| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
2. сад̇д̇асуурияасуд̇д̇аван̣н̣анаа
2. Sattasūriyasuttavaṇṇanā
66. д̣̇уд̇ияз яасмаа аяам̣ сад̇д̇асуурияад̣̇зсанаа д̇зж̇осам̣ваддад̣̇ассанавасзна бавад̇д̇аа, д̇асмаа д̇аяо сам̣ваддаа, д̇иссо сам̣ваддасиймаа, д̇ийн̣и сам̣ваддамуулааний, д̇ийн̣и голаахалаанийд̇и аяам̣ д̇аава аад̣̇ид̇ова имасса суд̇д̇асса бурзжааригагат̇аа взд̣̇ид̇аб̣б̣аа. саа висуд̣̇д̇химаг̇г̇з (висуд̣̇д̇хи. 2.403) буб̣б̣зниваасаануссад̇инид̣̇д̣̇зсз вид̇т̇аарид̇аава. зд̇ад̣̇авожаад̇и анижжагаммадтаанигаанам̣ бан̃жаннам̣ бхигкусад̇аанам̣ аж̇жхаасаязна убаад̣̇иннагаанам̣ анубаад̣̇иннагаанам̣ сан̇каараанам̣ вибад̇д̇ид̣̇ассанад̇т̇ам̣ зд̇ам̣ ‘‘анижжаа, бхигкавз, сан̇каараа’’д̇иаад̣̇исад̇д̇асуурияобамасуд̇д̇анд̇ам̣ авожа. д̇ад̇т̇а анижжаад̇и худ̇ваа абхаавадтзна анижжаа. сан̇каараад̇и убаад̣̇иннагаанубаад̣̇иннагаа сан̇каарад̇хаммаа. ад̣̇д̇хуваад̇и звам̣ ажирадтзна на д̇хуваа. анассаасигаад̇и асассад̇абхаавзна ассаасарахид̇аа. аламзваад̇и яуд̇д̇амзва.
66. Dutiye yasmā ayaṃ sattasūriyadesanā tejosaṃvaṭṭadassanavasena pavattā, tasmā tayo saṃvaṭṭā, tisso saṃvaṭṭasīmā, tīṇi saṃvaṭṭamūlānī, tīṇi kolāhalānīti ayaṃ tāva āditova imassa suttassa purecārikakathā veditabbā. Sā visuddhimagge (visuddhi. 2.403) pubbenivāsānussatiniddese vitthāritāva. Etadavocāti aniccakammaṭṭhānikānaṃ pañcannaṃ bhikkhusatānaṃ ajjhāsayena upādinnakānaṃ anupādinnakānaṃ saṅkhārānaṃ vipattidassanatthaṃ etaṃ ‘‘aniccā, bhikkhave, saṅkhārā’’tiādisattasūriyopamasuttantaṃ avoca. Tattha aniccāti hutvā abhāvaṭṭhena aniccā. Saṅkhārāti upādinnakaanupādinnakā saṅkhāradhammā. Addhuvāti evaṃ aciraṭṭhena na dhuvā. Anassāsikāti asassatabhāvena assāsarahitā. Alamevāti yuttameva.
аж̇жхог̇аал̣ход̇и уд̣̇агз анубавидто. ажжуг̇г̇ад̇од̇и уд̣̇агабидтид̇о уг̇г̇ад̇о. д̣̇зво на вассад̇ийд̇и батамам̣ д̇аава убагаббанамзгхо наама годисад̇асахассажаггаваал̣з згамзгхо худ̇ваа вассад̇и, д̇ад̣̇аа нигканд̇аб̣ийж̇ам̣ на буна г̇зхам̣ бависад̇и. д̇ад̇о бадтааяа д̇хамагаран̣з нируд̣̇д̇хам̣ вияа уд̣̇агам̣ ход̇и, буна згаб̣инд̣̇умби д̣̇зво на вассад̇ийд̇и убамаанад̇хаммагат̇аава бамаан̣ам̣. винассанд̇з бана логз батамам̣ авийжид̇о бадтааяа д̇ужчо ход̇и, д̇ад̇о удтахид̇ваа сад̇д̇аа мануссалогз жа д̇иражчаанзсу жа ниб̣б̣ад̇д̇анд̇и. д̇иражчаанзсу ниб̣б̣ад̇д̇ааби буд̇д̇абхаад̇игзсу мзд̇д̇ам̣ бадилабхид̇ваа гаалагад̇аа д̣̇звамануссзсу ниб̣б̣ад̇д̇анд̇и. д̣̇звад̇аа аагаасзна жаранд̇ияо аарожзнд̇и – ‘‘на ид̣̇ам̣ таанам̣ сассад̇ам̣ на ниб̣ад̣̇д̇хам̣, мзд̇д̇ам̣ бхаавзт̇а, гарун̣ам̣, муд̣̇ид̇ам̣, убзгкам̣ бхаавзт̇аа’’д̇и. д̇з мзд̇д̇аад̣̇аяо бхаавзд̇ваа д̇ад̇о жуд̇аа б̣рахмалогз ниб̣б̣ад̇д̇анд̇и.
