| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੫. ਸਤ੍ਤਟ੍ਠਾਨਸੁਤ੍ਤવਣ੍ਣਨਾ
5. Sattaṭṭhānasuttavaṇṇanā
੫੭. ਸਤ੍ਤਸੁ ਓਕਾਸੇਸੂਤਿ ਰੂਪਪਜਾਨਨਾਦੀਸੁ ਸਤ੍ਤਸੁ ਓਕਾਸੇਸੁ। વੁਸਿਤવਾਸੋਤਿ વੁਸਿਤਅਰਿਯવਾਸੋ। ਏਤ੍ਥਾਤਿ ਇਮਸ੍ਮਿਂ ਉਦ੍ਦੇਸੇ। ਸੇਸਂ ਨਾਮ ਇਧ વੁਤ੍ਤਾવਸੇਸਂ। વੁਤ੍ਤਨਯੇਨਾਤਿ ਹੇਟ੍ਠਾ વੁਤ੍ਤਨਯੇਨ વੇਦਿਤਬ੍ਬਂ। ਉਸ੍ਸਦਨਨ੍ਦਿਯਨ੍ਤਿ ਉਸ੍ਸਨ੍ਨਗੁਣવਤੋ ਤੋਸਨਂ ਸਮ੍ਮੋਦਾਪਨਂ। ਗੁਣਕਿਤ੍ਤਨੇਨ ਪਲੋਭਨੀਯਂ ਸੇਕ੍ਖਕਲ੍ਯਾਣਪੁਥੁਜ੍ਜਨਾਨਂ ਪਸਾਦੁਪ੍ਪਾਦਨੇਨ। ਇਦਾਨਿ વੁਤ੍ਤਮੇવ ਅਤ੍ਥਂ ਪਾਕਟਂ ਕਾਤੁਂ ‘‘ਯਥਾ ਹੀ’’ਤਿਆਦਿ વੁਤ੍ਤਂ।
57.Sattasuokāsesūti rūpapajānanādīsu sattasu okāsesu. Vusitavāsoti vusitaariyavāso. Etthāti imasmiṃ uddese. Sesaṃ nāma idha vuttāvasesaṃ. Vuttanayenāti heṭṭhā vuttanayena veditabbaṃ. Ussadanandiyanti ussannaguṇavato tosanaṃ sammodāpanaṃ. Guṇakittanena palobhanīyaṃ sekkhakalyāṇaputhujjanānaṃ pasāduppādanena. Idāni vuttameva atthaṃ pākaṭaṃ kātuṃ ‘‘yathā hī’’tiādi vuttaṃ.
ਏਤ੍ਤਾવਤਾਤਿ ਪਞ੍ਚਨ੍ਨਂ ਖਨ੍ਧਾਨਂ વਸੇਨ ਸਤ੍ਤਸੁ ਠਾਨੇਸੁ ਕੋਸਲ੍ਲਦੀਪਨੇਨ ਏਤ੍ਤਕੇਨ ਦੇਸਨਾਕ੍ਕਮੇਨ। ਤਨ੍ਤਿ ਆਰਮ੍ਮਣਂ। ਧਾਤੁਆਦਿਮਤ੍ਤਮੇવਾਤਿ ਧਾਤਾਯਤਨਪਟਿਚ੍ਚਸਮੁਪ੍ਪਾਦਮਤ੍ਤਮੇવ। ਇਮੇਸੁ ਧਮ੍ਮੇਸੂਤਿ ਇਮੇਸੁ ਜਾਤਾਦੀਸੁ। ਕਮ੍ਮਂ ਕਤ੍વਾਤਿ ਸਮ੍ਮਸਨਕਮ੍ਮਂ ਨਿਟ੍ਠਪੇਤ੍વਾਤਿ ਅਤ੍ਥੋ। ਏવਮੇਤ੍ਥ ਪਞ੍ਚਨ੍ਨਂ ਖਨ੍ਧਾਨਂ વਸੇਨ ਸਤ੍ਤਟ੍ਠਾਨਕੋਸਲ੍ਲਪવਤ੍ਤਿਯਾ ਪਭੇਦੇਨ વਿਭਜਿਤ੍વਾ ‘‘ਤਿવਿਧੂਪਪਰਿਕ੍ਖੀ’’ਤਿ ਦਸ੍ਸੇਤਿ ਧਮ੍ਮਰਾਜਾ।
Ettāvatāti pañcannaṃ khandhānaṃ vasena sattasu ṭhānesu kosalladīpanena ettakena desanākkamena. Tanti ārammaṇaṃ. Dhātuādimattamevāti dhātāyatanapaṭiccasamuppādamattameva. Imesu dhammesūti imesu jātādīsu. Kammaṃ katvāti sammasanakammaṃ niṭṭhapetvāti attho. Evamettha pañcannaṃ khandhānaṃ vasena sattaṭṭhānakosallapavattiyā pabhedena vibhajitvā ‘‘tividhūpaparikkhī’’ti dasseti dhammarājā.
ਸਤ੍ਤਟ੍ਠਾਨਸੁਤ੍ਤવਣ੍ਣਨਾ ਨਿਟ੍ਠਿਤਾ।
Sattaṭṭhānasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੫. ਸਤ੍ਤਟ੍ਠਾਨਸੁਤ੍ਤਂ • 5. Sattaṭṭhānasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੫. ਸਤ੍ਤਟ੍ਠਾਨਸੁਤ੍ਤવਣ੍ਣਨਾ • 5. Sattaṭṭhānasuttavaṇṇanā
