| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
9. сад̇т̇аараванд̣̇анаасуд̇д̇ам̣
9. Satthāravandanāsuttaṃ
265. саавад̇т̇ияам̣ ж̇зд̇аванз. ‘‘бхууд̇абуб̣б̣ам̣, бхигкавз, сагго д̣̇зваанаминд̣̇о маад̇алим̣ сан̇г̇аахагам̣ ааманд̇зси – ‘яож̇зхи, самма маад̇али, сахассаяуд̇д̇ам̣ ааж̇ан̃н̃арат̇ам̣, уяяаанабхуумим̣ г̇ажчаама субхуумим̣ д̣̇ассанааяаа’д̇и. ‘звам̣ бхад̣̇д̣̇анд̇аваа’д̇и ко, бхигкавз, маад̇али сан̇г̇аахаго саггасса д̣̇зваанаминд̣̇асса бадиссуд̇ваа сахассаяуд̇д̇ам̣ ааж̇ан̃н̃арат̇ам̣ яож̇зд̇ваа саггасса д̣̇зваанаминд̣̇асса бадивзд̣̇зси – ‘яуд̇д̇о ко д̇з, маариса, сахассаяуд̇д̇о ааж̇ан̃н̃арат̇о. яасса д̣̇аани гаалам̣ ман̃н̃асий’’’д̇и. ат̇а ко, бхигкавз, сагго д̣̇зваанаминд̣̇о взж̇аяанд̇абаасаад̣̇аа ороханд̇о ан̃ж̇алим̣ гад̇ваа суд̣̇ам̣ бхаг̇аванд̇ам̣ намассад̇и. ат̇а ко, бхигкавз, маад̇али сан̇г̇аахаго саггам̣ д̣̇зваанаминд̣̇ам̣ г̇аат̇ааяа аж̇жхабхааси –
265. Sāvatthiyaṃ jetavane. ‘‘Bhūtapubbaṃ, bhikkhave, sakko devānamindo mātaliṃ saṅgāhakaṃ āmantesi – ‘yojehi, samma mātali, sahassayuttaṃ ājaññarathaṃ, uyyānabhūmiṃ gacchāma subhūmiṃ dassanāyā’ti. ‘Evaṃ bhaddantavā’ti kho, bhikkhave, mātali saṅgāhako sakkassa devānamindassa paṭissutvā sahassayuttaṃ ājaññarathaṃ yojetvā sakkassa devānamindassa paṭivedesi – ‘yutto kho te, mārisa, sahassayutto ājaññaratho. Yassa dāni kālaṃ maññasī’’’ti. Atha kho, bhikkhave, sakko devānamindo vejayantapāsādā orohanto añjaliṃ katvā sudaṃ bhagavantaṃ namassati. Atha kho, bhikkhave, mātali saṅgāhako sakkaṃ devānamindaṃ gāthāya ajjhabhāsi –
‘‘яан̃хи д̣̇зваа мануссаа жа, д̇ам̣ намассанд̇и ваасава;
‘‘Yañhi devā manussā ca, taṃ namassanti vāsava;
ат̇а го наама со яагко, яам̣ д̇вам̣ сагга намассасий’’д̇и.
Atha ko nāma so yakkho, yaṃ tvaṃ sakka namassasī’’ti.
‘‘яо ид̇ха саммаасамб̣уд̣̇д̇хо, асмим̣ логз сад̣̇звагз;
‘‘Yo idha sammāsambuddho, asmiṃ loke sadevake;
аноманаамам̣ сад̇т̇аарам̣, д̇ам̣ намассаами маад̇али.
Anomanāmaṃ satthāraṃ, taṃ namassāmi mātali.
‘‘язсам̣ рааг̇о жа д̣̇осо жа, авиж̇ж̇аа жа вирааж̇ид̇аа;
‘‘Yesaṃ rāgo ca doso ca, avijjā ca virājitā;
кийн̣аасаваа араханд̇о, д̇з намассаами маад̇али.
Khīṇāsavā arahanto, te namassāmi mātali.
‘‘яз рааг̇ад̣̇осавинаяаа, авиж̇ж̇аасамад̇иггамаа;
‘‘Ye rāgadosavinayā, avijjāsamatikkamā;
сзгкаа абажаяаараамаа, аббамад̇д̇аанусигкарз;
Sekkhā apacayārāmā, appamattānusikkhare;
д̇з намассаами маад̇алий’’д̇и.
Te namassāmi mātalī’’ti.
‘‘сздтаа хи гира логасмим̣, яз д̇вам̣ сагга намассаси;
‘‘Seṭṭhā hi kira lokasmiṃ, ye tvaṃ sakka namassasi;
ахамби д̇з намассаами, яз намассаси ваасаваа’’д̇и.
Ahampi te namassāmi, ye namassasi vāsavā’’ti.
‘‘ид̣̇ам̣ вад̇ваана магхаваа, д̣̇зварааж̇аа суж̇амбад̇и;
‘‘Idaṃ vatvāna maghavā, devarājā sujampati;
бхаг̇аванд̇ам̣ намассид̇ваа, бамуко рат̇амаарухий’’д̇и.
Bhagavantaṃ namassitvā, pamukho rathamāruhī’’ti.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 9. сад̇т̇аараванд̣̇анаасуд̇д̇аван̣н̣анаа • 9. Satthāravandanāsuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 9. сад̇т̇аараванд̣̇анаасуд̇д̇аван̣н̣анаа • 9. Satthāravandanāsuttavaṇṇanā
