| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
4. сад̇д̇авассаануб̣анд̇хасуд̇д̇аван̣н̣анаа
4. Sattavassānubandhasuttavaṇṇanā
160. жад̇уд̇т̇з сад̇д̇а вассаанийд̇и бурз б̣од̇хияаа чаб̣б̣ассаани, б̣од̇хид̇о бажчаа згам̣ вассам̣. од̇аараабзгкод̇и ‘‘сажз саман̣асса г̇од̇амасса гааяад̣̇ваараад̣̇ийсу гин̃жид̣̇зва ананужчавигам̣ бассаами, жод̣̇зссаами на’’нд̇и звам̣ виварам̣ абзгкамаано. алабхамаанод̇и рат̇арзн̣умад̇д̇амби авагкалид̇ам̣ абассанд̇о. д̇знааха –
160. Catutthe satta vassānīti pure bodhiyā chabbassāni, bodhito pacchā ekaṃ vassaṃ. Otārāpekkhoti ‘‘sace samaṇassa gotamassa kāyadvārādīsu kiñcideva ananucchavikaṃ passāmi, codessāmi na’’nti evaṃ vivaraṃ apekkhamāno. Alabhamānoti rathareṇumattampi avakkhalitaṃ apassanto. Tenāha –
‘‘сад̇д̇а вассаани бхаг̇аванд̇ам̣, ануб̣анд̇хим̣ бад̣̇аабад̣̇ам̣;
‘‘Satta vassāni bhagavantaṃ, anubandhiṃ padāpadaṃ;
од̇аарам̣ наад̇хиг̇ажчиссам̣, самб̣уд̣̇д̇хасса сад̇иймад̇о’’д̇и. (су. ни. 448);
Otāraṃ nādhigacchissaṃ, sambuddhassa satīmato’’ti. (su. ni. 448);
убасан̇гамийд̇и ‘‘аж̇ж̇а саман̣ам̣ г̇од̇амам̣ ад̇иг̇ахзд̇ваа г̇амиссаамий’’д̇и убасан̇гами.
Upasaṅkamīti ‘‘ajja samaṇaṃ gotamaṃ atigahetvā gamissāmī’’ti upasaṅkami.
жхааяасийд̇и жхааяанд̇о аваж̇жхааяанд̇о нисинносийд̇и вад̣̇ад̇и. вид̇д̇ам̣ ну ж̇ийнод̇и сад̇ам̣ ваа сахассам̣ ваа ж̇ид̇оси ну. ааг̇ум̣ ну г̇аамасминд̇и, гим̣ ну анд̇ог̇аамз бамаан̣аад̇игганд̇ам̣ баабагаммам̣ агааси, язна ан̃н̃зсам̣ мукам̣ ологзд̇ум̣ ависаханд̇о аран̃н̃з вижараси? сагкинд̇и мид̇д̇абхаавам̣.
Jhāyasīti jhāyanto avajjhāyanto nisinnosīti vadati. Vittaṃ nu jīnoti sataṃ vā sahassaṃ vā jitosi nu. Āguṃ nu gāmasminti, kiṃ nu antogāme pamāṇātikkantaṃ pāpakammaṃ akāsi, yena aññesaṃ mukhaṃ oloketuṃ avisahanto araññe vicarasi? Sakkhinti mittabhāvaṃ.
баликааяаад̇и кан̣ид̇ваа. бхавалобхаж̇аббанд̇и бхавалобхасан̇каад̇ам̣ д̇ан̣хам̣. анаасаво жхааяаамийд̇и нид̇д̇ан̣хо худ̇ваа д̣̇вийхи жхаанзхи жхааяаами. бамад̇д̇аб̣анд̇хууд̇и маарам̣ аалабад̇и. со хи язгзжи логз бамад̇д̇аа, д̇зсам̣ б̣анд̇ху.
Palikhāyāti khaṇitvā. Bhavalobhajappanti bhavalobhasaṅkhātaṃ taṇhaṃ. Anāsavo jhāyāmīti nittaṇho hutvā dvīhi jhānehi jhāyāmi. Pamattabandhūti māraṃ ālapati. So hi yekeci loke pamattā, tesaṃ bandhu.
