| Library / Tipiṭaka / ತಿಪಿಟಕ • Tipiṭaka / ಸಂಯುತ್ತನಿಕಾಯ (ಟೀಕಾ) • Saṃyuttanikāya (ṭīkā) |
೪. ಸತ್ತವಸ್ಸಾನುಬನ್ಧಸುತ್ತವಣ್ಣನಾ
4. Sattavassānubandhasuttavaṇṇanā
೧೬೦. ಯಸ್ಮಾ ಕಪಿಲವತ್ಥುತೋ ನಿಕ್ಖನ್ತಕಾಲತೋ ಪಟ್ಠಾಯ ಮಾರೋ ಓತಾರಾಪೇಕ್ಖೋ ಲೋಕನಾಥಂ ಅನುಬನ್ಧಿತುಂ ಆರದ್ಧೋ, ತಸ್ಮಾ ವುತ್ತಂ ‘‘ಪುರೇ ಬೋಧಿಯಾ ಛಬ್ಬಸ್ಸಾನೀ’’ತಿ। ಅತಿಗಹೇತ್ವಾತಿ ಅನುಗನ್ತ್ವಾ ತಸ್ಸ ಯಥಾರುಚಿ ಪಟಿಪತ್ತಿಂ ಅನುವತ್ತೋ ವಿಯ ಹುತ್ವಾ।
160. Yasmā kapilavatthuto nikkhantakālato paṭṭhāya māro otārāpekkho lokanāthaṃ anubandhituṃ āraddho, tasmā vuttaṃ ‘‘pure bodhiyā chabbassānī’’ti. Atigahetvāti anugantvā tassa yathāruci paṭipattiṃ anuvatto viya hutvā.
ಅವಜ್ಝಾಯನ್ತೋತಿ ಪಜ್ಝಾಯನ್ತೋ। ಜಿತೋ ವಿತ್ತಪರಾಜಿತೋ ಅಸಿ ನು। ಪಮಾಣಾತಿಕ್ಕನ್ತನ್ತಿ ಗರುತರಂ।
Avajjhāyantoti pajjhāyanto. Jito vittaparājito asi nu. Pamāṇātikkantanti garutaraṃ.
ಖನಿತ್ವಾ ಉಮ್ಮೂಲೇತ್ವಾ। ಕಾಮಾಸವಾದೀನಿ ಪಜಹನ್ತೋ ಅನಾಸವೋ।
Khanitvā ummūletvā. Kāmāsavādīni pajahanto anāsavo.
ಪೇಹೀತಿ ಅಪೇಹಿ। ಪಾರಗಾಮಿನೋತಿ ಪಾರಙ್ಗಮನಸೀಲಾ। ತೇಕಾಲಿಕೋ ಅಯಂ ಗಾಮಿ-ಸದ್ದೋತಿ ಆಹ ‘‘ಯೇಪೀ’’ತಿಆದಿ।
Pehīti apehi. Pāragāminoti pāraṅgamanasīlā. Tekāliko ayaṃ gāmi-saddoti āha ‘‘yepī’’tiādi.
ಮಾರವಿಸೂಕಾನೀತಿ ಮಾರಕಣ್ಟಕಾನಿ ಕಣ್ಟಕಸದಿಸಾನಿ ಮಾರಸ್ಸ ದುರಾಚಾರಾನಿ। ವಿರುದ್ಧಸೇವಿತಾನಿ ವಿರೋಧವಸೇನ ತಾಸಂಯೇವ ವೇವಚನಾನಿ। ತಾನಿ ಸರೂಪತೋ ದಸ್ಸೇತುಂ ‘‘ಅಪ್ಪಮಾಯೂ’’ತಿಆದಿ ವುತ್ತಂ। ನಿಬ್ಬೇಜನೀಯಾತಿ ನಿಬ್ಬೇದದಾಯಿಕಾ। ಉಕ್ಕಣ್ಠನೀಯಾತಿ ಉಕ್ಕಣ್ಠವಹಾ।
Māravisūkānīti mārakaṇṭakāni kaṇṭakasadisāni mārassa durācārāni. Viruddhasevitāni virodhavasena tāsaṃyeva vevacanāni. Tāni sarūpato dassetuṃ ‘‘appamāyū’’tiādi vuttaṃ. Nibbejanīyāti nibbedadāyikā. Ukkaṇṭhanīyāti ukkaṇṭhavahā.
ವಿಕಪ್ಪವಸೇನ ವೇದಿತಬ್ಬೋ ಓಪಮ್ಮಪರಿಕಪ್ಪವಿಸಯತ್ತಾ ತಸ್ಸ ಕಿರಿಯಾಪದಸ್ಸ। ತೇನಾಹ ‘‘ಅನುಪರಿಗಚ್ಛೇಯ್ಯಾ’’ತಿ। ಏತ್ಥಾತಿ ಏತಸ್ಮಿಂ ಮೇದವಣ್ಣವತ್ಥುಸ್ಮಿಂ। ಮುದುನ್ತಿ ಮುದುಮಧುರಸಂ ವಿನ್ದೇಯ್ಯಾಮ ಪಟಿಲಭೇಯ್ಯಾಮ। ಅಸ್ಸಾದೋತಿ ಅಸ್ಸಾದೇತಬ್ಬೋ।
Vikappavasenaveditabbo opammaparikappavisayattā tassa kiriyāpadassa. Tenāha ‘‘anuparigaccheyyā’’ti. Etthāti etasmiṃ medavaṇṇavatthusmiṃ. Mudunti mudumadhurasaṃ vindeyyāma paṭilabheyyāma. Assādoti assādetabbo.
ಸತ್ತವಸ್ಸಾನುಬನ್ಧಸುತ್ತವಣ್ಣನಾ ನಿಟ್ಠಿತಾ।
Sattavassānubandhasuttavaṇṇanā niṭṭhitā.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಸಂಯುತ್ತನಿಕಾಯ • Saṃyuttanikāya / ೪. ಸತ್ತವಸ್ಸಾನುಬನ್ಧಸುತ್ತಂ • 4. Sattavassānubandhasuttaṃ
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಸಂಯುತ್ತನಿಕಾಯ (ಅಟ್ಠಕಥಾ) • Saṃyuttanikāya (aṭṭhakathā) / ೪. ಸತ್ತವಸ್ಸಾನುಬನ್ಧಸುತ್ತವಣ್ಣನಾ • 4. Sattavassānubandhasuttavaṇṇanā
