| Library / Tipiṭaka / ติปิฎก • Tipiṭaka / สํยุตฺตนิกาย (ฎีกา) • Saṃyuttanikāya (ṭīkā) |
๕. สตฺตฎฺฐานสุตฺตวณฺณนา
5. Sattaṭṭhānasuttavaṇṇanā
๕๗. สตฺตสุ โอกาเสสูติ รูปปชานนาทีสุ สตฺตสุ โอกาเสสุฯ วุสิตวาโสติ วุสิตอริยวาโสฯ เอตฺถาติ อิมสฺมิํ อุเทฺทเสฯ เสสํ นาม อิธ วุตฺตาวเสสํฯ วุตฺตนเยนาติ เหฎฺฐา วุตฺตนเยน เวทิตพฺพํฯ อุสฺสทนนฺทิยนฺติ อุสฺสนฺนคุณวโต โตสนํ สโมฺมทาปนํฯ คุณกิตฺตเนน ปโลภนียํ เสกฺขกลฺยาณปุถุชฺชนานํ ปสาทุปฺปาทเนนฯ อิทานิ วุตฺตเมว อตฺถํ ปากฎํ กาตุํ ‘‘ยถา หี’’ติอาทิ วุตฺตํฯ
57.Sattasuokāsesūti rūpapajānanādīsu sattasu okāsesu. Vusitavāsoti vusitaariyavāso. Etthāti imasmiṃ uddese. Sesaṃ nāma idha vuttāvasesaṃ. Vuttanayenāti heṭṭhā vuttanayena veditabbaṃ. Ussadanandiyanti ussannaguṇavato tosanaṃ sammodāpanaṃ. Guṇakittanena palobhanīyaṃ sekkhakalyāṇaputhujjanānaṃ pasāduppādanena. Idāni vuttameva atthaṃ pākaṭaṃ kātuṃ ‘‘yathā hī’’tiādi vuttaṃ.
เอตฺตาวตาติ ปญฺจนฺนํ ขนฺธานํ วเสน สตฺตสุ ฐาเนสุ โกสลฺลทีปเนน เอตฺตเกน เทสนากฺกเมนฯ ตนฺติ อารมฺมณํฯ ธาตุอาทิมตฺตเมวาติ ธาตายตนปฎิจฺจสมุปฺปาทมตฺตเมวฯ อิเมสุ ธเมฺมสูติ อิเมสุ ชาตาทีสุฯ กมฺมํ กตฺวาติ สมฺมสนกมฺมํ นิฎฺฐเปตฺวาติ อโตฺถฯ เอวเมตฺถ ปญฺจนฺนํ ขนฺธานํ วเสน สตฺตฎฺฐานโกสลฺลปวตฺติยา ปเภเทน วิภชิตฺวา ‘‘ติวิธูปปริกฺขี’’ติ ทเสฺสติ ธมฺมราชาฯ
Ettāvatāti pañcannaṃ khandhānaṃ vasena sattasu ṭhānesu kosalladīpanena ettakena desanākkamena. Tanti ārammaṇaṃ. Dhātuādimattamevāti dhātāyatanapaṭiccasamuppādamattameva. Imesu dhammesūti imesu jātādīsu. Kammaṃ katvāti sammasanakammaṃ niṭṭhapetvāti attho. Evamettha pañcannaṃ khandhānaṃ vasena sattaṭṭhānakosallapavattiyā pabhedena vibhajitvā ‘‘tividhūpaparikkhī’’ti dasseti dhammarājā.
สตฺตฎฺฐานสุตฺตวณฺณนา นิฎฺฐิตาฯ
Sattaṭṭhānasuttavaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / สํยุตฺตนิกาย • Saṃyuttanikāya / ๕. สตฺตฎฺฐานสุตฺตํ • 5. Sattaṭṭhānasuttaṃ
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / สํยุตฺตนิกาย (อฎฺฐกถา) • Saṃyuttanikāya (aṭṭhakathā) / ๕. สตฺตฎฺฐานสุตฺตวณฺณนา • 5. Sattaṭṭhānasuttavaṇṇanā
