| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
5. махааяан̃н̃аваг̇г̇о
5. Mahāyaññavaggo
1. сад̇д̇авин̃н̃аан̣адтид̇исуд̇д̇аван̣н̣анаа
1. Sattaviññāṇaṭṭhitisuttavaṇṇanā
44. бан̃жамасса батамз яасмаа нид̣̇ассанад̇т̇з нибаад̇о (д̣̇ий. ни. дий. 2.127) д̇асмаа сзяяат̇ааби мануссаад̇и яат̇аа мануссаад̇и вуд̇д̇ам̣ ход̇и. висзсо ход̇иязва сад̇иби б̣аахирасса гааран̣асса абхзд̣̇з аж̇жхад̇д̇игасса бхиннад̇д̇аа. наанад̇д̇ам̣ гааяз зд̇зсам̣, наанад̇д̇о ваа гааяо зд̇зсанд̇и наанад̇д̇агааяаа. иминаа наязна сзсабад̣̇зсуби ад̇т̇о взд̣̇ид̇аб̣б̣о. нзсанд̇и мануссаанам̣. наанад̇д̇аа сан̃н̃аа зд̇зсам̣ ад̇т̇ийд̇и наанад̇д̇асан̃н̃ино. сукасамуссаяад̇о винибаад̇о зд̇зсам̣ ад̇т̇ийд̇и винибаад̇игаа сад̇иби д̣̇звабхаавз д̣̇иб̣б̣асамбад̇д̇ияаа абхаавад̇о. абааязсу ваа г̇ад̇о над̇т̇и нибаад̇о зд̇зсанд̇и винибаад̇игаа. д̇знааха ‘‘жад̇уабааяавинимуд̇д̇аа’’д̇и. бияан̇гарамаад̇аад̣̇ийнам̣ вияаад̇и бияан̇гарамаад̇аа гира яагкиний бажжуусасамаяз ануруд̣̇д̇хад̇т̇зрасса д̇хаммам̣ саж̇жхааяад̇о суд̇ваа –
44. Pañcamassa paṭhame yasmā nidassanatthe nipāto (dī. ni. ṭī. 2.127) tasmā seyyathāpi manussāti yathā manussāti vuttaṃ hoti. Viseso hotiyeva satipi bāhirassa kāraṇassa abhede ajjhattikassa bhinnattā. Nānattaṃ kāye etesaṃ, nānatto vā kāyo etesanti nānattakāyā. Iminā nayena sesapadesupi attho veditabbo. Nesanti manussānaṃ. Nānattā saññā etesaṃ atthīti nānattasaññino. Sukhasamussayato vinipāto etesaṃ atthīti vinipātikā satipi devabhāve dibbasampattiyā abhāvato. Apāyesu vā gato natthi nipāto etesanti vinipātikā. Tenāha ‘‘catuapāyavinimuttā’’ti. Piyaṅkaramātādīnaṃ viyāti piyaṅkaramātā kira yakkhinī paccūsasamaye anuruddhattherassa dhammaṃ sajjhāyato sutvā –
‘‘маа сад̣̇д̣̇амагарий бияан̇гара, бхигку д̇хаммабад̣̇аани бхаасад̇и;
‘‘Mā saddamakarī piyaṅkara, bhikkhu dhammapadāni bhāsati;
аби д̇хаммабад̣̇ам̣ виж̇аанияа, бадибаж̇ж̇зма хид̇ааяа но сияаа.
Api dhammapadaṃ vijāniya, paṭipajjema hitāya no siyā.
‘‘баан̣зсу жа сам̣яамаамасз, самбаж̇аанамусаа на бхан̣аамасз;
‘‘Pāṇesu ca saṃyamāmase, sampajānamusā na bhaṇāmase;
сигкзма сусийляамад̇д̇ано, аби мужжзма бисаажаяонияаа’’д̇и. (сам̣. ни. 1.240) –
Sikkhema susīlyamattano, api muccema pisācayoniyā’’ti. (saṃ. ni. 1.240) –
звам̣ буд̇д̇агам̣ сан̃н̃аабзд̇ваа д̇ам̣ д̣̇ивасам̣ сод̇аабад̇д̇ипалам̣ бад̇д̇аа. уд̇д̇арамаад̇аа бана бхаг̇авад̇о д̇хаммам̣ суд̇ваава сод̇аабаннаа ж̇аад̇аа.
Evaṃ puttakaṃ saññāpetvā taṃ divasaṃ sotāpattiphalaṃ pattā. Uttaramātā pana bhagavato dhammaṃ sutvāva sotāpannā jātā.
