| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) |
༥. སཏྟཊྛཱནསུཏྟཝཎྞནཱ
5. Sattaṭṭhānasuttavaṇṇanā
༥༧. སཏྟསུ ཨོཀཱསེསཱུཏི རཱུཔཔཛཱནནཱདཱིསུ སཏྟསུ ཨོཀཱསེསུ། ཝུསིཏཝཱསོཏི ཝུསིཏཨརིཡཝཱསོ། ཨེཏྠཱཏི ཨིམསྨིཾ ཨུདྡེསེ། སེསཾ ནཱམ ཨིདྷ ཝུཏྟཱཝསེསཾ། ཝུཏྟནཡེནཱཏི ཧེཊྛཱ ཝུཏྟནཡེན ཝེདིཏབྦཾ། ཨུསྶདནནྡིཡནྟི ཨུསྶནྣགུཎཝཏོ ཏོསནཾ སམྨོདཱཔནཾ། གུཎཀིཏྟནེན པལོབྷནཱིཡཾ སེཀྑཀལྱཱཎཔུཐུཛྫནཱནཾ པསཱདུཔྤཱདནེན། ཨིདཱནི ཝུཏྟམེཝ ཨཏྠཾ པཱཀཊཾ ཀཱཏུཾ ‘‘ཡཐཱ ཧཱི’’ཏིཨཱདི ཝུཏྟཾ།
57.Sattasuokāsesūti rūpapajānanādīsu sattasu okāsesu. Vusitavāsoti vusitaariyavāso. Etthāti imasmiṃ uddese. Sesaṃ nāma idha vuttāvasesaṃ. Vuttanayenāti heṭṭhā vuttanayena veditabbaṃ. Ussadanandiyanti ussannaguṇavato tosanaṃ sammodāpanaṃ. Guṇakittanena palobhanīyaṃ sekkhakalyāṇaputhujjanānaṃ pasāduppādanena. Idāni vuttameva atthaṃ pākaṭaṃ kātuṃ ‘‘yathā hī’’tiādi vuttaṃ.
ཨེཏྟཱཝཏཱཏི པཉྩནྣཾ ཁནྡྷཱནཾ ཝསེན སཏྟསུ ཋཱནེསུ ཀོསལླདཱིཔནེན ཨེཏྟཀེན དེསནཱཀྐམེན། ཏནྟི ཨཱརམྨཎཾ། དྷཱཏུཨཱདིམཏྟམེཝཱཏི དྷཱཏཱཡཏནཔཊིཙྩསམུཔྤཱདམཏྟམེཝ། ཨིམེསུ དྷམྨེསཱུཏི ཨིམེསུ ཛཱཏཱདཱིསུ། ཀམྨཾ ཀཏྭཱཏི སམྨསནཀམྨཾ ནིཊྛཔེཏྭཱཏི ཨཏྠོ། ཨེཝམེཏྠ པཉྩནྣཾ ཁནྡྷཱནཾ ཝསེན སཏྟཊྛཱནཀོསལླཔཝཏྟིཡཱ པབྷེདེན ཝིབྷཛིཏྭཱ ‘‘ཏིཝིདྷཱུཔཔརིཀྑཱི’’ཏི དསྶེཏི དྷམྨརཱཛཱ།
Ettāvatāti pañcannaṃ khandhānaṃ vasena sattasu ṭhānesu kosalladīpanena ettakena desanākkamena. Tanti ārammaṇaṃ. Dhātuādimattamevāti dhātāyatanapaṭiccasamuppādamattameva. Imesu dhammesūti imesu jātādīsu. Kammaṃ katvāti sammasanakammaṃ niṭṭhapetvāti attho. Evamettha pañcannaṃ khandhānaṃ vasena sattaṭṭhānakosallapavattiyā pabhedena vibhajitvā ‘‘tividhūpaparikkhī’’ti dasseti dhammarājā.
སཏྟཊྛཱནསུཏྟཝཎྞནཱ ནིཊྛིཏཱ།
Sattaṭṭhānasuttavaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / སཾཡུཏྟནིཀཱཡ • Saṃyuttanikāya / ༥. སཏྟཊྛཱནསུཏྟཾ • 5. Sattaṭṭhānasuttaṃ
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) / ༥. སཏྟཊྛཱནསུཏྟཝཎྞནཱ • 5. Sattaṭṭhānasuttavaṇṇanā