сажз маг̇г̇ам̣ ануб̣уд̣̇д̇ханд̇и яад̣̇и д̇аяаа маг̇г̇о ануб̣уд̣̇д̇хо. абзхийд̇и абаяаахи. амажжуд̇хзяяанд̇и мажжуно аногаасабхууд̇ам̣ ниб̣б̣аанам̣. баараг̇ааминод̇и язби баарам̣ г̇ад̇аа, д̇зби баараг̇аамино. язби баарам̣ г̇ажчиссанд̇и, язби баарам̣ г̇анд̇угаамаа, д̇зби баараг̇аамино.
Sace maggaṃ anubuddhanti yadi tayā maggo anubuddho. Apehīti apayāhi. Amaccudheyyanti maccuno anokāsabhūtaṃ nibbānaṃ. Pāragāminoti yepi pāraṃ gatā, tepi pāragāmino. Yepi pāraṃ gacchissanti, yepi pāraṃ gantukāmā, tepi pāragāmino.
висуугааяигаанийд̇и маарависуугаани. висзвид̇аанийд̇и вируд̣̇д̇хасзвид̇аани, ‘‘аббамааяу мануссаанам̣, ажжаяанд̇и ахорад̇д̇аа’’д̇и вуд̇д̇з. ‘‘д̣̇ийгхамааяу мануссаанам̣, наажжаяанд̇и ахорад̇д̇аа’’д̇иаад̣̇ийни бадиломагааран̣аани. вибпанд̣̇ид̇аанийд̇и, д̇амхи д̇амхи гаалз хад̇т̇ирааж̇аван̣н̣асаббаван̣н̣аад̣̇ид̣̇ассанаани. ниб̣б̣зж̇анийяаад̇и угган̣танийяаа.
Visūkāyikānīti māravisūkāni. Visevitānīti viruddhasevitāni, ‘‘appamāyu manussānaṃ, accayanti ahorattā’’ti vutte. ‘‘Dīghamāyu manussānaṃ, nāccayanti ahorattā’’tiādīni paṭilomakāraṇāni. Vipphanditānīti, tamhi tamhi kāle hatthirājavaṇṇasappavaṇṇādidassanāni. Nibbejanīyāti ukkaṇṭhanīyā.
анубарияаг̇аад̇иаад̣̇ийсу гин̃жааби ад̇ийд̇аважанам̣ гад̇ам̣, ад̇т̇о бана вигаббавасзна взд̣̇ид̇аб̣б̣о. ид̣̇ам̣ вуд̇д̇ам̣ ход̇и – яат̇аа мзд̣̇аван̣н̣ам̣ баасаан̣ам̣ вааяасо д̣̇исваа – ‘‘аби наамзд̇т̇а муд̣̇ум̣ винд̣̇зяяаама, аби ассаад̣̇о сияаа’’д̇и анубариг̇ажчзяяа, ат̇а со д̇ад̇т̇а ассаад̣̇ам̣ алабхид̇ваава вааяасо зд̇д̇о абаггамзяяа, д̇ад̇о баасаан̣аа абаг̇ажчзяяа, звам̣ маяамби со гааго вияа сзлам̣ г̇од̇амам̣ аасаж̇ж̇а ассаад̣̇ам̣ ваа сант̇авам̣ ваа алабханд̇аа г̇од̇амаа ниб̣б̣инд̣̇ид̇ваа абаг̇ажчаама. жад̇уд̇т̇ам̣.
Anupariyagātiādīsu kiñcāpi atītavacanaṃ kataṃ, attho pana vikappavasena veditabbo. Idaṃ vuttaṃ hoti – yathā medavaṇṇaṃ pāsāṇaṃ vāyaso disvā – ‘‘api nāmettha muduṃ vindeyyāma, api assādo siyā’’ti anuparigaccheyya, atha so tattha assādaṃ alabhitvāva vāyaso etto apakkameyya, tato pāsāṇā apagaccheyya, evaṃ mayampi so kāko viya selaṃ gotamaṃ āsajja assādaṃ vā santhavaṃ vā alabhantā gotamā nibbinditvā apagacchāma. Catutthaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 4. сад̇д̇авассаануб̣анд̇хасуд̇д̇ам̣ • 4. Sattavassānubandhasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 4. сад̇д̇авассаануб̣анд̇хасуд̇д̇аван̣н̣анаа • 4. Sattavassānubandhasuttavaṇṇanā
