалаа, чад̣̇д̣̇анд̇аа, манд̣̇аагинияаа, д̇аа уссуссанд̇и висуссанд̇и, на бхаванд̇и. звам̣ анижжаа, бхигкавз, сан̇каараа…бз… алам̣ вимужжид̇ум̣.
‘‘Hoti kho so, bhikkhave, samayo yaṃ kadāci karahaci dīghassa addhuno accayena catuttho sūriyo pātubhavati. Catutthassa, bhikkhave, sūriyassa pātubhāvā ye te mahāsarā yato imā mahānadiyo pavattanti, seyyathidaṃ – anotattā, sīhapapātā, rathakārā, kaṇṇamuṇḍā, kuṇālā, chaddantā, mandākiniyā, tā ussussanti visussanti, na bhavanti. Evaṃ aniccā, bhikkhave, saṅkhārā…pe… alaṃ vimuccituṃ.
‘‘ход̇и ко со, бхигкавз, самаяо яам̣ гад̣̇аажи гарахажи д̣̇ийгхасса ад̣̇д̇хуно ажжаязна бан̃жамо суурияо баад̇убхавад̇и. бан̃жамасса, бхигкавз, суурияасса баад̇убхааваа яож̇анасад̇игааниби махаасамуд̣̇д̣̇з уд̣̇агаани ог̇ажчанд̇и, д̣̇вияож̇анасад̇игааниби махаасамуд̣̇д̣̇з уд̣̇агаани ог̇ажчанд̇и, д̇ияож̇анасад̇игааниби, жад̇уяож̇анасад̇игааниби, бан̃жаяож̇анасад̇игааниби, чаяож̇анасад̇игааниби, сад̇д̇аяож̇анасад̇игааниби махаасамуд̣̇д̣̇з уд̣̇агаани ог̇ажчанд̇и; сад̇д̇ад̇ааламби махаасамуд̣̇д̣̇з уд̣̇агам̣ сан̣таад̇и, чад̇ааламби, бан̃жад̇ааламби, жад̇уд̇ааламби, д̇ид̇ааламби, д̣̇вид̇ааламби , д̇ааламад̇д̇амби махаасамуд̣̇д̣̇з уд̣̇агам̣ сан̣таад̇и; сад̇д̇аборисамби махаасамуд̣̇д̣̇з уд̣̇агам̣ сан̣таад̇и, чаборисамби, бан̃жаборисамби, жад̇уборисамби, д̇иборисамби, д̣̇виборисамби, борисамби 3, ад̣дхаборисамби, гадимад̇д̇амби, ж̇ан̣н̣угаамад̇д̇амби, г̇обпагамад̇д̇амби махаасамуд̣̇д̣̇з уд̣̇агам̣ сан̣таад̇и. сзяяат̇ааби, бхигкавз, сарад̣̇асамаяз т̇уллапусид̇агз д̣̇звз вассанд̇з д̇ад̇т̇а д̇ад̇т̇а г̇обад̣̇зсу 4 уд̣̇агаани тид̇аани хонд̇и; звамзвам̣ ко, бхигкавз, д̇ад̇т̇а д̇ад̇т̇а г̇обпагамад̇д̇аани 5 махаасамуд̣̇д̣̇з уд̣̇агаани тид̇аани хонд̇и. бан̃жамасса, бхигкавз, суурияасса баад̇убхааваа ан̇г̇улибаб̣б̣амад̇д̇амби махаасамуд̣̇д̣̇з уд̣̇агам̣ на ход̇и. звам̣ анижжаа, бхигкавз, сан̇каараа…бз… алам̣ вимужжид̇ум̣.
