| Library / Tipiṭaka / തിപിടക • Tipiṭaka / സംയുത്തനികായ (ടീകാ) • Saṃyuttanikāya (ṭīkā) |
൯. അന്തരപേയ്യാലവഗ്ഗോ
9. Antarapeyyālavaggo
൧. സത്ഥുസുത്താദിവണ്ണനാ
1. Satthusuttādivaṇṇanā
൭൩. അയം സത്ഥാ നാമാതി അയം അരിയമഗ്ഗസ്സ അത്ഥായ സാസതി വിമുത്തിധമ്മം അനുസാസതീതി സത്ഥാ നാമ. അധിസീലാദിവസേന തിവിധാപി സിക്ഖാ. യോഗോതി ഭാവനാനുയോഗോ. ഛന്ദോതി നിയ്യാനേതാ കത്തുകമ്യതാകുസലച്ഛന്ദോ. സബ്ബം ഭാവനായ പരിസ്സയം സഹതി, സബ്ബം വാസ്സ ഉപകാരാവഹം സഹതി വാഹേതീതി സബ്ബസഹം. അപ്പടിവാനീതി ന പടിനിവത്തതീതി അപ്പടിവാനീ. അന്തരായ സഹനം മോഹനാസനവീരിയം ആതപ്പതി കിലേസേതി ആതപ്പം. വിധിനാ ഈരേതബ്ബത്താ പവത്തേതബ്ബത്താ വീരിയം. സതതം പവത്തിയമാനഭാവനാനുയോഗകമ്മം സാതച്ചന്തി ആഹ ‘‘സതതകിരിയ’’ന്തി. താദിസമേവാതി യാദിസീ സതി വുത്താ, താദിസമേവ ഞാണം, ജരാമരണാദിവസേന ചതുസച്ചപരിഗ്ഗാഹകം ഞാണന്തി അത്ഥോ.
73.Ayaṃsatthā nāmāti ayaṃ ariyamaggassa atthāya sāsati vimuttidhammaṃ anusāsatīti satthā nāma. Adhisīlādivasena tividhāpi sikkhā. Yogoti bhāvanānuyogo. Chandoti niyyānetā kattukamyatākusalacchando. Sabbaṃ bhāvanāya parissayaṃ sahati, sabbaṃ vāssa upakārāvahaṃ sahati vāhetīti sabbasahaṃ. Appaṭivānīti na paṭinivattatīti appaṭivānī. Antarāya sahanaṃ mohanāsanavīriyaṃ ātappati kileseti ātappaṃ. Vidhinā īretabbattā pavattetabbattā vīriyaṃ. Satataṃ pavattiyamānabhāvanānuyogakammaṃ sātaccanti āha ‘‘satatakiriya’’nti. Tādisamevāti yādisī sati vuttā, tādisameva ñāṇaṃ, jarāmaraṇādivasena catusaccapariggāhakaṃ ñāṇanti attho.
അന്തരപേയ്യാലവഗ്ഗവണ്ണനാ നിട്ഠിതാ.
Antarapeyyālavaggavaṇṇanā niṭṭhitā.
സാരത്ഥപ്പകാസിനിയാ സംയുത്തനികായ-അട്ഠകഥായ
Sāratthappakāsiniyā saṃyuttanikāya-aṭṭhakathāya
നിദാനസംയുത്തവണ്ണനായ ലീനത്ഥപ്പകാസനാ സമത്താ.
Nidānasaṃyuttavaṇṇanāya līnatthappakāsanā samattā.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / സംയുത്തനികായ • Saṃyuttanikāya / ൧. സത്ഥുസുത്തം • 1. Satthusuttaṃ
അട്ഠകഥാ • Aṭṭhakathā / സുത്തപിടക (അട്ഠകഥാ) • Suttapiṭaka (aṭṭhakathā) / സംയുത്തനികായ (അട്ഠകഥാ) • Saṃyuttanikāya (aṭṭhakathā) / ൧. സത്ഥുസുത്താദിവണ്ണനാ • 1. Satthusuttādivaṇṇanā
