| Library / Tipiṭaka / ತಿಪಿಟಕ • Tipiṭaka / ಅಙ್ಗುತ್ತರನಿಕಾಯ (ಟೀಕಾ) • Aṅguttaranikāya (ṭīkā) |
೪-೫. ಸತ್ತಾವಾಸಸುತ್ತಾದಿವಣ್ಣನಾ
4-5. Sattāvāsasuttādivaṇṇanā
೨೪-೨೫. ಚತುತ್ಥೇ ಸತ್ತಾ ಆವಸನ್ತಿ ಏತೇಸೂತಿ ಸತ್ತಾವಾಸಾ, ನಾನತ್ತಸಞ್ಞಿಆದಿಭೇದಾ ಸತ್ತನಿಕಾಯಾ। ಯಸ್ಮಾ ತೇ ತೇ ಸತ್ತನಿವಾಸಾ ತಪ್ಪರಿಯಾಪನ್ನಾನಂ ಸತ್ತಾನಂ ತಾಯ ಏವ ತಪ್ಪರಿಯಾಪನ್ನತಾಯ ಆಧಾರೋ ವಿಯ ವತ್ತಬ್ಬತಂ ಅರಹನ್ತಿ। ಸಮುದಾಯಾಚಾರೋ ಹಿ ಅವಯವಸ್ಸ ಯಥಾ ‘‘ರುಕ್ಖೇ ಸಾಖಾ’’ತಿ, ತಸ್ಮಾ ‘‘ಸತ್ತಾನಂ ಆವಾಸಾ, ವಸನಟ್ಠಾನಾನೀತಿ ಅತ್ಥೋ’’ತಿ ವುತ್ತಂ। ಸುದ್ಧಾವಾಸಾಪಿ ಸತ್ತಾವಾಸೋವ ‘‘ನ ಸೋ, ಭಿಕ್ಖವೇ, ಸತ್ತಾವಾಸೋ ಸುಲಭರೂಪೋ, ಯೋ ಮಯಾ ಅನಾವುತ್ಥಪುಬ್ಬೋ ಇಮಿನಾ ದೀಘೇನ ಅದ್ಧುನಾ ಅಞ್ಞತ್ರ ಸುದ್ಧಾವಾಸೇಹಿ ದೇವೇಹೀ’’ತಿ (ದೀ॰ ನಿ॰ ೨.೯೧) ವಚನತೋ। ಯದಿ ಏವಂ ತೇ ಕಸ್ಮಾ ಇಧ ನ ಗಹಿತಾತಿ ತತ್ಥ ಕಾರಣಮಾಹ ‘‘ಅಸಬ್ಬಕಾಲಿಕತ್ತಾ’’ತಿಆದಿ। ವೇಹಪ್ಫಲಾ ಪನ ಚತುತ್ಥೇಯೇವ ಸತ್ತಾವಾಸೇ ಭಜನ್ತೀತಿ ದಟ್ಠಬ್ಬಂ। ಪಞ್ಚಮಂ ಉತ್ತಾನಮೇವ।
24-25. Catutthe sattā āvasanti etesūti sattāvāsā, nānattasaññiādibhedā sattanikāyā. Yasmā te te sattanivāsā tappariyāpannānaṃ sattānaṃ tāya eva tappariyāpannatāya ādhāro viya vattabbataṃ arahanti. Samudāyācāro hi avayavassa yathā ‘‘rukkhe sākhā’’ti, tasmā ‘‘sattānaṃ āvāsā, vasanaṭṭhānānīti attho’’ti vuttaṃ. Suddhāvāsāpi sattāvāsova ‘‘na so, bhikkhave, sattāvāso sulabharūpo, yo mayā anāvutthapubbo iminā dīghena addhunā aññatra suddhāvāsehi devehī’’ti (dī. ni. 2.91) vacanato. Yadi evaṃ te kasmā idha na gahitāti tattha kāraṇamāha ‘‘asabbakālikattā’’tiādi. Vehapphalā pana catuttheyeva sattāvāse bhajantīti daṭṭhabbaṃ. Pañcamaṃ uttānameva.
ಸತ್ತಾವಾಸಸುತ್ತಾದಿವಣ್ಣನಾ ನಿಟ್ಠಿತಾ।
Sattāvāsasuttādivaṇṇanā niṭṭhitā.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಅಙ್ಗುತ್ತರನಿಕಾಯ • Aṅguttaranikāya
೪. ಸತ್ತಾವಾಸಸುತ್ತಂ • 4. Sattāvāsasuttaṃ
೫. ಪಞ್ಞಾಸುತ್ತಂ • 5. Paññāsuttaṃ
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಅಙ್ಗುತ್ತರನಿಕಾಯ (ಅಟ್ಠಕಥಾ) • Aṅguttaranikāya (aṭṭhakathā)
೪. ಸತ್ತಾವಾಸಸುತ್ತವಣ್ಣನಾ • 4. Sattāvāsasuttavaṇṇanā
೫. ಪಞ್ಞಾಸುತ್ತವಣ್ಣನಾ • 5. Paññāsuttavaṇṇanā