‘‘Hoti kho so, bhikkhave, samayo yaṃ kadāci karahaci dīghassa addhuno accayena pañcamo sūriyo pātubhavati. Pañcamassa, bhikkhave, sūriyassa pātubhāvā yojanasatikānipi mahāsamudde udakāni ogacchanti, dviyojanasatikānipi mahāsamudde udakāni ogacchanti, tiyojanasatikānipi, catuyojanasatikānipi, pañcayojanasatikānipi, chayojanasatikānipi, sattayojanasatikānipi mahāsamudde udakāni ogacchanti; sattatālampi mahāsamudde udakaṃ saṇṭhāti, chatālampi, pañcatālampi, catutālampi, titālampi, dvitālampi , tālamattampi mahāsamudde udakaṃ saṇṭhāti; sattaporisampi mahāsamudde udakaṃ saṇṭhāti, chaporisampi, pañcaporisampi, catuporisampi, tiporisampi, dviporisampi, porisampi 6, aḍḍhaporisampi, kaṭimattampi, jaṇṇukāmattampi, gopphakamattampi mahāsamudde udakaṃ saṇṭhāti. Seyyathāpi, bhikkhave, saradasamaye thullaphusitake deve vassante tattha tattha gopadesu 7 udakāni ṭhitāni honti; evamevaṃ kho, bhikkhave, tattha tattha gopphakamattāni 8 mahāsamudde udakāni ṭhitāni honti. Pañcamassa, bhikkhave, sūriyassa pātubhāvā aṅgulipabbamattampi mahāsamudde udakaṃ na hoti. Evaṃ aniccā, bhikkhave, saṅkhārā…pe… alaṃ vimuccituṃ.
‘‘ход̇и ко со, бхигкавз, самаяо яам̣ гад̣̇аажи гарахажи д̣̇ийгхасса ад̣̇д̇хуно ажжаязна чадто суурияо баад̇убхавад̇и. чадтасса, бхигкавз, суурияасса баад̇убхааваа аяан̃жа махаабат̇авий синзру жа баб̣б̣ад̇арааж̇аа д̇хуумааяанд̇и сам̣д̇хуумааяанд̇и самбад̇хуумааяанд̇и 9. сзяяат̇ааби, бхигкавз, гумбхагаарабааго аалзбид̇о 10 батамам̣ д̇хуумзд̇и сам̣д̇хуумзд̇и самбад̇хуумзд̇и; звамзвам̣ ко, бхигкавз, чадтасса суурияасса баад̇убхааваа аяан̃жа махаабат̇авий синзру жа баб̣б̣ад̇арааж̇аа д̇хуумааяанд̇и сам̣д̇хуумааяанд̇и самбад̇хуумааяанд̇и. звам̣ анижжаа, бхигкавз, сан̇каараа…бз… алам̣ вимужжид̇ум̣.
‘‘Hoti kho so, bhikkhave, samayo yaṃ kadāci karahaci dīghassa addhuno accayena chaṭṭho sūriyo pātubhavati. Chaṭṭhassa, bhikkhave, sūriyassa pātubhāvā ayañca mahāpathavī sineru ca pabbatarājā dhūmāyanti saṃdhūmāyanti sampadhūmāyanti 11. Seyyathāpi, bhikkhave, kumbhakārapāko ālepito 12 paṭhamaṃ dhūmeti saṃdhūmeti sampadhūmeti; evamevaṃ kho, bhikkhave, chaṭṭhassa sūriyassa pātubhāvā ayañca mahāpathavī sineru ca pabbatarājā dhūmāyanti saṃdhūmāyanti sampadhūmāyanti. Evaṃ aniccā, bhikkhave, saṅkhārā…pe… alaṃ vimuccituṃ.
