| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੫. ਸਤ੍ਤਟ੍ਠਾਨਸੁਤ੍ਤવਣ੍ਣਨਾ
5. Sattaṭṭhānasuttavaṇṇanā
੫੭. ਪਞ੍ਚਮੇ ਸਤ੍ਤਟ੍ਠਾਨਕੁਸਲੋਤਿ ਸਤ੍ਤਸੁ ਓਕਾਸੇਸੁ ਛੇਕੋ। વੁਸਿਤવਾਤਿ વੁਸਿਤવਾਸੋ। ਉਤ੍ਤਮਪੁਰਿਸੋਤਿ ਸੇਟ੍ਠਪੁਰਿਸੋ। ਸੇਸਮੇਤ੍ਥ વੁਤ੍ਤਨਯੇਨੇવ વੇਦਿਤਬ੍ਬਂ। ਇਦਂ ਪਨ ਸੁਤ੍ਤਂ ਉਸ੍ਸਦਨਨ੍ਦਿਯਞ੍ਚੇવ ਪਲੋਭਨੀਯਞ੍ਚਾਤਿ વੇਦਿਤਬ੍ਬਂ। ਯਥਾ ਹਿ ਰਾਜਾ વਿਜਿਤਸਙ੍ਗਾਮੋ ਸਙ੍ਗਾਮੇ વਿਜਯਿਨੋ ਯੋਧੇ ਉਚ੍ਚਟ੍ਠਾਨੇ ਠਪੇਤ੍વਾ ਤੇਸਂ ਸਕ੍ਕਾਰਂ ਕਰੋਤਿ। ਕਿਂ ਕਾਰਣਾ? ਏਤੇਸਂ ਸਕ੍ਕਾਰਂ ਦਿਸ੍વਾ ਸੇਸਾਪਿ ਸੂਰਾ ਭવਿਤੁਂ ਮਞ੍ਞਿਸ੍ਸਨ੍ਤੀਤਿ, ਏવਮੇવ ਭਗવਾ ਅਪ੍ਪਮੇਯ੍ਯਂ ਕਾਲਂ ਪਾਰਮਿਯੋ ਪੂਰੇਤ੍વਾ ਮਹਾਬੋਧਿਮਣ੍ਡੇ ਕਿਲੇਸਮਾਰવਿਜਯਂ ਕਤ੍વਾ ਸਬ੍ਬਞ੍ਞੁਤਂ ਪਤ੍ਤੋ ਸਾવਤ੍ਥਿਯਂ ਜੇਤવਨਮਹਾવਿਹਾਰੇ ਨਿਸੀਦਿਤ੍વਾ ਇਮਂ ਸੁਤ੍ਤਂ ਦੇਸੇਨ੍ਤੋ ਖੀਣਾਸવੇ ਉਕ੍ਖਿਪਿਤ੍વਾ ਥੋਮੇਸਿ વਣ੍ਣੇਸਿ। ਕਿਂ ਕਾਰਣਾ? ਏવਂ ਅવਸੇਸਾ ਸੇਕ੍ਖਪੁਗ੍ਗਲਾ ਅਰਹਤ੍ਤਫਲਂ ਪਤ੍ਤਬ੍ਬਂ ਮਞ੍ਞਿਸ੍ਸਨ੍ਤੀਤਿ। ਏવਮੇਤਂ ਸੁਤ੍ਤਂ ਖੀਣਾਸવਾਨਂ ਉਕ੍ਖਿਪਿਤ੍વਾ ਪਸਂਸਿਤਤ੍ਤਾ ਉਸ੍ਸਦਨਨ੍ਦਿਯਂ, ਸੇਕ੍ਖਾਨਂ ਪਲੋਭਿਤਤ੍ਤਾ ਪਲੋਭਨੀਯਨ੍ਤਿ વੇਦਿਤਬ੍ਬਂ।
57. Pañcame sattaṭṭhānakusaloti sattasu okāsesu cheko. Vusitavāti vusitavāso. Uttamapurisoti seṭṭhapuriso. Sesamettha vuttanayeneva veditabbaṃ. Idaṃ pana suttaṃ ussadanandiyañceva palobhanīyañcāti veditabbaṃ. Yathā hi rājā vijitasaṅgāmo saṅgāme vijayino yodhe uccaṭṭhāne ṭhapetvā tesaṃ sakkāraṃ karoti. Kiṃ kāraṇā? Etesaṃ sakkāraṃ disvā sesāpi sūrā bhavituṃ maññissantīti, evameva bhagavā appameyyaṃ kālaṃ pāramiyo pūretvā mahābodhimaṇḍe kilesamāravijayaṃ katvā sabbaññutaṃ patto sāvatthiyaṃ jetavanamahāvihāre nisīditvā imaṃ suttaṃ desento khīṇāsave ukkhipitvā thomesi vaṇṇesi. Kiṃ kāraṇā? Evaṃ avasesā sekkhapuggalā arahattaphalaṃ pattabbaṃ maññissantīti. Evametaṃ suttaṃ khīṇāsavānaṃ ukkhipitvā pasaṃsitattā ussadanandiyaṃ, sekkhānaṃ palobhitattā palobhanīyanti veditabbaṃ.
