| Library / Tipiṭaka / តិបិដក • Tipiṭaka / សំយុត្តនិកាយ (អដ្ឋកថា) • Saṃyuttanikāya (aṭṭhakathā) |
៩. អន្តរបេយ្យាលំ
9. Antarapeyyālaṃ
១. សត្ថុសុត្តាទិវណ្ណនា
1. Satthusuttādivaṇṇanā
៧៣. ឥតោ បរំ ‘‘សត្ថា បរិយេសិតព្ពោ’’តិអាទិនយប្បវត្តា ទ្វាទស អន្តរបេយ្យាលវគ្គា នាម ហោន្តិ។ តេ សព្ពេបិ តថា តថា ពុជ្ឈនកានំ វេនេយ្យបុគ្គលានំ អជ្ឈាសយវសេន វុត្តា។ តត្ថ សត្ថាតិ ពុទ្ធោ វា ហោតុ សាវកោ វា, យំ និស្សាយ មគ្គញាណំ លភតិ, អយំ សត្ថា នាម, សោ បរិយេសិតព្ពោ។ សិក្ខា ករណីយាតិ តិវិធាបិ សិក្ខា កាតព្ពា។ យោគាទីសុ យោគោតិ បយោគោ។ ឆន្ទោតិ កត្តុកម្យតាកុសលច្ឆន្ទោ។ ឧស្សោឡ្ហីតិ សព្ពសហំ អធិមត្តវីរិយំ។ អប្បដិវានីតិ អនិវត្តនា។ អាតប្បន្តិ កិលេសតាបនវីរិយមេវ។ សាតច្ចន្តិ សតតកិរិយំ។ សតីតិ ជរាមរណាទិវសេន ចតុសច្ចបរិគ្គាហិកា សតិ។ សម្បជញ្ញន្តិ តាទិសមេវ ញាណំ។ អប្បមាទោតិ សច្ចភាវនាយ អប្បមាទោ។ សេសំ សព្ពត្ថ ឧត្តានមេវាតិ។
73. Ito paraṃ ‘‘satthā pariyesitabbo’’tiādinayappavattā dvādasa antarapeyyālavaggā nāma honti. Te sabbepi tathā tathā bujjhanakānaṃ veneyyapuggalānaṃ ajjhāsayavasena vuttā. Tattha satthāti buddho vā hotu sāvako vā, yaṃ nissāya maggañāṇaṃ labhati, ayaṃ satthā nāma, so pariyesitabbo. Sikkhā karaṇīyāti tividhāpi sikkhā kātabbā. Yogādīsu yogoti payogo. Chandoti kattukamyatākusalacchando. Ussoḷhīti sabbasahaṃ adhimattavīriyaṃ. Appaṭivānīti anivattanā. Ātappanti kilesatāpanavīriyameva. Sātaccanti satatakiriyaṃ. Satīti jarāmaraṇādivasena catusaccapariggāhikā sati. Sampajaññanti tādisameva ñāṇaṃ. Appamādoti saccabhāvanāya appamādo. Sesaṃ sabbattha uttānamevāti.
អន្តរបេយ្យាលោ នវមោ។
Antarapeyyālo navamo.
និទានសំយុត្តវណ្ណនា និដ្ឋិតា។
Nidānasaṃyuttavaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / សំយុត្តនិកាយ • Saṃyuttanikāya / ១. សត្ថុសុត្តំ • 1. Satthusuttaṃ
ដីកា • Tīkā / សុត្តបិដក (ដីកា) • Suttapiṭaka (ṭīkā) / សំយុត្តនិកាយ (ដីកា) • Saṃyuttanikāya (ṭīkā) / ១. សត្ថុសុត្តាទិវណ្ណនា • 1. Satthusuttādivaṇṇanā