‘‘ход̇и ко со, бхигкавз, самаяо яам̣ гад̣̇аажи гарахажи д̣̇ийгхасса ад̣̇д̇хуно ажжаязна сад̇д̇амо суурияо баад̇убхавад̇и. сад̇д̇амасса , бхигкавз, суурияасса баад̇убхааваа аяан̃жа махаабат̇авий синзру жа баб̣б̣ад̇арааж̇аа аад̣̇иббанд̇и баж̇ж̇аланд̇и згаж̇аалаа бхаванд̇и. имиссаа жа, бхигкавз, махаабат̇авияаа синзрусса жа баб̣б̣ад̇арааж̇асса жхааяамаанаанам̣ д̣̇аяхамаанаанам̣ ажжи ваад̇зна кид̇д̇аа яаава б̣рахмалогааби г̇ажчад̇и. синзрусса, бхигкавз, баб̣б̣ад̇арааж̇асса жхааяамаанасса д̣̇аяхамаанасса винассамаанасса махад̇аа д̇зж̇оканд̇хзна абхибхууд̇асса яож̇анасад̇игааниби гуудаани балуж̇ж̇анд̇и д̣̇вияож̇анасад̇игааниби, д̇ияож̇анасад̇игааниби, жад̇уяож̇анасад̇игааниби, бан̃жаяож̇анасад̇игааниби гуудаани балуж̇ж̇анд̇и. имиссаа жа, бхигкавз, махаабат̇авияаа синзрусса жа баб̣б̣ад̇арааж̇асса жхааяамаанаанам̣ д̣̇аяхамаанаанам̣ нзва чааригаа бан̃н̃ааяад̇и на маси. сзяяат̇ааби, бхигкавз, саббисса ваа д̇зласса ваа жхааяамаанасса д̣̇аяхамаанасса нзва чааригаа бан̃н̃ааяад̇и на маси; звамзвам̣ ко, бхигкавз, имиссаа жа махаабат̇авияаа синзрусса жа баб̣б̣ад̇арааж̇асса жхааяамаанаанам̣ д̣̇аяхамаанаанам̣ нзва чааригаа бан̃н̃ааяад̇и на маси. звам̣ анижжаа, бхигкавз, сан̇каараа; звам̣ ад̇хуваа, бхигкавз, сан̇каараа; звам̣ анассаасигаа, бхигкавз, сан̇каараа. яааван̃жид̣̇ам̣, бхигкавз, аламзва саб̣б̣асан̇каарзсу ниб̣б̣инд̣̇ид̇ум̣ алам̣ вираж̇ж̇ид̇ум̣ алам̣ вимужжид̇ум̣.
‘‘Hoti kho so, bhikkhave, samayo yaṃ kadāci karahaci dīghassa addhuno accayena sattamo sūriyo pātubhavati. Sattamassa , bhikkhave, sūriyassa pātubhāvā ayañca mahāpathavī sineru ca pabbatarājā ādippanti pajjalanti ekajālā bhavanti. Imissā ca, bhikkhave, mahāpathaviyā sinerussa ca pabbatarājassa jhāyamānānaṃ dayhamānānaṃ acci vātena khittā yāva brahmalokāpi gacchati. Sinerussa, bhikkhave, pabbatarājassa jhāyamānassa dayhamānassa vinassamānassa mahatā tejokhandhena abhibhūtassa yojanasatikānipi kūṭāni palujjanti dviyojanasatikānipi, tiyojanasatikānipi, catuyojanasatikānipi, pañcayojanasatikānipi kūṭāni palujjanti. Imissā ca, bhikkhave, mahāpathaviyā sinerussa ca pabbatarājassa jhāyamānānaṃ dayhamānānaṃ neva chārikā paññāyati na masi. Seyyathāpi, bhikkhave, sappissa vā telassa vā jhāyamānassa dayhamānassa neva chārikā paññāyati na masi; evamevaṃ kho, bhikkhave, imissā ca mahāpathaviyā sinerussa ca pabbatarājassa jhāyamānānaṃ dayhamānānaṃ neva chārikā paññāyati na masi. Evaṃ aniccā, bhikkhave, saṅkhārā; evaṃ adhuvā, bhikkhave, saṅkhārā; evaṃ anassāsikā, bhikkhave, saṅkhārā. Yāvañcidaṃ, bhikkhave, alameva sabbasaṅkhāresu nibbindituṃ alaṃ virajjituṃ alaṃ vimuccituṃ.
‘‘д̇ад̇ра, бхигкавз, го манд̇аа го сад̣̇д̇хаад̇аа – ‘аяан̃жа бат̇авий синзру жа баб̣б̣ад̇арааж̇аа д̣̇аяхиссанд̇и винассиссанд̇и, на бхависсанд̇ий’д̇и ан̃н̃ад̇ра д̣̇идтабад̣̇зхи?
‘‘Tatra, bhikkhave, ko mantā ko saddhātā – ‘ayañca pathavī sineru ca pabbatarājā dayhissanti vinassissanti, na bhavissantī’ti aññatra diṭṭhapadehi?