б̣рахмагааяз батамаж̇жхаананиб̣б̣ад̇д̇з б̣рахмасамуухз, б̣рахманигааяз ваа бхаваад̇и б̣рахмагааяигаа. махааб̣рахмуно барисааяа бхаваад̇и б̣рахмабаарисаж̇ж̇аа д̇асса барижаарагадтаанз тид̇ад̇д̇аа. махааб̣рахмуно бурохид̇адтаанз тид̇аад̇и б̣рахмабурохид̇аа. ааяуван̣н̣аад̣̇ийхи маханд̇аа б̣рахмаанод̇и махааб̣рахмаано. сад̇иби д̇зсам̣ д̇ивид̇хаанамби батамзна жхаанзна г̇анд̇ваа ниб̣б̣ад̇д̇абхаавз жхаанасса бана бавад̇д̇ибхзд̣̇зна аяам̣ висзсод̇и д̣̇ассзд̇ум̣ ‘‘б̣рахмабаарисаж̇ж̇аа банаа’’д̇иаад̣̇и вуд̇д̇ам̣. барид̇д̇знаад̇и хийнзна. саа жасса хийнад̇аа чанд̣̇аад̣̇ийнам̣ хийнад̇ааяа взд̣̇ид̇аб̣б̣аа. бадилад̣̇д̇хамад̇д̇ам̣ ваа хийнам̣. габбассаад̇и асан̇кязяяагаббасса . хийнабан̣ийд̇аанам̣ маж̇жхз бхавад̇д̇аа маж̇жхимам̣. саа жасса маж̇жхимад̇аа чанд̣̇аад̣̇ийнам̣ маж̇жхимад̇ааяа взд̣̇ид̇аб̣б̣аа. бадилабхид̇ваа наад̇исубхаавид̇ам̣ ваа маж̇жхимам̣. убад̣дхагаббод̇и асан̇кязяяагаббасса убад̣дхагаббо. вибпааригад̇арод̇и б̣рахмабаарисаж̇ж̇зхи бамаан̣ад̇о вибулад̇аро сабхаавад̇о ул̣аарад̇аро жа ход̇и. сабхаавзнаби хи ул̣аарад̇амова. д̇ам̣ банзд̇т̇а аббамаан̣ам̣. д̇асса хи барид̇д̇аабхаад̣̇ийнам̣ барид̇д̇асубхаад̣̇ийнан̃жа гааяз сад̇иби сабхаававзмад̇д̇з згад̇д̇авасзнзва вавад̇т̇абийяад̇ийд̇и ‘‘згад̇д̇агааяаа’’д̇взва д̇з вужжанд̇и. бан̣ийд̇знаад̇и уггадтзна. саа жасса уггадтад̇аа чанд̣̇аад̣̇ийнам̣ уггадтад̇ааяа взд̣̇ид̇аб̣б̣аа. субхаавид̇ам̣ ваа, саммад̣̇зва, васибхаавам̣ баабид̇ам̣ бан̣ийд̇ам̣ ‘‘бад̇хаанабхаавам̣ нийд̇а’’нд̇и гад̇ваа. ид̇хааби габбо асан̇кязяяагаббавасзнзва взд̣̇ид̇аб̣б̣о барибун̣н̣амахаагаббасса асамбхавад̇о. ид̇ийд̇и звам̣ вуд̇д̇аббагаарзна. д̇зд̇и ‘‘б̣рахмагааяигаа’’д̇и вуд̇д̇аа д̇ивид̇хааби б̣рахмаано. сан̃н̃ааяа згад̇д̇аад̇и д̇ихзд̇угабхаавзна згасабхаавад̇д̇аа. на хи д̇ассаа самбаяуд̇д̇ад̇хаммавасзна ан̃н̃оби гожи бхзд̣̇о ад̇т̇и. званд̇и иминаа наанад̇д̇агааяаа згад̇д̇асан̃н̃ино г̇ахид̇аад̇и д̣̇ассзд̇и.
