| Library / Tipiṭaka / திபிடக • Tipiṭaka / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) |
9. ஸத்து²ஸாஸனஸுத்தவண்ணனா
9. Satthusāsanasuttavaṇṇanā
83. நவமே ஏகோதி அது³தியோ. வூபகட்டோ²தி காயேன க³ணதோ, சித்தேன கிலேஸேஹி வூபகட்டோ² விவேகட்டோ² தூ³ரீபூ⁴தோ. அப்பமத்தோதி ஸதிஅவிப்பவாஸே டி²தோ. பஹிதத்தோதி பேஸிதத்தோ. நிப்³பி³தா³யாதி வட்டே உக்கண்ட²னத்தா²ய. விராகா³யாதி ராகா³தீ³னங் விரஜ்ஜனத்தா²ய. நிரோதா⁴யாதி அப்பவத்திகரணத்தா²ய. வூபஸமாயாதி கிலேஸவூபஸமாய அப்பவத்தியா. அபி⁴ஞ்ஞாயாதி திலக்க²ணங் ஆரோபெத்வா அபி⁴ஜானநத்தா²ய. ஸம்போ³தா⁴யாதி மக்³க³ஸங்கா²தஸ்ஸ ஸம்போ³த⁴ஸ்ஸ அத்தா²ய. நிப்³பா³னாயாதி நிப்³பா³னஸ்ஸ ஸச்சி²கரணத்தா²ய.
83. Navame ekoti adutiyo. Vūpakaṭṭhoti kāyena gaṇato, cittena kilesehi vūpakaṭṭho vivekaṭṭho dūrībhūto. Appamattoti satiavippavāse ṭhito. Pahitattoti pesitatto. Nibbidāyāti vaṭṭe ukkaṇṭhanatthāya. Virāgāyāti rāgādīnaṃ virajjanatthāya. Nirodhāyāti appavattikaraṇatthāya. Vūpasamāyāti kilesavūpasamāya appavattiyā. Abhiññāyāti tilakkhaṇaṃ āropetvā abhijānanatthāya. Sambodhāyāti maggasaṅkhātassa sambodhassa atthāya. Nibbānāyāti nibbānassa sacchikaraṇatthāya.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 9. ஸத்து²ஸாஸனஸுத்தங் • 9. Satthusāsanasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 9. ஸத்து²ஸாஸனஸுத்தவண்ணனா • 9. Satthusāsanasuttavaṇṇanā