ਏવਂ ਖੋ, ਭਿਕ੍ਖવੇ, ਭਿਕ੍ਖੁ ਸਤ੍ਤਟ੍ਠਾਨਕੁਸਲੋ ਹੋਤੀਤਿ ਏਤ੍ਤਾવਤਾ ਚੇਤ੍ਥ ਮਗ੍ਗਫਲਪਚ੍ਚવੇਕ੍ਖਣવਸੇਨ ਦੇਸਨਂ ਨਿਟ੍ਠਪੇਤ੍વਾਪਿ ਪੁਨ ਕਥਞ੍ਚ, ਭਿਕ੍ਖવੇ, ਭਿਕ੍ਖੁ ਤਿવਿਧੂਪਪਰਿਕ੍ਖੀ ਹੋਤੀਤਿ ਇਦਂ ‘‘ਖੀਣਾਸવੋ ਯਸ੍ਮਿਂ ਆਰਮ੍ਮਣੇ ਸਤਤવਿਹਾਰੇਨ વਿਹਰਤਿ, ਤਂ ਸਤ੍ਤੋ વਾ ਪੁਗ੍ਗਲੋ વਾ ਨ ਹੋਤਿ, ਧਾਤੁਆਦਿਮਤ੍ਤਮੇવ ਪਨ ਹੋਤੀ’’ਤਿ ਏવਂ ਖੀਣਾਸવਸ੍ਸ ਸਤਤવਿਹਾਰਞ੍ਚ, ‘‘ਇਮੇਸੁ ਧਮ੍ਮੇਸੁ ਕਮ੍ਮਂ ਕਤ੍વਾ ਅਯਂ ਆਗਤੋ’’ਤਿ ਆਗਮਨੀਯਪਟਿਪਦਞ੍ਚ ਦਸ੍ਸੇਤੁਂ વੁਤ੍ਤਂ। ਤਤ੍ਥ ਧਾਤੁਸੋ ਉਪਪਰਿਕ੍ਖਤੀਤਿ ਧਾਤੁਸਭਾવੇਨ ਪਸ੍ਸਤਿ ਓਲੋਕੇਤਿ। ਸੇਸਪਦਦ੍વਯੇਪਿ ਏਸੇવ ਨਯੋ। ਪਞ੍ਚਮਂ।
Evaṃkho, bhikkhave, bhikkhu sattaṭṭhānakusalo hotīti ettāvatā cettha maggaphalapaccavekkhaṇavasena desanaṃ niṭṭhapetvāpi puna kathañca, bhikkhave, bhikkhu tividhūpaparikkhī hotīti idaṃ ‘‘khīṇāsavo yasmiṃ ārammaṇe satatavihārena viharati, taṃ satto vā puggalo vā na hoti, dhātuādimattameva pana hotī’’ti evaṃ khīṇāsavassa satatavihārañca, ‘‘imesu dhammesu kammaṃ katvā ayaṃ āgato’’ti āgamanīyapaṭipadañca dassetuṃ vuttaṃ. Tattha dhātuso upaparikkhatīti dhātusabhāvena passati oloketi. Sesapadadvayepi eseva nayo. Pañcamaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੫. ਸਤ੍ਤਟ੍ਠਾਨਸੁਤ੍ਤਂ • 5. Sattaṭṭhānasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੫. ਸਤ੍ਤਟ੍ਠਾਨਸੁਤ੍ਤવਣ੍ਣਨਾ • 5. Sattaṭṭhānasuttavaṇṇanā
