| Library / Tipiṭaka / ติปิฎก • Tipiṭaka / สํยุตฺตนิกาย (ฎีกา) • Saṃyuttanikāya (ṭīkā) |
๔. สตฺตวสฺสานุพนฺธสุตฺตวณฺณนา
4. Sattavassānubandhasuttavaṇṇanā
๑๖๐. ยสฺมา กปิลวตฺถุโต นิกฺขนฺตกาลโต ปฎฺฐาย มาโร โอตาราเปโกฺข โลกนาถํ อนุพนฺธิตุํ อารโทฺธ, ตสฺมา วุตฺตํ ‘‘ปุเร โพธิยา ฉพฺพสฺสานี’’ติฯ อติคเหตฺวาติ อนุคนฺตฺวา ตสฺส ยถารุจิ ปฎิปตฺติํ อนุวโตฺต วิย หุตฺวาฯ
160. Yasmā kapilavatthuto nikkhantakālato paṭṭhāya māro otārāpekkho lokanāthaṃ anubandhituṃ āraddho, tasmā vuttaṃ ‘‘pure bodhiyā chabbassānī’’ti. Atigahetvāti anugantvā tassa yathāruci paṭipattiṃ anuvatto viya hutvā.
อวชฺฌายโนฺตติ ปชฺฌายโนฺตฯ ชิโต วิตฺตปราชิโต อสิ นุฯ ปมาณาติกฺกนฺตนฺติ ครุตรํฯ
Avajjhāyantoti pajjhāyanto. Jito vittaparājito asi nu. Pamāṇātikkantanti garutaraṃ.
ขนิตฺวา อุมฺมูเลตฺวาฯ กามาสวาทีนิ ปชหโนฺต อนาสโวฯ
Khanitvā ummūletvā. Kāmāsavādīni pajahanto anāsavo.
เปหีติ อเปหิฯ ปารคามิโนติ ปารงฺคมนสีลาฯ เตกาลิโก อยํ คามิ-สโทฺทติ อาห ‘‘เยปี’’ติอาทิฯ
Pehīti apehi. Pāragāminoti pāraṅgamanasīlā. Tekāliko ayaṃ gāmi-saddoti āha ‘‘yepī’’tiādi.
มารวิสูกานีติ มารกณฺฎกานิ กณฺฎกสทิสานิ มารสฺส ทุราจารานิฯ วิรุทฺธเสวิตานิ วิโรธวเสน ตาสํเยว เววจนานิฯ ตานิ สรูปโต ทเสฺสตุํ ‘‘อปฺปมายู’’ติอาทิ วุตฺตํฯ นิเพฺพชนียาติ นิเพฺพททายิกาฯ อุกฺกณฺฐนียาติ อุกฺกณฺฐวหาฯ
Māravisūkānīti mārakaṇṭakāni kaṇṭakasadisāni mārassa durācārāni. Viruddhasevitāni virodhavasena tāsaṃyeva vevacanāni. Tāni sarūpato dassetuṃ ‘‘appamāyū’’tiādi vuttaṃ. Nibbejanīyāti nibbedadāyikā. Ukkaṇṭhanīyāti ukkaṇṭhavahā.
วิกปฺปวเสน เวทิตโพฺพ โอปมฺมปริกปฺปวิสยตฺตา ตสฺส กิริยาปทสฺสฯ เตนาห ‘‘อนุปริคเจฺฉยฺยา’’ติฯ เอตฺถาติ เอตสฺมิํ เมทวณฺณวตฺถุสฺมิํฯ มุทุนฺติ มุทุมธุรสํ วิเนฺทยฺยาม ปฎิลเภยฺยามฯ อสฺสาโทติ อสฺสาเทตโพฺพฯ
Vikappavasenaveditabbo opammaparikappavisayattā tassa kiriyāpadassa. Tenāha ‘‘anuparigaccheyyā’’ti. Etthāti etasmiṃ medavaṇṇavatthusmiṃ. Mudunti mudumadhurasaṃ vindeyyāma paṭilabheyyāma. Assādoti assādetabbo.
สตฺตวสฺสานุพนฺธสุตฺตวณฺณนา นิฎฺฐิตาฯ
Sattavassānubandhasuttavaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / สํยุตฺตนิกาย • Saṃyuttanikāya / ๔. สตฺตวสฺสานุพนฺธสุตฺตํ • 4. Sattavassānubandhasuttaṃ
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / สํยุตฺตนิกาย (อฎฺฐกถา) • Saṃyuttanikāya (aṭṭhakathā) / ๔. สตฺตวสฺสานุพนฺธสุตฺตวณฺณนา • 4. Sattavassānubandhasuttavaṇṇanā