Ajjhogāḷhoti udake anupaviṭṭho. Accuggatoti udakapiṭṭhito uggato. Devo na vassatīti paṭhamaṃ tāva upakappanamegho nāma koṭisatasahassacakkavāḷe ekamegho hutvā vassati, tadā nikkhantabījaṃ na puna gehaṃ pavisati. Tato paṭṭhāya dhamakaraṇe niruddhaṃ viya udakaṃ hoti, puna ekabindumpi devo na vassatīti upamānadhammakathāva pamāṇaṃ. Vinassante pana loke paṭhamaṃ avīcito paṭṭhāya tuccho hoti, tato uṭṭhahitvā sattā manussaloke ca tiracchānesu ca nibbattanti. Tiracchānesu nibbattāpi puttabhātikesu mettaṃ paṭilabhitvā kālakatā devamanussesu nibbattanti. Devatā ākāsena carantiyo ārocenti – ‘‘na idaṃ ṭhānaṃ sassataṃ na nibaddhaṃ, mettaṃ bhāvetha, karuṇaṃ, muditaṃ, upekkhaṃ bhāvethā’’ti. Te mettādayo bhāvetvā tato cutā brahmaloke nibbattanti.
б̣ийж̇аг̇аамаад̇и зд̇т̇а б̣ийж̇аг̇аамо наама бан̃жа б̣ийж̇аж̇аад̇аани. бхууд̇аг̇аамо наама яам̣гин̃жи нигканд̇амуулабан̣н̣ам̣ харид̇агам̣. осад̇хид̇ин̣аванаббад̇аяод̇и зд̇т̇а осад̇хийд̇и осад̇харугкаа. д̇ин̣аад̇и б̣ахисаараа д̇ааланаал̣игзраад̣̇аяо. ванаббад̇аяод̇и ванаж̇здтагаругкаа. гуннад̣̇ияод̇и табзд̇ваа бан̃жа махаанад̣̇ияо авасзсаа ниннаг̇аа. гусоб̣бхаад̇и табзд̇ваа сад̇д̇а махаасарз авасзсаа рахад̣̇аад̣̇аяо. д̣̇уд̇ияо суурияод̇иаад̣̇ийсу д̣̇уд̇ияасуурияагаалз зго уд̣̇зд̇и, зго ад̇т̇ан̇г̇амзд̇и. д̇ад̇ияагаалз зго уд̣̇зд̇и, зго ад̇т̇ан̇г̇амзд̇и, зго маж̇жхз ход̇и. жад̇уд̇т̇агаалз жад̇угулигз г̇аамз жад̇д̇ааро бин̣д̣ажааригаа д̣̇ваарабадибаадияаа тид̇аа вияа хонд̇и. бан̃жамаад̣̇игаалзби зсзва наяо. балуж̇ж̇анд̇ийд̇и чиж̇ж̇ид̇ваа чиж̇ж̇ид̇ваа бад̇анд̇и. нзва чааригаа бан̃н̃ааяад̇и на масийд̇и жаггаваал̣амахаабат̇авий синзрубаб̣б̣ад̇арааж̇аа химаваа жаггаваал̣абаб̣б̣ад̇о ча гаамасаг̇г̇аа батамаж̇жхаанигаб̣рахмалогаад̇и зд̇д̇агз таанз д̣̇ад̣дхз ажчарааяа г̇ахзд̇аб̣б̣амад̇д̇ааби чааригаа ваа ан̇г̇ааро ваа на бан̃н̃ааяад̇и. го манд̇аа го сад̣̇д̇хаад̇аад̇и го д̇асса сад̣̇д̇хаабанад̇т̇ааяа самад̇т̇о, го ваа д̇асса сад̣̇д̇хаад̇аа. ан̃н̃ад̇ра д̣̇идтабад̣̇зхийд̇и д̣̇идтабад̣̇з сод̇аабаннз арияасаавагз табзд̇ваа го ан̃н̃о сад̣̇д̣̇ахиссад̇ийд̇и ад̇т̇о.
