| Library / Tipiṭaka / තිපිටක • Tipiṭaka / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) |
9. අන්‌තරපෙය්‍යාලං
9. Antarapeyyālaṃ
1. සත්‌ථුසුත්‌තාදිවණ්‌ණනා
1. Satthusuttādivaṇṇanā
73. ඉතො පරං ‘‘සත්‌ථා පරියෙසිතබ්‌බො’’තිආදිනයප්‌පවත්‌තා ද්‌වාදස අන්‌තරපෙය්‍යාලවග්‌ගා නාම හොන්‌ති. තෙ සබ්‌බෙපි තථා තථා බුජ්‌ඣනකානං වෙනෙය්‍යපුග්‌ගලානං අජ්‌ඣාසයවසෙන වුත්‌තා. තත්‌ථ සත්‌ථාති බුද්‌ධො වා හොතු සාවකො වා, යං නිස්‌සාය මග්‌ගඤාණං ලභති, අයං සත්‌ථා නාම, සො පරියෙසිතබ්‌බො. සික්‌ඛා කරණීයාති තිවිධාපි සික්‌ඛා කාතබ්‌බා. යොගාදීසු යොගොති පයොගො. ඡන්‌දොති කත්‌තුකම්‍යතාකුසලච්‌ඡන්‌දො. උස්‌සොළ්‌හීති සබ්‌බසහං අධිමත්‌තවීරියං. අප්‌පටිවානීති අනිවත්‌තනා. ආතප්‌පන්‌ති කිලෙසතාපනවීරියමෙව. සාතච්‌චන්‌ති සතතකිරියං. සතීති ජරාමරණාදිවසෙන චතුසච්‌චපරිග්‌ගාහිකා සති. සම්‌පජඤ්‌ඤන්‌ති තාදිසමෙව ඤාණං. අප්‌පමාදොති සච්‌චභාවනාය අප්‌පමාදො. සෙසං සබ්‌බත්‌ථ උත්‌තානමෙවාති.
73. Ito paraṃ ‘‘satthā pariyesitabbo’’tiādinayappavattā dvādasa antarapeyyālavaggā nāma honti. Te sabbepi tathā tathā bujjhanakānaṃ veneyyapuggalānaṃ ajjhāsayavasena vuttā. Tattha satthāti buddho vā hotu sāvako vā, yaṃ nissāya maggañāṇaṃ labhati, ayaṃ satthā nāma, so pariyesitabbo. Sikkhā karaṇīyāti tividhāpi sikkhā kātabbā. Yogādīsu yogoti payogo. Chandoti kattukamyatākusalacchando. Ussoḷhīti sabbasahaṃ adhimattavīriyaṃ. Appaṭivānīti anivattanā. Ātappanti kilesatāpanavīriyameva. Sātaccanti satatakiriyaṃ. Satīti jarāmaraṇādivasena catusaccapariggāhikā sati. Sampajaññanti tādisameva ñāṇaṃ. Appamādoti saccabhāvanāya appamādo. Sesaṃ sabbattha uttānamevāti.
අන්‌තරපෙය්‍යාලො නවමො.
Antarapeyyālo navamo.
නිදානසංයුත්‌තවණ්‌ණනා නිට්‌ඨිතා.
Nidānasaṃyuttavaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / සංයුත්‌තනිකාය • Saṃyuttanikāya / 1. සත්‌ථුසුත්‌තං • 1. Satthusuttaṃ
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / සංයුත්‌තනිකාය (ටීකා) • Saṃyuttanikāya (ṭīkā) / 1. සත්‌ථුසුත්‌තාදිවණ්‌ණනා • 1. Satthusuttādivaṇṇanā