13 ‘‘бхууд̇абуб̣б̣ам̣, бхигкавз, сунзд̇д̇о наама сад̇т̇аа ахоси д̇ид̇т̇агаро гаамзсу вийд̇арааг̇о. сунзд̇д̇асса ко бана, бхигкавз , сад̇т̇уно анзгаани саавагасад̇аани ахзсум̣. сунзд̇д̇о, бхигкавз, сад̇т̇аа саавагаанам̣ б̣рахмалогасахаб̣яад̇ааяа д̇хаммам̣ д̣̇зсзси. яз ко бана, бхигкавз, сунзд̇д̇асса сад̇т̇уно б̣рахмалогасахаб̣яад̇ааяа д̇хаммам̣ д̣̇зсзнд̇асса саб̣б̣зна саб̣б̣ам̣ саасанам̣ ааж̇ааним̣су д̇з гааяасса бхзд̣̇аа барам̣ маран̣аа суг̇ад̇им̣ б̣рахмалогам̣ убабаж̇ж̇им̣су. яз на саб̣б̣зна саб̣б̣ам̣ саасанам̣ ааж̇ааним̣су д̇з гааяасса бхзд̣̇аа барам̣ маран̣аа аббзгажжз бараниммид̇авасавад̇д̇ийнам̣ д̣̇зваанам̣ сахаб̣яад̇ам̣ убабаж̇ж̇им̣су, аббзгажжз ниммаанарад̇ийнам̣ д̣̇зваанам̣ сахаб̣яад̇ам̣ убабаж̇ж̇им̣су, аббзгажжз д̇усид̇аанам̣ д̣̇зваанам̣ сахаб̣яад̇ам̣ убабаж̇ж̇им̣су, аббзгажжз яаамаанам̣ д̣̇зваанам̣ сахаб̣яад̇ам̣ убабаж̇ж̇им̣су , аббзгажжз д̇аавад̇им̣саанам̣ д̣̇зваанам̣ сахаб̣яад̇ам̣ убабаж̇ж̇им̣су , аббзгажжз жаад̇умахаарааж̇игаанам̣ д̣̇зваанам̣ сахаб̣яад̇ам̣ убабаж̇ж̇им̣су, аббзгажжз кад̇д̇ияамахаасаалаанам̣ сахаб̣яад̇ам̣ убабаж̇ж̇им̣су, аббзгажжз б̣раахман̣амахаасаалаанам̣ сахаб̣яад̇ам̣ убабаж̇ж̇им̣су, аббзгажжз г̇ахабад̇имахаасаалаанам̣ сахаб̣яад̇ам̣ убабаж̇ж̇им̣су.
14 ‘‘Bhūtapubbaṃ, bhikkhave, sunetto nāma satthā ahosi titthakaro kāmesu vītarāgo. Sunettassa kho pana, bhikkhave , satthuno anekāni sāvakasatāni ahesuṃ. Sunetto, bhikkhave, satthā sāvakānaṃ brahmalokasahabyatāya dhammaṃ desesi. Ye kho pana, bhikkhave, sunettassa satthuno brahmalokasahabyatāya dhammaṃ desentassa sabbena sabbaṃ sāsanaṃ ājāniṃsu te kāyassa bhedā paraṃ maraṇā sugatiṃ brahmalokaṃ upapajjiṃsu. Ye na sabbena sabbaṃ sāsanaṃ ājāniṃsu te kāyassa bhedā paraṃ maraṇā appekacce paranimmitavasavattīnaṃ devānaṃ sahabyataṃ upapajjiṃsu, appekacce nimmānaratīnaṃ devānaṃ sahabyataṃ upapajjiṃsu, appekacce tusitānaṃ devānaṃ sahabyataṃ upapajjiṃsu, appekacce yāmānaṃ devānaṃ sahabyataṃ upapajjiṃsu , appekacce tāvatiṃsānaṃ devānaṃ sahabyataṃ upapajjiṃsu , appekacce cātumahārājikānaṃ devānaṃ sahabyataṃ upapajjiṃsu, appekacce khattiyamahāsālānaṃ sahabyataṃ upapajjiṃsu, appekacce brāhmaṇamahāsālānaṃ sahabyataṃ upapajjiṃsu, appekacce gahapatimahāsālānaṃ sahabyataṃ upapajjiṃsu.
