| Library / Tipiṭaka / তিপিটক • Tipiṭaka / সংযুত্তনিকায (টীকা) • Saṃyuttanikāya (ṭīkā) |
৫. সত্তট্ঠানসুত্তৰণ্ণনা
5. Sattaṭṭhānasuttavaṇṇanā
৫৭. সত্তসু ওকাসেসূতি রূপপজাননাদীসু সত্তসু ওকাসেসু। ৰুসিতৰাসোতি ৰুসিতঅরিযৰাসো। এত্থাতি ইমস্মিং উদ্দেসে। সেসং নাম ইধ ৰুত্তাৰসেসং। ৰুত্তনযেনাতি হেট্ঠা ৰুত্তনযেন ৰেদিতব্বং। উস্সদনন্দিযন্তি উস্সন্নগুণৰতো তোসনং সম্মোদাপনং। গুণকিত্তনেন পলোভনীযং সেক্খকল্যাণপুথুজ্জনানং পসাদুপ্পাদনেন। ইদানি ৰুত্তমেৰ অত্থং পাকটং কাতুং ‘‘যথা হী’’তিআদি ৰুত্তং।
57.Sattasuokāsesūti rūpapajānanādīsu sattasu okāsesu. Vusitavāsoti vusitaariyavāso. Etthāti imasmiṃ uddese. Sesaṃ nāma idha vuttāvasesaṃ. Vuttanayenāti heṭṭhā vuttanayena veditabbaṃ. Ussadanandiyanti ussannaguṇavato tosanaṃ sammodāpanaṃ. Guṇakittanena palobhanīyaṃ sekkhakalyāṇaputhujjanānaṃ pasāduppādanena. Idāni vuttameva atthaṃ pākaṭaṃ kātuṃ ‘‘yathā hī’’tiādi vuttaṃ.
এত্তাৰতাতি পঞ্চন্নং খন্ধানং ৰসেন সত্তসু ঠানেসু কোসল্লদীপনেন এত্তকেন দেসনাক্কমেন। তন্তি আরম্মণং। ধাতুআদিমত্তমেৰাতি ধাতাযতনপটিচ্চসমুপ্পাদমত্তমেৰ। ইমেসু ধম্মেসূতি ইমেসু জাতাদীসু। কম্মং কত্ৰাতি সম্মসনকম্মং নিট্ঠপেত্ৰাতি অত্থো। এৰমেত্থ পঞ্চন্নং খন্ধানং ৰসেন সত্তট্ঠানকোসল্লপৰত্তিযা পভেদেন ৰিভজিত্ৰা ‘‘তিৰিধূপপরিক্খী’’তি দস্সেতি ধম্মরাজা।
Ettāvatāti pañcannaṃ khandhānaṃ vasena sattasu ṭhānesu kosalladīpanena ettakena desanākkamena. Tanti ārammaṇaṃ. Dhātuādimattamevāti dhātāyatanapaṭiccasamuppādamattameva. Imesu dhammesūti imesu jātādīsu. Kammaṃ katvāti sammasanakammaṃ niṭṭhapetvāti attho. Evamettha pañcannaṃ khandhānaṃ vasena sattaṭṭhānakosallapavattiyā pabhedena vibhajitvā ‘‘tividhūpaparikkhī’’ti dasseti dhammarājā.
সত্তট্ঠানসুত্তৰণ্ণনা নিট্ঠিতা।
Sattaṭṭhānasuttavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / সংযুত্তনিকায • Saṃyuttanikāya / ৫. সত্তট্ঠানসুত্তং • 5. Sattaṭṭhānasuttaṃ
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ৫. সত্তট্ঠানসুত্তৰণ্ণনা • 5. Sattaṭṭhānasuttavaṇṇanā
