| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੯. ਅਨ੍ਤਰਪੇਯ੍ਯਾਲਂ
9. Antarapeyyālaṃ
੧. ਸਤ੍ਥੁਸੁਤ੍ਤਾਦਿવਣ੍ਣਨਾ
1. Satthusuttādivaṇṇanā
੭੩. ਇਤੋ ਪਰਂ ‘‘ਸਤ੍ਥਾ ਪਰਿਯੇਸਿਤਬ੍ਬੋ’’ਤਿਆਦਿਨਯਪ੍ਪવਤ੍ਤਾ ਦ੍વਾਦਸ ਅਨ੍ਤਰਪੇਯ੍ਯਾਲવਗ੍ਗਾ ਨਾਮ ਹੋਨ੍ਤਿ। ਤੇ ਸਬ੍ਬੇਪਿ ਤਥਾ ਤਥਾ ਬੁਜ੍ਝਨਕਾਨਂ વੇਨੇਯ੍ਯਪੁਗ੍ਗਲਾਨਂ ਅਜ੍ਝਾਸਯવਸੇਨ વੁਤ੍ਤਾ। ਤਤ੍ਥ ਸਤ੍ਥਾਤਿ ਬੁਦ੍ਧੋ વਾ ਹੋਤੁ ਸਾવਕੋ વਾ, ਯਂ ਨਿਸ੍ਸਾਯ ਮਗ੍ਗਞਾਣਂ ਲਭਤਿ, ਅਯਂ ਸਤ੍ਥਾ ਨਾਮ, ਸੋ ਪਰਿਯੇਸਿਤਬ੍ਬੋ। ਸਿਕ੍ਖਾ ਕਰਣੀਯਾਤਿ ਤਿવਿਧਾਪਿ ਸਿਕ੍ਖਾ ਕਾਤਬ੍ਬਾ। ਯੋਗਾਦੀਸੁ ਯੋਗੋਤਿ ਪਯੋਗੋ। ਛਨ੍ਦੋਤਿ ਕਤ੍ਤੁਕਮ੍ਯਤਾਕੁਸਲਚ੍ਛਨ੍ਦੋ। ਉਸ੍ਸੋਲ਼੍ਹੀਤਿ ਸਬ੍ਬਸਹਂ ਅਧਿਮਤ੍ਤવੀਰਿਯਂ। ਅਪ੍ਪਟਿવਾਨੀਤਿ ਅਨਿવਤ੍ਤਨਾ। ਆਤਪ੍ਪਨ੍ਤਿ ਕਿਲੇਸਤਾਪਨવੀਰਿਯਮੇવ। ਸਾਤਚ੍ਚਨ੍ਤਿ ਸਤਤਕਿਰਿਯਂ। ਸਤੀਤਿ ਜਰਾਮਰਣਾਦਿવਸੇਨ ਚਤੁਸਚ੍ਚਪਰਿਗ੍ਗਾਹਿਕਾ ਸਤਿ। ਸਮ੍ਪਜਞ੍ਞਨ੍ਤਿ ਤਾਦਿਸਮੇવ ਞਾਣਂ। ਅਪ੍ਪਮਾਦੋਤਿ ਸਚ੍ਚਭਾવਨਾਯ ਅਪ੍ਪਮਾਦੋ। ਸੇਸਂ ਸਬ੍ਬਤ੍ਥ ਉਤ੍ਤਾਨਮੇવਾਤਿ।
73. Ito paraṃ ‘‘satthā pariyesitabbo’’tiādinayappavattā dvādasa antarapeyyālavaggā nāma honti. Te sabbepi tathā tathā bujjhanakānaṃ veneyyapuggalānaṃ ajjhāsayavasena vuttā. Tattha satthāti buddho vā hotu sāvako vā, yaṃ nissāya maggañāṇaṃ labhati, ayaṃ satthā nāma, so pariyesitabbo. Sikkhā karaṇīyāti tividhāpi sikkhā kātabbā. Yogādīsu yogoti payogo. Chandoti kattukamyatākusalacchando. Ussoḷhīti sabbasahaṃ adhimattavīriyaṃ. Appaṭivānīti anivattanā. Ātappanti kilesatāpanavīriyameva. Sātaccanti satatakiriyaṃ. Satīti jarāmaraṇādivasena catusaccapariggāhikā sati. Sampajaññanti tādisameva ñāṇaṃ. Appamādoti saccabhāvanāya appamādo. Sesaṃ sabbattha uttānamevāti.
ਅਨ੍ਤਰਪੇਯ੍ਯਾਲੋ ਨવਮੋ।
Antarapeyyālo navamo.
ਨਿਦਾਨਸਂਯੁਤ੍ਤવਣ੍ਣਨਾ ਨਿਟ੍ਠਿਤਾ।
Nidānasaṃyuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੧. ਸਤ੍ਥੁਸੁਤ੍ਤਂ • 1. Satthusuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੧. ਸਤ੍ਥੁਸੁਤ੍ਤਾਦਿવਣ੍ਣਨਾ • 1. Satthusuttādivaṇṇanā
