| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
9. анд̇арабзяяаалам̣
9. Antarapeyyālaṃ
1. сад̇т̇усуд̇д̇аад̣̇иван̣н̣анаа
1. Satthusuttādivaṇṇanā
73. ид̇о барам̣ ‘‘сад̇т̇аа бариязсид̇аб̣б̣о’’д̇иаад̣̇инаяаббавад̇д̇аа д̣̇ваад̣̇аса анд̇арабзяяаалаваг̇г̇аа наама хонд̇и. д̇з саб̣б̣зби д̇ат̇аа д̇ат̇аа б̣уж̇жханагаанам̣ взнзяяабуг̇г̇алаанам̣ аж̇жхаасаяавасзна вуд̇д̇аа. д̇ад̇т̇а сад̇т̇аад̇и б̣уд̣̇д̇хо ваа ход̇у сааваго ваа, яам̣ ниссааяа маг̇г̇ан̃аан̣ам̣ лабхад̇и, аяам̣ сад̇т̇аа наама, со бариязсид̇аб̣б̣о. сигкаа гаран̣ийяаад̇и д̇ивид̇хааби сигкаа гаад̇аб̣б̣аа. яог̇аад̣̇ийсу яог̇од̇и баяог̇о. чанд̣̇од̇и гад̇д̇угамяад̇аагусалажчанд̣̇о. уссол̣хийд̇и саб̣б̣асахам̣ ад̇химад̇д̇авийрияам̣. аббадиваанийд̇и анивад̇д̇анаа. аад̇аббанд̇и гилзсад̇аабанавийрияамзва. саад̇ажжанд̇и сад̇ад̇агирияам̣. сад̇ийд̇и ж̇араамаран̣аад̣̇ивасзна жад̇усажжабариг̇г̇аахигаа сад̇и. самбаж̇ан̃н̃анд̇и д̇аад̣̇исамзва н̃аан̣ам̣. аббамаад̣̇од̇и сажжабхааванааяа аббамаад̣̇о. сзсам̣ саб̣б̣ад̇т̇а уд̇д̇аанамзваад̇и.
73. Ito paraṃ ‘‘satthā pariyesitabbo’’tiādinayappavattā dvādasa antarapeyyālavaggā nāma honti. Te sabbepi tathā tathā bujjhanakānaṃ veneyyapuggalānaṃ ajjhāsayavasena vuttā. Tattha satthāti buddho vā hotu sāvako vā, yaṃ nissāya maggañāṇaṃ labhati, ayaṃ satthā nāma, so pariyesitabbo. Sikkhā karaṇīyāti tividhāpi sikkhā kātabbā. Yogādīsu yogoti payogo. Chandoti kattukamyatākusalacchando. Ussoḷhīti sabbasahaṃ adhimattavīriyaṃ. Appaṭivānīti anivattanā. Ātappanti kilesatāpanavīriyameva. Sātaccanti satatakiriyaṃ. Satīti jarāmaraṇādivasena catusaccapariggāhikā sati. Sampajaññanti tādisameva ñāṇaṃ. Appamādoti saccabhāvanāya appamādo. Sesaṃ sabbattha uttānamevāti.
анд̇арабзяяаало навамо.
Antarapeyyālo navamo.
нид̣̇аанасам̣яуд̇д̇аван̣н̣анаа нидтид̇аа.
Nidānasaṃyuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 1. сад̇т̇усуд̇д̇ам̣ • 1. Satthusuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 1. сад̇т̇усуд̇д̇аад̣̇иван̣н̣анаа • 1. Satthusuttādivaṇṇanā
