| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
5. сад̇д̇адтаанасуд̇д̇аван̣н̣анаа
5. Sattaṭṭhānasuttavaṇṇanā
57. бан̃жамз сад̇д̇адтаанагусалод̇и сад̇д̇асу огаасзсу чзго. вусид̇аваад̇и вусид̇аваасо. уд̇д̇амабурисод̇и сздтабурисо. сзсамзд̇т̇а вуд̇д̇анаязнзва взд̣̇ид̇аб̣б̣ам̣. ид̣̇ам̣ бана суд̇д̇ам̣ уссад̣̇ананд̣̇ияан̃жзва балобханийяан̃жаад̇и взд̣̇ид̇аб̣б̣ам̣. яат̇аа хи рааж̇аа виж̇ид̇асан̇г̇аамо сан̇г̇аамз виж̇аяино яод̇хз ужжадтаанз табзд̇ваа д̇зсам̣ саггаарам̣ гарод̇и. гим̣ гааран̣аа? зд̇зсам̣ саггаарам̣ д̣̇исваа сзсааби суураа бхавид̇ум̣ ман̃н̃иссанд̇ийд̇и, звамзва бхаг̇аваа аббамзяяам̣ гаалам̣ баарамияо буурзд̇ваа махааб̣од̇химан̣д̣з гилзсамааравиж̇аяам̣ гад̇ваа саб̣б̣ан̃н̃уд̇ам̣ бад̇д̇о саавад̇т̇ияам̣ ж̇зд̇аванамахаавихаарз нисийд̣̇ид̇ваа имам̣ суд̇д̇ам̣ д̣̇зсзнд̇о кийн̣аасавз угкибид̇ваа т̇омзси ван̣н̣зси. гим̣ гааран̣аа? звам̣ авасзсаа сзгкабуг̇г̇алаа арахад̇д̇апалам̣ бад̇д̇аб̣б̣ам̣ ман̃н̃иссанд̇ийд̇и. звамзд̇ам̣ суд̇д̇ам̣ кийн̣аасаваанам̣ угкибид̇ваа басам̣сид̇ад̇д̇аа уссад̣̇ананд̣̇ияам̣, сзгкаанам̣ балобхид̇ад̇д̇аа балобханийяанд̇и взд̣̇ид̇аб̣б̣ам̣.
57. Pañcame sattaṭṭhānakusaloti sattasu okāsesu cheko. Vusitavāti vusitavāso. Uttamapurisoti seṭṭhapuriso. Sesamettha vuttanayeneva veditabbaṃ. Idaṃ pana suttaṃ ussadanandiyañceva palobhanīyañcāti veditabbaṃ. Yathā hi rājā vijitasaṅgāmo saṅgāme vijayino yodhe uccaṭṭhāne ṭhapetvā tesaṃ sakkāraṃ karoti. Kiṃ kāraṇā? Etesaṃ sakkāraṃ disvā sesāpi sūrā bhavituṃ maññissantīti, evameva bhagavā appameyyaṃ kālaṃ pāramiyo pūretvā mahābodhimaṇḍe kilesamāravijayaṃ katvā sabbaññutaṃ patto sāvatthiyaṃ jetavanamahāvihāre nisīditvā imaṃ suttaṃ desento khīṇāsave ukkhipitvā thomesi vaṇṇesi. Kiṃ kāraṇā? Evaṃ avasesā sekkhapuggalā arahattaphalaṃ pattabbaṃ maññissantīti. Evametaṃ suttaṃ khīṇāsavānaṃ ukkhipitvā pasaṃsitattā ussadanandiyaṃ, sekkhānaṃ palobhitattā palobhanīyanti veditabbaṃ.
звам̣ ко, бхигкавз, бхигку сад̇д̇адтаанагусало ход̇ийд̇и зд̇д̇аавад̇аа жзд̇т̇а маг̇г̇апалабажжавзгкан̣авасзна д̣̇зсанам̣ нидтабзд̇вааби буна гат̇ан̃жа, бхигкавз, бхигку д̇ивид̇хуубабаригкий ход̇ийд̇и ид̣̇ам̣ ‘‘кийн̣аасаво яасмим̣ аарамман̣з сад̇ад̇авихаарзна вихарад̇и, д̇ам̣ сад̇д̇о ваа буг̇г̇ало ваа на ход̇и, д̇хаад̇уаад̣̇имад̇д̇амзва бана ход̇ий’’д̇и звам̣ кийн̣аасавасса сад̇ад̇авихааран̃жа, ‘‘имзсу д̇хаммзсу гаммам̣ гад̇ваа аяам̣ ааг̇ад̇о’’д̇и ааг̇аманийяабадибад̣̇ан̃жа д̣̇ассзд̇ум̣ вуд̇д̇ам̣. д̇ад̇т̇а д̇хаад̇усо убабаригкад̇ийд̇и д̇хаад̇усабхаавзна бассад̇и ологзд̇и. сзсабад̣̇ад̣̇ваязби зсзва наяо. бан̃жамам̣.
Evaṃkho, bhikkhave, bhikkhu sattaṭṭhānakusalo hotīti ettāvatā cettha maggaphalapaccavekkhaṇavasena desanaṃ niṭṭhapetvāpi puna kathañca, bhikkhave, bhikkhu tividhūpaparikkhī hotīti idaṃ ‘‘khīṇāsavo yasmiṃ ārammaṇe satatavihārena viharati, taṃ satto vā puggalo vā na hoti, dhātuādimattameva pana hotī’’ti evaṃ khīṇāsavassa satatavihārañca, ‘‘imesu dhammesu kammaṃ katvā ayaṃ āgato’’ti āgamanīyapaṭipadañca dassetuṃ vuttaṃ. Tattha dhātuso upaparikkhatīti dhātusabhāvena passati oloketi. Sesapadadvayepi eseva nayo. Pañcamaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 5. сад̇д̇адтаанасуд̇д̇ам̣ • 5. Sattaṭṭhānasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 5. сад̇д̇адтаанасуд̇д̇аван̣н̣анаа • 5. Sattaṭṭhānasuttavaṇṇanā
