| Library / Tipiṭaka / तिपिटक • Tipiṭaka / संयुत्तनिकाय (टीका) • Saṃyuttanikāya (ṭīkā) |
५. सत्तट्ठानसुत्तवण्णना
5. Sattaṭṭhānasuttavaṇṇanā
५७. सत्तसु ओकासेसूति रूपपजाननादीसु सत्तसु ओकासेसु। वुसितवासोति वुसितअरियवासो। एत्थाति इमस्मिं उद्देसे। सेसं नाम इध वुत्तावसेसं। वुत्तनयेनाति हेट्ठा वुत्तनयेन वेदितब्बं। उस्सदनन्दियन्ति उस्सन्नगुणवतो तोसनं सम्मोदापनं। गुणकित्तनेन पलोभनीयं सेक्खकल्याणपुथुज्जनानं पसादुप्पादनेन। इदानि वुत्तमेव अत्थं पाकटं कातुं ‘‘यथा ही’’तिआदि वुत्तं।
57.Sattasuokāsesūti rūpapajānanādīsu sattasu okāsesu. Vusitavāsoti vusitaariyavāso. Etthāti imasmiṃ uddese. Sesaṃ nāma idha vuttāvasesaṃ. Vuttanayenāti heṭṭhā vuttanayena veditabbaṃ. Ussadanandiyanti ussannaguṇavato tosanaṃ sammodāpanaṃ. Guṇakittanena palobhanīyaṃ sekkhakalyāṇaputhujjanānaṃ pasāduppādanena. Idāni vuttameva atthaṃ pākaṭaṃ kātuṃ ‘‘yathā hī’’tiādi vuttaṃ.
एत्तावताति पञ्चन्नं खन्धानं वसेन सत्तसु ठानेसु कोसल्लदीपनेन एत्तकेन देसनाक्कमेन। तन्ति आरम्मणं। धातुआदिमत्तमेवाति धातायतनपटिच्चसमुप्पादमत्तमेव। इमेसु धम्मेसूति इमेसु जातादीसु। कम्मं कत्वाति सम्मसनकम्मं निट्ठपेत्वाति अत्थो। एवमेत्थ पञ्चन्नं खन्धानं वसेन सत्तट्ठानकोसल्लपवत्तिया पभेदेन विभजित्वा ‘‘तिविधूपपरिक्खी’’ति दस्सेति धम्मराजा।
Ettāvatāti pañcannaṃ khandhānaṃ vasena sattasu ṭhānesu kosalladīpanena ettakena desanākkamena. Tanti ārammaṇaṃ. Dhātuādimattamevāti dhātāyatanapaṭiccasamuppādamattameva. Imesu dhammesūti imesu jātādīsu. Kammaṃ katvāti sammasanakammaṃ niṭṭhapetvāti attho. Evamettha pañcannaṃ khandhānaṃ vasena sattaṭṭhānakosallapavattiyā pabhedena vibhajitvā ‘‘tividhūpaparikkhī’’ti dasseti dhammarājā.
सत्तट्ठानसुत्तवण्णना निट्ठिता।
Sattaṭṭhānasuttavaṇṇanā niṭṭhitā.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / संयुत्तनिकाय • Saṃyuttanikāya / ५. सत्तट्ठानसुत्तं • 5. Sattaṭṭhānasuttaṃ
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / संयुत्तनिकाय (अट्ठकथा) • Saṃyuttanikāya (aṭṭhakathā) / ५. सत्तट्ठानसुत्तवण्णना • 5. Sattaṭṭhānasuttavaṇṇanā
