| Library / Tipiṭaka / තිපිටක • Tipiṭaka / සංයුත්‌තනිකාය • Saṃyuttanikāya |
9. අන්‌තරපෙය්‍යාලං
9. Antarapeyyālaṃ
1. සත්‌ථුසුත්‌තං
1. Satthusuttaṃ
73. සාවත්‌ථියං විහරති…පෙ.… ‘‘ජරාමරණං, භික්‌ඛවෙ, අජානතා අපස්‌සතා යථාභූතං ජරාමරණෙ යථාභූතං ඤාණාය සත්‌ථා පරියෙසිතබ්‌බො; ජරාමරණසමුදයං අජානතා අපස්‌සතා යථාභූතං ජරාමරණසමුදයෙ යථාභූතං ඤාණාය සත්‌ථා පරියෙසිතබ්‌බො; ජරාමරණනිරොධං අජානතා අපස්‌සතා යථාභූතං ජරාමරණනිරොධෙ යථාභූතං ඤාණාය සත්‌ථා පරියෙසිතබ්‌බො; ජරාමරණනිරොධගාමිනිං පටිපදං අජානතා අපස්‌සතා යථාභූතං ජරාමරණනිරොධගාමිනියා පටිපදාය යථාභූතං ඤාණාය සත්‌ථා පරියෙසිතබ්‌බො’’ති. (සුත්‌තන්‌තො එකො). පඨමං.
73. Sāvatthiyaṃ viharati…pe… ‘‘jarāmaraṇaṃ, bhikkhave, ajānatā apassatā yathābhūtaṃ jarāmaraṇe yathābhūtaṃ ñāṇāya satthā pariyesitabbo; jarāmaraṇasamudayaṃ ajānatā apassatā yathābhūtaṃ jarāmaraṇasamudaye yathābhūtaṃ ñāṇāya satthā pariyesitabbo; jarāmaraṇanirodhaṃ ajānatā apassatā yathābhūtaṃ jarāmaraṇanirodhe yathābhūtaṃ ñāṇāya satthā pariyesitabbo; jarāmaraṇanirodhagāminiṃ paṭipadaṃ ajānatā apassatā yathābhūtaṃ jarāmaraṇanirodhagāminiyā paṭipadāya yathābhūtaṃ ñāṇāya satthā pariyesitabbo’’ti. (Suttanto eko). Paṭhamaṃ.
(සබ්‌බෙසං පෙය්‍යාලො එවං විත්‌ථාරෙතබ්‌බො)
(Sabbesaṃ peyyālo evaṃ vitthāretabbo)
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 1. සත්‌ථුසුත්‌තාදිවණ්‌ණනා • 1. Satthusuttādivaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / සංයුත්‌තනිකාය (ටීකා) • Saṃyuttanikāya (ṭīkā) / 1. සත්‌ථුසුත්‌තාදිවණ්‌ණනා • 1. Satthusuttādivaṇṇanā
