| Library / Tipiṭaka / ತಿಪಿಟಕ • Tipiṭaka / ಸಂಯುತ್ತನಿಕಾಯ (ಟೀಕಾ) • Saṃyuttanikāya (ṭīkā) |
೫. ಸತ್ತಟ್ಠಾನಸುತ್ತವಣ್ಣನಾ
5. Sattaṭṭhānasuttavaṇṇanā
೫೭. ಸತ್ತಸು ಓಕಾಸೇಸೂತಿ ರೂಪಪಜಾನನಾದೀಸು ಸತ್ತಸು ಓಕಾಸೇಸು। ವುಸಿತವಾಸೋತಿ ವುಸಿತಅರಿಯವಾಸೋ। ಏತ್ಥಾತಿ ಇಮಸ್ಮಿಂ ಉದ್ದೇಸೇ। ಸೇಸಂ ನಾಮ ಇಧ ವುತ್ತಾವಸೇಸಂ। ವುತ್ತನಯೇನಾತಿ ಹೇಟ್ಠಾ ವುತ್ತನಯೇನ ವೇದಿತಬ್ಬಂ। ಉಸ್ಸದನನ್ದಿಯನ್ತಿ ಉಸ್ಸನ್ನಗುಣವತೋ ತೋಸನಂ ಸಮ್ಮೋದಾಪನಂ। ಗುಣಕಿತ್ತನೇನ ಪಲೋಭನೀಯಂ ಸೇಕ್ಖಕಲ್ಯಾಣಪುಥುಜ್ಜನಾನಂ ಪಸಾದುಪ್ಪಾದನೇನ। ಇದಾನಿ ವುತ್ತಮೇವ ಅತ್ಥಂ ಪಾಕಟಂ ಕಾತುಂ ‘‘ಯಥಾ ಹೀ’’ತಿಆದಿ ವುತ್ತಂ।
57.Sattasuokāsesūti rūpapajānanādīsu sattasu okāsesu. Vusitavāsoti vusitaariyavāso. Etthāti imasmiṃ uddese. Sesaṃ nāma idha vuttāvasesaṃ. Vuttanayenāti heṭṭhā vuttanayena veditabbaṃ. Ussadanandiyanti ussannaguṇavato tosanaṃ sammodāpanaṃ. Guṇakittanena palobhanīyaṃ sekkhakalyāṇaputhujjanānaṃ pasāduppādanena. Idāni vuttameva atthaṃ pākaṭaṃ kātuṃ ‘‘yathā hī’’tiādi vuttaṃ.
ಏತ್ತಾವತಾತಿ ಪಞ್ಚನ್ನಂ ಖನ್ಧಾನಂ ವಸೇನ ಸತ್ತಸು ಠಾನೇಸು ಕೋಸಲ್ಲದೀಪನೇನ ಏತ್ತಕೇನ ದೇಸನಾಕ್ಕಮೇನ। ತನ್ತಿ ಆರಮ್ಮಣಂ। ಧಾತುಆದಿಮತ್ತಮೇವಾತಿ ಧಾತಾಯತನಪಟಿಚ್ಚಸಮುಪ್ಪಾದಮತ್ತಮೇವ। ಇಮೇಸು ಧಮ್ಮೇಸೂತಿ ಇಮೇಸು ಜಾತಾದೀಸು। ಕಮ್ಮಂ ಕತ್ವಾತಿ ಸಮ್ಮಸನಕಮ್ಮಂ ನಿಟ್ಠಪೇತ್ವಾತಿ ಅತ್ಥೋ। ಏವಮೇತ್ಥ ಪಞ್ಚನ್ನಂ ಖನ್ಧಾನಂ ವಸೇನ ಸತ್ತಟ್ಠಾನಕೋಸಲ್ಲಪವತ್ತಿಯಾ ಪಭೇದೇನ ವಿಭಜಿತ್ವಾ ‘‘ತಿವಿಧೂಪಪರಿಕ್ಖೀ’’ತಿ ದಸ್ಸೇತಿ ಧಮ್ಮರಾಜಾ।
Ettāvatāti pañcannaṃ khandhānaṃ vasena sattasu ṭhānesu kosalladīpanena ettakena desanākkamena. Tanti ārammaṇaṃ. Dhātuādimattamevāti dhātāyatanapaṭiccasamuppādamattameva. Imesu dhammesūti imesu jātādīsu. Kammaṃ katvāti sammasanakammaṃ niṭṭhapetvāti attho. Evamettha pañcannaṃ khandhānaṃ vasena sattaṭṭhānakosallapavattiyā pabhedena vibhajitvā ‘‘tividhūpaparikkhī’’ti dasseti dhammarājā.
ಸತ್ತಟ್ಠಾನಸುತ್ತವಣ್ಣನಾ ನಿಟ್ಠಿತಾ।
Sattaṭṭhānasuttavaṇṇanā niṭṭhitā.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಸಂಯುತ್ತನಿಕಾಯ • Saṃyuttanikāya / ೫. ಸತ್ತಟ್ಠಾನಸುತ್ತಂ • 5. Sattaṭṭhānasuttaṃ
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಸಂಯುತ್ತನಿಕಾಯ (ಅಟ್ಠಕಥಾ) • Saṃyuttanikāya (aṭṭhakathā) / ೫. ಸತ್ತಟ್ಠಾನಸುತ್ತವಣ್ಣನಾ • 5. Sattaṭṭhānasuttavaṇṇanā
