| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
2. сад̇д̇асуд̇д̇ам̣
2. Sattasuttaṃ
161. саавад̇т̇инид̣̇аанам̣. згаманд̇ам̣ нисинно ко ааяасмаа раад̇хо бхаг̇аванд̇ам̣ зд̇ад̣̇авожа – ‘‘‘сад̇д̇о, сад̇д̇о’д̇и, бханд̇з, вужжад̇и. гид̇д̇аавад̇аа ну ко, бханд̇з , сад̇д̇од̇и вужжад̇ий’’д̇и? ‘‘руубз ко, раад̇ха, яо чанд̣̇о яо рааг̇о яаа нанд̣̇ий яаа д̇ан̣хаа, д̇ад̇ра сад̇д̇о, д̇ад̇ра висад̇д̇о, д̇асмаа сад̇д̇од̇и вужжад̇и. взд̣̇анааяа… сан̃н̃ааяа… сан̇каарзсу… вин̃н̃аан̣з яо чанд̣̇о яо рааг̇о яаа нанд̣̇ий яаа д̇ан̣хаа, д̇ад̇ра сад̇д̇о, д̇ад̇ра висад̇д̇о, д̇асмаа сад̇д̇од̇и вужжад̇и’’.
161. Sāvatthinidānaṃ. Ekamantaṃ nisinno kho āyasmā rādho bhagavantaṃ etadavoca – ‘‘‘satto, satto’ti, bhante, vuccati. Kittāvatā nu kho, bhante , sattoti vuccatī’’ti? ‘‘Rūpe kho, rādha, yo chando yo rāgo yā nandī yā taṇhā, tatra satto, tatra visatto, tasmā sattoti vuccati. Vedanāya… saññāya… saṅkhāresu… viññāṇe yo chando yo rāgo yā nandī yā taṇhā, tatra satto, tatra visatto, tasmā sattoti vuccati’’.
‘‘сзяяат̇ааби, раад̇ха, гумаарагаа ваа гумааригааяо ваа бам̣свааг̇аарагзхи гийл̣анд̇и. яаавагийван̃жа д̇зсу бам̣свааг̇аарагзсу авиг̇ад̇арааг̇аа хонд̇и авиг̇ад̇ажчанд̣̇аа авиг̇ад̇абзмаа авиг̇ад̇абибаасаа авиг̇ад̇абарил̣аахаа авиг̇ад̇ад̇ан̣хаа, д̇аава д̇аани бам̣свааг̇аарагаани аллийяанд̇и гзл̣ааяанд̇и д̇ханааяанд̇и 1 мамааяанд̇и. яад̇о жа ко, раад̇ха, гумаарагаа ваа гумааригааяо ваа д̇зсу бам̣свааг̇аарагзсу виг̇ад̇арааг̇аа хонд̇и виг̇ад̇ажчанд̣̇аа виг̇ад̇абзмаа виг̇ад̇абибаасаа виг̇ад̇абарил̣аахаа виг̇ад̇ад̇ан̣хаа, ат̇а ко д̇аани бам̣свааг̇аарагаани хад̇т̇зхи жа баад̣̇зхи жа вигиранд̇и вид̇хаманд̇и вид̣̇д̇хам̣сзнд̇и вигийл̣анияам̣ 2 гаронд̇и. звамзва ко, раад̇ха, д̇умхзби руубам̣ вигират̇а вид̇хамат̇а вид̣̇д̇хам̣сзт̇а вигийл̣анияам̣ гарот̇а д̇ан̣хаагкаяааяа бадибаж̇ж̇ат̇а. взд̣̇анам̣ вигират̇а вид̇хамат̇а вид̣̇д̇хам̣сзт̇а вигийл̣анияам̣ гарот̇а д̇ан̣хаагкаяааяа бадибаж̇ж̇ат̇а. сан̃н̃ам̣… сан̇каарз вигират̇а вид̇хамат̇а вид̣̇д̇хам̣сзт̇а вигийл̣анияам̣ гарот̇а д̇ан̣хаагкаяааяа бадибаж̇ж̇ат̇а. вин̃н̃аан̣ам̣ вигират̇а вид̇хамат̇а вид̣̇д̇хам̣сзт̇а вигийл̣анияам̣ гарот̇а д̇ан̣хаагкаяааяа бадибаж̇ж̇ат̇а. д̇ан̣хаагкаяо хи, раад̇ха, ниб̣б̣аана’’нд̇и. д̣̇уд̇ияам̣.
‘‘Seyyathāpi, rādha, kumārakā vā kumārikāyo vā paṃsvāgārakehi kīḷanti. Yāvakīvañca tesu paṃsvāgārakesu avigatarāgā honti avigatacchandā avigatapemā avigatapipāsā avigatapariḷāhā avigatataṇhā, tāva tāni paṃsvāgārakāni allīyanti keḷāyanti dhanāyanti 3 mamāyanti. Yato ca kho, rādha, kumārakā vā kumārikāyo vā tesu paṃsvāgārakesu vigatarāgā honti vigatacchandā vigatapemā vigatapipāsā vigatapariḷāhā vigatataṇhā, atha kho tāni paṃsvāgārakāni hatthehi ca pādehi ca vikiranti vidhamanti viddhaṃsenti vikīḷaniyaṃ 4 karonti. Evameva kho, rādha, tumhepi rūpaṃ vikiratha vidhamatha viddhaṃsetha vikīḷaniyaṃ karotha taṇhākkhayāya paṭipajjatha. Vedanaṃ vikiratha vidhamatha viddhaṃsetha vikīḷaniyaṃ karotha taṇhākkhayāya paṭipajjatha. Saññaṃ… saṅkhāre vikiratha vidhamatha viddhaṃsetha vikīḷaniyaṃ karotha taṇhākkhayāya paṭipajjatha. Viññāṇaṃ vikiratha vidhamatha viddhaṃsetha vikīḷaniyaṃ karotha taṇhākkhayāya paṭipajjatha. Taṇhākkhayo hi, rādha, nibbāna’’nti. Dutiyaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 2-10. сад̇д̇асуд̇д̇аад̣̇иван̣н̣анаа • 2-10. Sattasuttādivaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 2-10. сад̇д̇асуд̇д̇аад̣̇иван̣н̣анаа • 2-10. Sattasuttādivaṇṇanā