Bījagāmāti ettha bījagāmo nāma pañca bījajātāni. Bhūtagāmo nāma yaṃkiñci nikkhantamūlapaṇṇaṃ haritakaṃ. Osadhitiṇavanappatayoti ettha osadhīti osadharukkhā. Tiṇāti bahisārā tālanāḷikerādayo. Vanappatayoti vanajeṭṭhakarukkhā. Kunnadiyoti ṭhapetvā pañca mahānadiyo avasesā ninnagā. Kusobbhāti ṭhapetvā satta mahāsare avasesā rahadādayo. Dutiyo sūriyotiādīsu dutiyasūriyakāle eko udeti, eko atthaṅgameti. Tatiyakāle eko udeti, eko atthaṅgameti, eko majjhe hoti. Catutthakāle catukulike gāme cattāro piṇḍacārikā dvārapaṭipāṭiyā ṭhitā viya honti. Pañcamādikālepi eseva nayo. Palujjantīti chijjitvā chijjitvā patanti. Neva chārikā paññāyati na masīti cakkavāḷamahāpathavī sinerupabbatarājā himavā cakkavāḷapabbato cha kāmasaggā paṭhamajjhānikabrahmalokāti ettake ṭhāne daḍḍhe accharāya gahetabbamattāpi chārikā vā aṅgāro vā na paññāyati. Ko mantā ko saddhātāti ko tassa saddhāpanatthāya samattho, ko vā tassa saddhātā. Aññatra diṭṭhapadehīti diṭṭhapade sotāpanne ariyasāvake ṭhapetvā ko añño saddahissatīti attho.
вийд̇арааг̇од̇и вигкамбханавасзна вийд̇арааг̇о. саасанам̣ ааж̇ааним̣сууд̇и анусидтим̣ ж̇ааним̣су, б̣рахмалогасахаб̣яад̇ааяа маг̇г̇ам̣ бадибаж̇ж̇им̣су. самасамаг̇ад̇ияод̇и д̣̇уд̇ияад̇д̇абхаавз саб̣б̣аагаарзна самаг̇ад̇иго згаг̇ад̇иго. уд̇д̇ари мзд̇д̇ам̣ бхаавзяяанд̇и батамаж̇жхаанад̇о уд̇д̇ари яаава д̇игажад̇уггаж̇жхаанаа бан̣ийд̇ам̣ гад̇ваа мзд̇д̇ам̣ бхаавзяяам̣. жагкумаад̇и бан̃жахи жагкуухи жагкумаа. бариниб̣б̣уд̇од̇и б̣од̇хибаллан̇гзязва гилзсабариниб̣б̣аанзна бариниб̣б̣уд̇о. звам̣ анижжалагкан̣ам̣ д̣̇ийбзд̇ваа сад̇т̇ари д̣̇зсанам̣ виниваддзнд̇з бан̃жасад̇ааби д̇з анижжагаммадтаанигаа бхигкуу д̣̇зсанаанусаарзна н̃аан̣ам̣ бзсзд̇ваа нисиннаасанзсуязва арахад̇д̇ам̣ баабун̣им̣сууд̇и.
Vītarāgoti vikkhambhanavasena vītarāgo. Sāsanaṃ ājāniṃsūti anusiṭṭhiṃ jāniṃsu, brahmalokasahabyatāya maggaṃ paṭipajjiṃsu. Samasamagatiyoti dutiyattabhāve sabbākārena samagatiko ekagatiko. Uttari mettaṃ bhāveyyanti paṭhamajjhānato uttari yāva tikacatukkajjhānā paṇītaṃ katvā mettaṃ bhāveyyaṃ. Cakkhumāti pañcahi cakkhūhi cakkhumā. Parinibbutoti bodhipallaṅkeyeva kilesaparinibbānena parinibbuto. Evaṃ aniccalakkhaṇaṃ dīpetvā satthari desanaṃ vinivaṭṭente pañcasatāpi te aniccakammaṭṭhānikā bhikkhū desanānusārena ñāṇaṃ pesetvā nisinnāsanesuyeva arahattaṃ pāpuṇiṃsūti.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 2. сад̇д̇асуурияасуд̇д̇ам̣ • 2. Sattasūriyasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 1-2. хириод̇д̇аббасуд̇д̇аад̣̇иван̣н̣анаа • 1-2. Hiriottappasuttādivaṇṇanā