Brahmakāye paṭhamajjhānanibbatte brahmasamūhe, brahmanikāye vā bhavāti brahmakāyikā. Mahābrahmuno parisāya bhavāti brahmapārisajjā tassa paricārakaṭṭhāne ṭhitattā. Mahābrahmuno purohitaṭṭhāne ṭhitāti brahmapurohitā. Āyuvaṇṇādīhi mahantā brahmānoti mahābrahmāno. Satipi tesaṃ tividhānampi paṭhamena jhānena gantvā nibbattabhāve jhānassa pana pavattibhedena ayaṃ visesoti dassetuṃ ‘‘brahmapārisajjā panā’’tiādi vuttaṃ. Parittenāti hīnena. Sā cassa hīnatā chandādīnaṃ hīnatāya veditabbā. Paṭiladdhamattaṃ vā hīnaṃ. Kappassāti asaṅkhyeyyakappassa . Hīnapaṇītānaṃ majjhe bhavattā majjhimaṃ. Sā cassa majjhimatā chandādīnaṃ majjhimatāya veditabbā. Paṭilabhitvā nātisubhāvitaṃ vā majjhimaṃ. Upaḍḍhakappoti asaṅkhyeyyakappassa upaḍḍhakappo. Vipphārikataroti brahmapārisajjehi pamāṇato vipulataro sabhāvato uḷārataro ca hoti. Sabhāvenapi hi uḷāratamova. Taṃ panettha appamāṇaṃ. Tassa hi parittābhādīnaṃ parittasubhādīnañca kāye satipi sabhāvavematte ekattavaseneva vavatthapīyatīti ‘‘ekattakāyā’’tveva te vuccanti. Paṇītenāti ukkaṭṭhena. Sā cassa ukkaṭṭhatā chandādīnaṃ ukkaṭṭhatāya veditabbā. Subhāvitaṃ vā, sammadeva, vasibhāvaṃ pāpitaṃ paṇītaṃ ‘‘padhānabhāvaṃ nīta’’nti katvā. Idhāpi kappo asaṅkhyeyyakappavaseneva veditabbo paripuṇṇamahākappassa asambhavato. Itīti evaṃ vuttappakārena. Teti ‘‘brahmakāyikā’’ti vuttā tividhāpi brahmāno. Saññāya ekattāti tihetukabhāvena ekasabhāvattā. Na hi tassā sampayuttadhammavasena aññopi koci bhedo atthi. Evanti iminā nānattakāyā ekattasaññino gahitāti dasseti.
д̣̇ан̣д̣ауггааяаад̇и д̣̇ан̣д̣ад̣̇ийбигааяа. сарад̇и д̇хаавад̇и, виссарад̇и виббагин̣н̣аа вияа д̇хаавад̇и. д̣̇вз габбаад̇и д̣̇вз махаагаббаа. ид̇о барзсуби зсзва наяо. ид̇хаад̇и имасмим̣ суд̇д̇з. уггадтабарижчзд̣̇авасзна аабхассараг̇г̇ахан̣знзва саб̣б̣зби д̇з барид̇д̇аабхаааббамаан̣аабхааби г̇ахид̇аа.
Daṇḍaukkāyāti daṇḍadīpikāya. Sarati dhāvati, vissarati vippakiṇṇā viya dhāvati. Dve kappāti dve mahākappā. Ito paresupi eseva nayo. Idhāti imasmiṃ sutte. Ukkaṭṭhaparicchedavasena ābhassaraggahaṇeneva sabbepi te parittābhāappamāṇābhāpi gahitā.
сунд̣̇араа бабхаа субхаа, д̇ааяа гин̣н̣аа субхаагин̣н̣аад̇и вад̇д̇аб̣б̣з. бхаа-сад̣̇д̣̇асса рассад̇д̇ам̣ анд̇има-н̣а-гаарасса ха-гааран̃жа гад̇ваа ‘‘субхагин̣хаа’’д̇и вуд̇д̇аа. адтагат̇ааяам̣ бана нижжалааяа згаг̇гханааяа бабхааяа субход̇и барияааяаважананд̇и ‘‘субхзна огин̣н̣аа вигин̣н̣аа’’д̇и ад̇т̇о вуд̇д̇о. зд̇т̇ааби анд̇има-н̣а-гаарасса ха-гаарагаран̣ам̣ ижчид̇аб̣б̣амзва. на чиж̇ж̇ид̇ваа бабхаа г̇ажчад̇и згаг̇гханад̇д̇аа. жад̇уд̇т̇авин̃н̃аан̣адтид̇имзва бхаж̇анд̇и гааяасса сан̃н̃ааяа жа згаруубад̇д̇аа. вибуласанд̇асукааяуван̣н̣аад̣̇ипалад̇д̇аа взхабпалаа. зд̇т̇аад̇и вин̃н̃аан̣адтид̇ияам̣.
