| Library / Tipiṭaka / তিপিটক • Tipiṭaka / সংযুত্তনিকায (অট্ঠকথা) • Saṃyuttanikāya (aṭṭhakathā) |
৯. অন্তরপেয্যালং
9. Antarapeyyālaṃ
১. সত্থুসুত্তাদিৰণ্ণনা
1. Satthusuttādivaṇṇanā
৭৩. ইতো পরং ‘‘সত্থা পরিযেসিতব্বো’’তিআদিনযপ্পৰত্তা দ্ৰাদস অন্তরপেয্যালৰগ্গা নাম হোন্তি। তে সব্বেপি তথা তথা বুজ্ঝনকানং ৰেনেয্যপুগ্গলানং অজ্ঝাসযৰসেন ৰুত্তা। তত্থ সত্থাতি বুদ্ধো ৰা হোতু সাৰকো ৰা, যং নিস্সায মগ্গঞাণং লভতি, অযং সত্থা নাম, সো পরিযেসিতব্বো। সিক্খা করণীযাতি তিৰিধাপি সিক্খা কাতব্বা। যোগাদীসু যোগোতি পযোগো। ছন্দোতি কত্তুকম্যতাকুসলচ্ছন্দো। উস্সোল়্হীতি সব্বসহং অধিমত্তৰীরিযং। অপ্পটিৰানীতি অনিৰত্তনা। আতপ্পন্তি কিলেসতাপনৰীরিযমেৰ। সাতচ্চন্তি সততকিরিযং। সতীতি জরামরণাদিৰসেন চতুসচ্চপরিগ্গাহিকা সতি। সম্পজঞ্ঞন্তি তাদিসমেৰ ঞাণং। অপ্পমাদোতি সচ্চভাৰনায অপ্পমাদো। সেসং সব্বত্থ উত্তানমেৰাতি।
73. Ito paraṃ ‘‘satthā pariyesitabbo’’tiādinayappavattā dvādasa antarapeyyālavaggā nāma honti. Te sabbepi tathā tathā bujjhanakānaṃ veneyyapuggalānaṃ ajjhāsayavasena vuttā. Tattha satthāti buddho vā hotu sāvako vā, yaṃ nissāya maggañāṇaṃ labhati, ayaṃ satthā nāma, so pariyesitabbo. Sikkhā karaṇīyāti tividhāpi sikkhā kātabbā. Yogādīsu yogoti payogo. Chandoti kattukamyatākusalacchando. Ussoḷhīti sabbasahaṃ adhimattavīriyaṃ. Appaṭivānīti anivattanā. Ātappanti kilesatāpanavīriyameva. Sātaccanti satatakiriyaṃ. Satīti jarāmaraṇādivasena catusaccapariggāhikā sati. Sampajaññanti tādisameva ñāṇaṃ. Appamādoti saccabhāvanāya appamādo. Sesaṃ sabbattha uttānamevāti.
অন্তরপেয্যালো নৰমো।
Antarapeyyālo navamo.
নিদানসংযুত্তৰণ্ণনা নিট্ঠিতা।
Nidānasaṃyuttavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / সংযুত্তনিকায • Saṃyuttanikāya / ১. সত্থুসুত্তং • 1. Satthusuttaṃ
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ১. সত্থুসুত্তাদিৰণ্ণনা • 1. Satthusuttādivaṇṇanā
