| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය (ටීකා) • Aṅguttaranikāya (ṭīkā) |
4-5. සත්‌තාවාසසුත්‌තාදිවණ්‌ණනා
4-5. Sattāvāsasuttādivaṇṇanā
24-25. චතුත්‌ථෙ සත්‌තා ආවසන්‌ති එතෙසූති සත්‌තාවාසා, නානත්‌තසඤ්‌ඤිආදිභෙදා සත්‌තනිකායා. යස්‌මා තෙ තෙ සත්‌තනිවාසා තප්‌පරියාපන්‌නානං සත්‌තානං තාය එව තප්‌පරියාපන්‌නතාය ආධාරො විය වත්‌තබ්‌බතං අරහන්‌ති. සමුදායාචාරො හි අවයවස්‌ස යථා ‘‘රුක්‌ඛෙ සාඛා’’ති, තස්‌මා ‘‘සත්‌තානං ආවාසා, වසනට්‌ඨානානීති අත්‌ථො’’ති වුත්‌තං. සුද්‌ධාවාසාපි සත්‌තාවාසොව ‘‘න සො, භික්‌ඛවෙ, සත්‌තාවාසො සුලභරූපො, යො මයා අනාවුත්‌ථපුබ්‌බො ඉමිනා දීඝෙන අද්‌ධුනා අඤ්‌ඤත්‍ර සුද්‌ධාවාසෙහි දෙවෙහී’’ති (දී. නි. 2.91) වචනතො. යදි එවං තෙ කස්‌මා ඉධ න ගහිතාති තත්‌ථ කාරණමාහ ‘‘අසබ්‌බකාලිකත්‌තා’’තිආදි. වෙහප්‌ඵලා පන චතුත්‌ථෙයෙව සත්‌තාවාසෙ භජන්‌තීති දට්‌ඨබ්‌බං. පඤ්‌චමං උත්‌තානමෙව.
24-25. Catutthe sattā āvasanti etesūti sattāvāsā, nānattasaññiādibhedā sattanikāyā. Yasmā te te sattanivāsā tappariyāpannānaṃ sattānaṃ tāya eva tappariyāpannatāya ādhāro viya vattabbataṃ arahanti. Samudāyācāro hi avayavassa yathā ‘‘rukkhe sākhā’’ti, tasmā ‘‘sattānaṃ āvāsā, vasanaṭṭhānānīti attho’’ti vuttaṃ. Suddhāvāsāpi sattāvāsova ‘‘na so, bhikkhave, sattāvāso sulabharūpo, yo mayā anāvutthapubbo iminā dīghena addhunā aññatra suddhāvāsehi devehī’’ti (dī. ni. 2.91) vacanato. Yadi evaṃ te kasmā idha na gahitāti tattha kāraṇamāha ‘‘asabbakālikattā’’tiādi. Vehapphalā pana catuttheyeva sattāvāse bhajantīti daṭṭhabbaṃ. Pañcamaṃ uttānameva.
සත්‌තාවාසසුත්‌තාදිවණ්‌ණනා නිට්‌ඨිතා.
Sattāvāsasuttādivaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / අඞ්‌ගුත්‌තරනිකාය • Aṅguttaranikāya
4. සත්‌තාවාසසුත්‌තං • 4. Sattāvāsasuttaṃ
5. පඤ්‌ඤාසුත්‌තං • 5. Paññāsuttaṃ
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā)
4. සත්‌තාවාසසුත්‌තවණ්‌ණනා • 4. Sattāvāsasuttavaṇṇanā
5. පඤ්‌ඤාසුත්‌තවණ්‌ණනා • 5. Paññāsuttavaṇṇanā