Sundarā pabhā subhā, tāya kiṇṇā subhākiṇṇāti vattabbe. Bhā-saddassa rassattaṃ antima-ṇa-kārassa ha-kārañca katvā ‘‘subhakiṇhā’’ti vuttā. Aṭṭhakathāyaṃ pana niccalāya ekagghanāya pabhāya subhoti pariyāyavacananti ‘‘subhena okiṇṇā vikiṇṇā’’ti attho vutto. Etthāpi antima-ṇa-kārassa ha-kārakaraṇaṃ icchitabbameva. Na chijjitvā pabhā gacchati ekagghanattā. Catutthaviññāṇaṭṭhitimeva bhajanti kāyassa saññāya ca ekarūpattā. Vipulasantasukhāyuvaṇṇādiphalattā vehapphalā. Etthāti viññāṇaṭṭhitiyaṃ.
виваддабагкз тид̇аа абунараавад̇д̇анад̇о. ‘‘на саб̣б̣агаалигаа’’д̇и вад̇ваа д̇амзва асаб̣б̣агаалигад̇д̇ам̣ вибхаавзд̇ум̣ ‘‘габбасад̇асахассамбий’’д̇иаад̣̇и вуд̇д̇ам̣. сол̣асагаббасахассажжаязна уббаннаанам̣ суд̣̇д̇хааваасаб̣рахмаанам̣ бариниб̣б̣ааяанад̇о ан̃н̃зсан̃жа д̇ад̇т̇а ануббаж̇ж̇анад̇о б̣уд̣̇д̇хасун̃н̃з логз сун̃н̃ам̣ д̇ам̣ таанам̣ ход̇и, д̇асмаа суд̣̇д̇хааваасаа на саб̣б̣агаалигаа. канд̇хааваарадтаанасад̣̇исаа хонд̇и суд̣̇д̇хааваасабхуумияо. иминаа суд̇д̇зна суд̣̇д̇хааваасаанам̣ сад̇д̇ааваасабхаавад̣̇ийбанзнзва вин̃н̃аан̣адтид̇ибхаавоби д̣̇ийбид̇о ход̇и, д̇асмаа суд̣̇д̇хааваасааби сад̇д̇асу вин̃н̃аан̣адтид̇ийсу жад̇уд̇т̇авин̃н̃аан̣адтид̇им̣, навасу сад̇д̇ааваасзсу жад̇уд̇т̇асад̇д̇ааваасан̃жа бхаж̇анд̇и.
Vivaṭṭapakkhe ṭhitā apunarāvattanato. ‘‘Na sabbakālikā’’ti vatvā tameva asabbakālikattaṃ vibhāvetuṃ ‘‘kappasatasahassampī’’tiādi vuttaṃ. Soḷasakappasahassaccayena uppannānaṃ suddhāvāsabrahmānaṃ parinibbāyanato aññesañca tattha anuppajjanato buddhasuññe loke suññaṃ taṃ ṭhānaṃ hoti, tasmā suddhāvāsā na sabbakālikā. Khandhāvāraṭṭhānasadisā honti suddhāvāsabhūmiyo. Iminā suttena suddhāvāsānaṃ sattāvāsabhāvadīpaneneva viññāṇaṭṭhitibhāvopi dīpito hoti, tasmā suddhāvāsāpi sattasu viññāṇaṭṭhitīsu catutthaviññāṇaṭṭhitiṃ, navasu sattāvāsesu catutthasattāvāsañca bhajanti.
сукумад̇д̇аад̇и сан̇каараавасзсасукумабхааваббад̇д̇ад̇д̇аа. бариб̣яад̇д̇авин̃н̃аан̣агижжаабхаавад̇о нзва вин̃н̃аан̣ам̣, на саб̣б̣асо авин̃н̃аан̣ам̣ ход̇ийд̇и наавин̃н̃аан̣ам̣, д̇асмаа барибпуд̇авин̃н̃аан̣агижжаванд̇ийсу вин̃н̃аан̣адтид̇ийсу на вуд̇д̇ам̣.
Sukhumattāti saṅkhārāvasesasukhumabhāvappattattā. Paribyattaviññāṇakiccābhāvato neva viññāṇaṃ, na sabbaso aviññāṇaṃ hotīti nāviññāṇaṃ, tasmā paripphutaviññāṇakiccavantīsu viññāṇaṭṭhitīsu na vuttaṃ.
сад̇д̇авин̃н̃аан̣адтид̇исуд̇д̇аван̣н̣анаа нидтид̇аа.
Sattaviññāṇaṭṭhitisuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 1. сад̇д̇авин̃н̃аан̣адтид̇исуд̇д̇ам̣ • 1. Sattaviññāṇaṭṭhitisuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 1-2. сад̇д̇авин̃н̃аан̣адтид̇исуд̇д̇аад̣̇иван̣н̣анаа • 1-2. Sattaviññāṇaṭṭhitisuttādivaṇṇanā
