| Library / Tipiṭaka / तिपिटक • Tipiṭaka / अङ्गुत्तरनिकाय (टीका) • Aṅguttaranikāya (ṭīkā) |
४-५. सत्तावाससुत्तादिवण्णना
4-5. Sattāvāsasuttādivaṇṇanā
२४-२५. चतुत्थे सत्ता आवसन्ति एतेसूति सत्तावासा, नानत्तसञ्ञिआदिभेदा सत्तनिकाया। यस्मा ते ते सत्तनिवासा तप्परियापन्नानं सत्तानं ताय एव तप्परियापन्नताय आधारो विय वत्तब्बतं अरहन्ति। समुदायाचारो हि अवयवस्स यथा ‘‘रुक्खे साखा’’ति, तस्मा ‘‘सत्तानं आवासा, वसनट्ठानानीति अत्थो’’ति वुत्तं। सुद्धावासापि सत्तावासोव ‘‘न सो, भिक्खवे, सत्तावासो सुलभरूपो, यो मया अनावुत्थपुब्बो इमिना दीघेन अद्धुना अञ्ञत्र सुद्धावासेहि देवेही’’ति (दी॰ नि॰ २.९१) वचनतो। यदि एवं ते कस्मा इध न गहिताति तत्थ कारणमाह ‘‘असब्बकालिकत्ता’’तिआदि। वेहप्फला पन चतुत्थेयेव सत्तावासे भजन्तीति दट्ठब्बं। पञ्चमं उत्तानमेव।
24-25. Catutthe sattā āvasanti etesūti sattāvāsā, nānattasaññiādibhedā sattanikāyā. Yasmā te te sattanivāsā tappariyāpannānaṃ sattānaṃ tāya eva tappariyāpannatāya ādhāro viya vattabbataṃ arahanti. Samudāyācāro hi avayavassa yathā ‘‘rukkhe sākhā’’ti, tasmā ‘‘sattānaṃ āvāsā, vasanaṭṭhānānīti attho’’ti vuttaṃ. Suddhāvāsāpi sattāvāsova ‘‘na so, bhikkhave, sattāvāso sulabharūpo, yo mayā anāvutthapubbo iminā dīghena addhunā aññatra suddhāvāsehi devehī’’ti (dī. ni. 2.91) vacanato. Yadi evaṃ te kasmā idha na gahitāti tattha kāraṇamāha ‘‘asabbakālikattā’’tiādi. Vehapphalā pana catuttheyeva sattāvāse bhajantīti daṭṭhabbaṃ. Pañcamaṃ uttānameva.
सत्तावाससुत्तादिवण्णना निट्ठिता।
Sattāvāsasuttādivaṇṇanā niṭṭhitā.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / अङ्गुत्तरनिकाय • Aṅguttaranikāya
४. सत्तावाससुत्तं • 4. Sattāvāsasuttaṃ
५. पञ्ञासुत्तं • 5. Paññāsuttaṃ
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / अङ्गुत्तरनिकाय (अट्ठकथा) • Aṅguttaranikāya (aṭṭhakathā)
४. सत्तावाससुत्तवण्णना • 4. Sattāvāsasuttavaṇṇanā
५. पञ्ञासुत्तवण्णना • 5. Paññāsuttavaṇṇanā
