| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੪. ਸਤ੍ਤવਸ੍ਸਾਨੁਬਨ੍ਧਸੁਤ੍ਤવਣ੍ਣਨਾ
4. Sattavassānubandhasuttavaṇṇanā
੧੬੦. ਯਸ੍ਮਾ ਕਪਿਲવਤ੍ਥੁਤੋ ਨਿਕ੍ਖਨ੍ਤਕਾਲਤੋ ਪਟ੍ਠਾਯ ਮਾਰੋ ਓਤਾਰਾਪੇਕ੍ਖੋ ਲੋਕਨਾਥਂ ਅਨੁਬਨ੍ਧਿਤੁਂ ਆਰਦ੍ਧੋ, ਤਸ੍ਮਾ વੁਤ੍ਤਂ ‘‘ਪੁਰੇ ਬੋਧਿਯਾ ਛਬ੍ਬਸ੍ਸਾਨੀ’’ਤਿ। ਅਤਿਗਹੇਤ੍વਾਤਿ ਅਨੁਗਨ੍ਤ੍વਾ ਤਸ੍ਸ ਯਥਾਰੁਚਿ ਪਟਿਪਤ੍ਤਿਂ ਅਨੁવਤ੍ਤੋ વਿਯ ਹੁਤ੍વਾ।
160. Yasmā kapilavatthuto nikkhantakālato paṭṭhāya māro otārāpekkho lokanāthaṃ anubandhituṃ āraddho, tasmā vuttaṃ ‘‘pure bodhiyā chabbassānī’’ti. Atigahetvāti anugantvā tassa yathāruci paṭipattiṃ anuvatto viya hutvā.
ਅવਜ੍ਝਾਯਨ੍ਤੋਤਿ ਪਜ੍ਝਾਯਨ੍ਤੋ। ਜਿਤੋ વਿਤ੍ਤਪਰਾਜਿਤੋ ਅਸਿ ਨੁ। ਪਮਾਣਾਤਿਕ੍ਕਨ੍ਤਨ੍ਤਿ ਗਰੁਤਰਂ।
Avajjhāyantoti pajjhāyanto. Jito vittaparājito asi nu. Pamāṇātikkantanti garutaraṃ.
ਖਨਿਤ੍વਾ ਉਮ੍ਮੂਲੇਤ੍વਾ। ਕਾਮਾਸવਾਦੀਨਿ ਪਜਹਨ੍ਤੋ ਅਨਾਸવੋ।
Khanitvā ummūletvā. Kāmāsavādīni pajahanto anāsavo.
ਪੇਹੀਤਿ ਅਪੇਹਿ। ਪਾਰਗਾਮਿਨੋਤਿ ਪਾਰਙ੍ਗਮਨਸੀਲਾ। ਤੇਕਾਲਿਕੋ ਅਯਂ ਗਾਮਿ-ਸਦ੍ਦੋਤਿ ਆਹ ‘‘ਯੇਪੀ’’ਤਿਆਦਿ।
Pehīti apehi. Pāragāminoti pāraṅgamanasīlā. Tekāliko ayaṃ gāmi-saddoti āha ‘‘yepī’’tiādi.
ਮਾਰવਿਸੂਕਾਨੀਤਿ ਮਾਰਕਣ੍ਟਕਾਨਿ ਕਣ੍ਟਕਸਦਿਸਾਨਿ ਮਾਰਸ੍ਸ ਦੁਰਾਚਾਰਾਨਿ। વਿਰੁਦ੍ਧਸੇવਿਤਾਨਿ વਿਰੋਧવਸੇਨ ਤਾਸਂਯੇવ વੇવਚਨਾਨਿ। ਤਾਨਿ ਸਰੂਪਤੋ ਦਸ੍ਸੇਤੁਂ ‘‘ਅਪ੍ਪਮਾਯੂ’’ਤਿਆਦਿ વੁਤ੍ਤਂ। ਨਿਬ੍ਬੇਜਨੀਯਾਤਿ ਨਿਬ੍ਬੇਦਦਾਯਿਕਾ। ਉਕ੍ਕਣ੍ਠਨੀਯਾਤਿ ਉਕ੍ਕਣ੍ਠવਹਾ।
Māravisūkānīti mārakaṇṭakāni kaṇṭakasadisāni mārassa durācārāni. Viruddhasevitāni virodhavasena tāsaṃyeva vevacanāni. Tāni sarūpato dassetuṃ ‘‘appamāyū’’tiādi vuttaṃ. Nibbejanīyāti nibbedadāyikā. Ukkaṇṭhanīyāti ukkaṇṭhavahā.
વਿਕਪ੍ਪવਸੇਨ વੇਦਿਤਬ੍ਬੋ ਓਪਮ੍ਮਪਰਿਕਪ੍ਪવਿਸਯਤ੍ਤਾ ਤਸ੍ਸ ਕਿਰਿਯਾਪਦਸ੍ਸ। ਤੇਨਾਹ ‘‘ਅਨੁਪਰਿਗਚ੍ਛੇਯ੍ਯਾ’’ਤਿ। ਏਤ੍ਥਾਤਿ ਏਤਸ੍ਮਿਂ ਮੇਦવਣ੍ਣવਤ੍ਥੁਸ੍ਮਿਂ। ਮੁਦੁਨ੍ਤਿ ਮੁਦੁਮਧੁਰਸਂ વਿਨ੍ਦੇਯ੍ਯਾਮ ਪਟਿਲਭੇਯ੍ਯਾਮ। ਅਸ੍ਸਾਦੋਤਿ ਅਸ੍ਸਾਦੇਤਬ੍ਬੋ।
Vikappavasenaveditabbo opammaparikappavisayattā tassa kiriyāpadassa. Tenāha ‘‘anuparigaccheyyā’’ti. Etthāti etasmiṃ medavaṇṇavatthusmiṃ. Mudunti mudumadhurasaṃ vindeyyāma paṭilabheyyāma. Assādoti assādetabbo.
ਸਤ੍ਤવਸ੍ਸਾਨੁਬਨ੍ਧਸੁਤ੍ਤવਣ੍ਣਨਾ ਨਿਟ੍ਠਿਤਾ।
Sattavassānubandhasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੪. ਸਤ੍ਤવਸ੍ਸਾਨੁਬਨ੍ਧਸੁਤ੍ਤਂ • 4. Sattavassānubandhasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੪. ਸਤ੍ਤવਸ੍ਸਾਨੁਬਨ੍ਧਸੁਤ੍ਤવਣ੍ਣਨਾ • 4. Sattavassānubandhasuttavaṇṇanā
