| Library / Tipiṭaka / ติปิฎก • Tipiṭaka / สํยุตฺตนิกาย (อฎฺฐกถา) • Saṃyuttanikāya (aṭṭhakathā) |
๙. อนฺตรเปยฺยาลํ
9. Antarapeyyālaṃ
๑. สตฺถุสุตฺตาทิวณฺณนา
1. Satthusuttādivaṇṇanā
๗๓. อิโต ปรํ ‘‘สตฺถา ปริเยสิตโพฺพ’’ติอาทินยปฺปวตฺตา ทฺวาทส อนฺตรเปยฺยาลวคฺคา นาม โหนฺติฯ เต สเพฺพปิ ตถา ตถา พุชฺฌนกานํ เวเนยฺยปุคฺคลานํ อชฺฌาสยวเสน วุตฺตาฯ ตตฺถ สตฺถาติ พุโทฺธ วา โหตุ สาวโก วา, ยํ นิสฺสาย มคฺคญาณํ ลภติ, อยํ สตฺถา นาม, โส ปริเยสิตโพฺพฯ สิกฺขา กรณียาติ ติวิธาปิ สิกฺขา กาตพฺพาฯ โยคาทีสุ โยโคติ ปโยโคฯ ฉโนฺทติ กตฺตุกมฺยตากุสลจฺฉโนฺทฯ อุโสฺสฬฺหีติ สพฺพสหํ อธิมตฺตวีริยํฯ อปฺปฎิวานีติ อนิวตฺตนาฯ อาตปฺปนฺติ กิเลสตาปนวีริยเมวฯ สาตจฺจนฺติ สตตกิริยํฯ สตีติ ชรามรณาทิวเสน จตุสจฺจปริคฺคาหิกา สติฯ สมฺปชญฺญนฺติ ตาทิสเมว ญาณํฯ อปฺปมาโทติ สจฺจภาวนาย อปฺปมาโทฯ เสสํ สพฺพตฺถ อุตฺตานเมวาติฯ
73. Ito paraṃ ‘‘satthā pariyesitabbo’’tiādinayappavattā dvādasa antarapeyyālavaggā nāma honti. Te sabbepi tathā tathā bujjhanakānaṃ veneyyapuggalānaṃ ajjhāsayavasena vuttā. Tattha satthāti buddho vā hotu sāvako vā, yaṃ nissāya maggañāṇaṃ labhati, ayaṃ satthā nāma, so pariyesitabbo. Sikkhā karaṇīyāti tividhāpi sikkhā kātabbā. Yogādīsu yogoti payogo. Chandoti kattukamyatākusalacchando. Ussoḷhīti sabbasahaṃ adhimattavīriyaṃ. Appaṭivānīti anivattanā. Ātappanti kilesatāpanavīriyameva. Sātaccanti satatakiriyaṃ. Satīti jarāmaraṇādivasena catusaccapariggāhikā sati. Sampajaññanti tādisameva ñāṇaṃ. Appamādoti saccabhāvanāya appamādo. Sesaṃ sabbattha uttānamevāti.
อนฺตรเปยฺยาโล นวโมฯ
Antarapeyyālo navamo.
นิทานสํยุตฺตวณฺณนา นิฎฺฐิตาฯ
Nidānasaṃyuttavaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / สํยุตฺตนิกาย • Saṃyuttanikāya / ๑. สตฺถุสุตฺตํ • 1. Satthusuttaṃ
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / สํยุตฺตนิกาย (ฎีกา) • Saṃyuttanikāya (ṭīkā) / ๑. สตฺถุสุตฺตาทิวณฺณนา • 1. Satthusuttādivaṇṇanā