‘‘ат̇а ко, бхигкавз, сунзд̇д̇асса сад̇т̇уно зд̇ад̣̇ахоси – ‘на ко мзд̇ам̣ бад̇ируубам̣ яохам̣ саавагаанам̣ самасамаг̇ад̇ияо ассам̣ абхисамбарааяам̣, яам̣нуунаахам̣ уд̇д̇ари мзд̇д̇ам̣ 15 бхаавзяяа’’’нд̇и.
‘‘Atha kho, bhikkhave, sunettassa satthuno etadahosi – ‘na kho metaṃ patirūpaṃ yohaṃ sāvakānaṃ samasamagatiyo assaṃ abhisamparāyaṃ, yaṃnūnāhaṃ uttari mettaṃ 16 bhāveyya’’’nti.
‘‘ат̇а ко, бхигкавз, сунзд̇д̇о сад̇т̇аа сад̇д̇а вассаани мзд̇д̇ам̣ жид̇д̇ам̣ бхаавзси. сад̇д̇а вассаани мзд̇д̇ам̣ жид̇д̇ам̣ бхаавзд̇ваа сад̇д̇а сам̣ваддавиваддагаббз наяимам̣ логам̣ бунарааг̇амааси. сам̣ваддамаанз суд̣̇ам̣, бхигкавз , логз аабхассаруубаг̇о ход̇и. виваддамаанз логз сун̃н̃ам̣ б̣рахмавимаанам̣ убабаж̇ж̇ад̇и. д̇ад̇ра суд̣̇ам̣, бхигкавз, б̣рахмаа ход̇и махааб̣рахмаа абхибхуу анабхибхууд̇о ан̃н̃ад̣̇ад̇т̇уд̣̇асо васавад̇д̇ий. чад̇д̇им̣сагкад̇д̇ум̣ ко бана, бхигкавз, сагго ахоси д̣̇зваанаминд̣̇о. анзгасад̇агкад̇д̇ум̣ рааж̇аа ахоси жаггавад̇д̇ий д̇хаммиго д̇хаммарааж̇аа жаад̇уранд̇о виж̇ид̇аавий ж̇анабад̣̇ад̇т̇ааварияаббад̇д̇о сад̇д̇арад̇анасаманнааг̇ад̇о. баросахассам̣ ко банасса буд̇д̇аа ахзсум̣ суураа вийран̇г̇аруубаа барасзнаббамад̣̇д̣̇анаа. со имам̣ бат̇авим̣ сааг̇арабарияанд̇ам̣ ад̣̇ан̣д̣зна асад̇т̇зна д̇хаммзна абхивиж̇ияа аж̇жхааваси. со хи наама, бхигкавз, сунзд̇д̇о сад̇т̇аа звам̣ д̣̇ийгхааяуго самаано звам̣ жирадтид̇иго абаримуд̇д̇о ахоси – ‘ж̇аад̇ияаа ж̇арааяа маран̣зна согзхи барид̣̇звзхи д̣̇угкзхи д̣̇оманассзхи убааяаасзхи, абаримуд̇д̇о д̣̇угкасмаа’д̇и вад̣̇аами’’.
‘‘Atha kho, bhikkhave, sunetto satthā satta vassāni mettaṃ cittaṃ bhāvesi. Satta vassāni mettaṃ cittaṃ bhāvetvā satta saṃvaṭṭavivaṭṭakappe nayimaṃ lokaṃ punarāgamāsi. Saṃvaṭṭamāne sudaṃ, bhikkhave , loke ābhassarūpago hoti. Vivaṭṭamāne loke suññaṃ brahmavimānaṃ upapajjati. Tatra sudaṃ, bhikkhave, brahmā hoti mahābrahmā abhibhū anabhibhūto aññadatthudaso vasavattī. Chattiṃsakkhattuṃ kho pana, bhikkhave, sakko ahosi devānamindo. Anekasatakkhattuṃ rājā ahosi cakkavattī dhammiko dhammarājā cāturanto vijitāvī janapadatthāvariyappatto sattaratanasamannāgato. Parosahassaṃ kho panassa puttā ahesuṃ sūrā vīraṅgarūpā parasenappamaddanā. So imaṃ pathaviṃ sāgarapariyantaṃ adaṇḍena asatthena dhammena abhivijiya ajjhāvasi. So hi nāma, bhikkhave, sunetto satthā evaṃ dīghāyuko samāno evaṃ ciraṭṭhitiko aparimutto ahosi – ‘jātiyā jarāya maraṇena sokehi paridevehi dukkhehi domanassehi upāyāsehi, aparimutto dukkhasmā’ti vadāmi’’.
