| Library / Tipiṭaka / तिपिटक • Tipiṭaka / संयुत्तनिकाय (टीका) • Saṃyuttanikāya (ṭīkā) |
९. अन्तरपेय्यालवग्गो
9. Antarapeyyālavaggo
१. सत्थुसुत्तादिवण्णना
1. Satthusuttādivaṇṇanā
७३. अयं सत्था नामाति अयं अरियमग्गस्स अत्थाय सासति विमुत्तिधम्मं अनुसासतीति सत्था नाम। अधिसीलादिवसेन तिविधापि सिक्खा। योगोति भावनानुयोगो। छन्दोति निय्यानेता कत्तुकम्यताकुसलच्छन्दो। सब्बं भावनाय परिस्सयं सहति, सब्बं वास्स उपकारावहं सहति वाहेतीति सब्बसहं। अप्पटिवानीति न पटिनिवत्ततीति अप्पटिवानी। अन्तराय सहनं मोहनासनवीरियं आतप्पति किलेसेति आतप्पं। विधिना ईरेतब्बत्ता पवत्तेतब्बत्ता वीरियं। सततं पवत्तियमानभावनानुयोगकम्मं सातच्चन्ति आह ‘‘सततकिरिय’’न्ति। तादिसमेवाति यादिसी सति वुत्ता, तादिसमेव ञाणं, जरामरणादिवसेन चतुसच्चपरिग्गाहकं ञाणन्ति अत्थो।
73.Ayaṃsatthā nāmāti ayaṃ ariyamaggassa atthāya sāsati vimuttidhammaṃ anusāsatīti satthā nāma. Adhisīlādivasena tividhāpi sikkhā. Yogoti bhāvanānuyogo. Chandoti niyyānetā kattukamyatākusalacchando. Sabbaṃ bhāvanāya parissayaṃ sahati, sabbaṃ vāssa upakārāvahaṃ sahati vāhetīti sabbasahaṃ. Appaṭivānīti na paṭinivattatīti appaṭivānī. Antarāya sahanaṃ mohanāsanavīriyaṃ ātappati kileseti ātappaṃ. Vidhinā īretabbattā pavattetabbattā vīriyaṃ. Satataṃ pavattiyamānabhāvanānuyogakammaṃ sātaccanti āha ‘‘satatakiriya’’nti. Tādisamevāti yādisī sati vuttā, tādisameva ñāṇaṃ, jarāmaraṇādivasena catusaccapariggāhakaṃ ñāṇanti attho.
अन्तरपेय्यालवग्गवण्णना निट्ठिता।
Antarapeyyālavaggavaṇṇanā niṭṭhitā.
सारत्थप्पकासिनिया संयुत्तनिकाय-अट्ठकथाय
Sāratthappakāsiniyā saṃyuttanikāya-aṭṭhakathāya
निदानसंयुत्तवण्णनाय लीनत्थप्पकासना समत्ता।
Nidānasaṃyuttavaṇṇanāya līnatthappakāsanā samattā.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / संयुत्तनिकाय • Saṃyuttanikāya / १. सत्थुसुत्तं • 1. Satthusuttaṃ
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / संयुत्तनिकाय (अट्ठकथा) • Saṃyuttanikāya (aṭṭhakathā) / १. सत्थुसुत्तादिवण्णना • 1. Satthusuttādivaṇṇanā
