| Library / Tipiṭaka / ತಿಪಿಟಕ • Tipiṭaka / ಸಂಯುತ್ತನಿಕಾಯ (ಅಟ್ಠಕಥಾ) • Saṃyuttanikāya (aṭṭhakathā) |
೯. ಅನ್ತರಪೇಯ್ಯಾಲಂ
9. Antarapeyyālaṃ
೧. ಸತ್ಥುಸುತ್ತಾದಿವಣ್ಣನಾ
1. Satthusuttādivaṇṇanā
೭೩. ಇತೋ ಪರಂ ‘‘ಸತ್ಥಾ ಪರಿಯೇಸಿತಬ್ಬೋ’’ತಿಆದಿನಯಪ್ಪವತ್ತಾ ದ್ವಾದಸ ಅನ್ತರಪೇಯ್ಯಾಲವಗ್ಗಾ ನಾಮ ಹೋನ್ತಿ। ತೇ ಸಬ್ಬೇಪಿ ತಥಾ ತಥಾ ಬುಜ್ಝನಕಾನಂ ವೇನೇಯ್ಯಪುಗ್ಗಲಾನಂ ಅಜ್ಝಾಸಯವಸೇನ ವುತ್ತಾ। ತತ್ಥ ಸತ್ಥಾತಿ ಬುದ್ಧೋ ವಾ ಹೋತು ಸಾವಕೋ ವಾ, ಯಂ ನಿಸ್ಸಾಯ ಮಗ್ಗಞಾಣಂ ಲಭತಿ, ಅಯಂ ಸತ್ಥಾ ನಾಮ, ಸೋ ಪರಿಯೇಸಿತಬ್ಬೋ। ಸಿಕ್ಖಾ ಕರಣೀಯಾತಿ ತಿವಿಧಾಪಿ ಸಿಕ್ಖಾ ಕಾತಬ್ಬಾ। ಯೋಗಾದೀಸು ಯೋಗೋತಿ ಪಯೋಗೋ। ಛನ್ದೋತಿ ಕತ್ತುಕಮ್ಯತಾಕುಸಲಚ್ಛನ್ದೋ। ಉಸ್ಸೋಳ್ಹೀತಿ ಸಬ್ಬಸಹಂ ಅಧಿಮತ್ತವೀರಿಯಂ। ಅಪ್ಪಟಿವಾನೀತಿ ಅನಿವತ್ತನಾ। ಆತಪ್ಪನ್ತಿ ಕಿಲೇಸತಾಪನವೀರಿಯಮೇವ। ಸಾತಚ್ಚನ್ತಿ ಸತತಕಿರಿಯಂ। ಸತೀತಿ ಜರಾಮರಣಾದಿವಸೇನ ಚತುಸಚ್ಚಪರಿಗ್ಗಾಹಿಕಾ ಸತಿ। ಸಮ್ಪಜಞ್ಞನ್ತಿ ತಾದಿಸಮೇವ ಞಾಣಂ। ಅಪ್ಪಮಾದೋತಿ ಸಚ್ಚಭಾವನಾಯ ಅಪ್ಪಮಾದೋ। ಸೇಸಂ ಸಬ್ಬತ್ಥ ಉತ್ತಾನಮೇವಾತಿ।
73. Ito paraṃ ‘‘satthā pariyesitabbo’’tiādinayappavattā dvādasa antarapeyyālavaggā nāma honti. Te sabbepi tathā tathā bujjhanakānaṃ veneyyapuggalānaṃ ajjhāsayavasena vuttā. Tattha satthāti buddho vā hotu sāvako vā, yaṃ nissāya maggañāṇaṃ labhati, ayaṃ satthā nāma, so pariyesitabbo. Sikkhā karaṇīyāti tividhāpi sikkhā kātabbā. Yogādīsu yogoti payogo. Chandoti kattukamyatākusalacchando. Ussoḷhīti sabbasahaṃ adhimattavīriyaṃ. Appaṭivānīti anivattanā. Ātappanti kilesatāpanavīriyameva. Sātaccanti satatakiriyaṃ. Satīti jarāmaraṇādivasena catusaccapariggāhikā sati. Sampajaññanti tādisameva ñāṇaṃ. Appamādoti saccabhāvanāya appamādo. Sesaṃ sabbattha uttānamevāti.
ಅನ್ತರಪೇಯ್ಯಾಲೋ ನವಮೋ।
Antarapeyyālo navamo.
ನಿದಾನಸಂಯುತ್ತವಣ್ಣನಾ ನಿಟ್ಠಿತಾ।
Nidānasaṃyuttavaṇṇanā niṭṭhitā.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಸಂಯುತ್ತನಿಕಾಯ • Saṃyuttanikāya / ೧. ಸತ್ಥುಸುತ್ತಂ • 1. Satthusuttaṃ
ಟೀಕಾ • Tīkā / ಸುತ್ತಪಿಟಕ (ಟೀಕಾ) • Suttapiṭaka (ṭīkā) / ಸಂಯುತ್ತನಿಕಾಯ (ಟೀಕಾ) • Saṃyuttanikāya (ṭīkā) / ೧. ಸತ್ಥುಸುತ್ತಾದಿವಣ್ಣನಾ • 1. Satthusuttādivaṇṇanā