‘‘д̇ам̣ гисса хзд̇у? жад̇уннам̣ д̇хаммаанам̣ анануб̣од̇хаа аббадивзд̇хаа. гад̇амзсам̣ жад̇уннам̣? арияасса, бхигкавз, сийласса анануб̣од̇хаа аббадивзд̇хаа, арияасса самаад̇хисса анануб̣од̇хаа аббадивзд̇хаа, арияааяа бан̃н̃ааяа анануб̣од̇хаа аббадивзд̇хаа, арияааяа вимуд̇д̇ияаа анануб̣од̇хаа аббадивзд̇хаа. д̇аяид̣̇ам̣, бхигкавз, арияам̣ сийлам̣ ануб̣уд̣̇д̇хам̣ бадивид̣̇д̇хам̣, арияо самаад̇хи ануб̣од̇хо бадивид̣̇д̇хо, арияаа бан̃н̃аа ануб̣од̇хаа бадивид̣̇д̇хаа, арияаа вимуд̇д̇и ануб̣од̇хаа бадивид̣̇д̇хаа, ужчиннаа бхавад̇ан̣хаа, кийн̣аа бхаванзд̇д̇и, над̇т̇и д̣̇аани бунаб̣бхаво’’д̇и. ид̣̇амавожа бхаг̇аваа. ид̣̇ам̣ вад̇ваана суг̇ад̇о ат̇аабарам̣ зд̇ад̣̇авожа сад̇т̇аа –
‘‘Taṃ kissa hetu? Catunnaṃ dhammānaṃ ananubodhā appaṭivedhā. Katamesaṃ catunnaṃ? Ariyassa, bhikkhave, sīlassa ananubodhā appaṭivedhā, ariyassa samādhissa ananubodhā appaṭivedhā, ariyāya paññāya ananubodhā appaṭivedhā, ariyāya vimuttiyā ananubodhā appaṭivedhā. Tayidaṃ, bhikkhave, ariyaṃ sīlaṃ anubuddhaṃ paṭividdhaṃ, ariyo samādhi anubodho paṭividdho, ariyā paññā anubodhā paṭividdhā, ariyā vimutti anubodhā paṭividdhā, ucchinnā bhavataṇhā, khīṇā bhavanetti, natthi dāni punabbhavo’’ti. Idamavoca bhagavā. Idaṃ vatvāna sugato athāparaṃ etadavoca satthā –
‘‘сийлам̣ самаад̇хи бан̃н̃аа жа, вимуд̇д̇и жа ануд̇д̇араа;
‘‘Sīlaṃ samādhi paññā ca, vimutti ca anuttarā;
ануб̣уд̣̇д̇хаа имз д̇хаммаа, г̇од̇амзна яасассинаа.
Anubuddhā ime dhammā, gotamena yasassinā.
‘‘ид̇и б̣уд̣̇д̇хо абхин̃н̃ааяа, д̇хаммамагкааси бхигкунам̣;
‘‘Iti buddho abhiññāya, dhammamakkhāsi bhikkhunaṃ;
д̣̇угкассанд̇агаро сад̇т̇аа, жагкумаа бариниб̣б̣уд̇о’’д̇и. д̣̇уд̇ияам̣;
Dukkhassantakaro satthā, cakkhumā parinibbuto’’ti. dutiyaṃ;
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 2. сад̇д̇асуурияасуд̇д̇аван̣н̣анаа • 2. Sattasūriyasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 1-2. хириод̇д̇аббасуд̇д̇аад̣̇иван̣н̣анаа • 1-2. Hiriottappasuttādivaṇṇanā
