Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā

[503] 7. сад̇д̇иг̇умб̣аж̇аад̇агаван̣н̣анаа

[503] 7. Sattigumbajātakavaṇṇanā

миг̇алуд̣̇д̣̇о махаарааж̇аад̇и ид̣̇ам̣ сад̇т̇аа мад̣̇д̣̇агужчисмим̣ миг̇ад̣̇ааяз вихаранд̇о д̣̇звад̣̇ад̇д̇ам̣ аараб̣бха гат̇зси. д̣̇звад̣̇ад̇д̇зна хи силааяа бавид̣̇д̇хааяа бхаг̇авад̇о баад̣̇з сагалигааяа кад̇з б̣алававзд̣̇анаа уббаж̇ж̇и. д̇ат̇ааг̇ад̇асса д̣̇ассанад̇т̇ааяа б̣ахуу бхигкуу саннибад̇им̣су. ат̇а бхаг̇аваа барисам̣ саннибад̇ид̇ам̣ д̣̇исваа ‘‘бхигкавз, ид̣̇ам̣ сзнаасанам̣ ад̇исамб̣аад̇хам̣, саннибаад̇о махаа бхависсад̇и, мам̣ ман̃жасивигааяа мад̣̇д̣̇агужчим̣ нзт̇аа’’д̇и ааха. бхигкуу д̇ат̇аа гарим̣су. ж̇ийваго д̇ат̇ааг̇ад̇асса баад̣̇ам̣ паасугам̣ агааси. бхигкуу сад̇т̇у санд̇игз нисиннаава гат̇ам̣ самудтаабзсум̣ ‘‘аавусо, д̣̇звад̣̇ад̇д̇о саяамби баабо, барисаабисса баабаа, ид̇и со баабо баабабариваарова вихарад̇ий’’д̇и. сад̇т̇аа ‘‘гим̣ гат̇зт̇а, бхигкавз’’д̇и бужчид̇ваа ‘‘ид̣̇ам̣ наамаа’’д̇и вуд̇д̇з ‘‘на, бхигкавз, ид̣̇аанзва, буб̣б̣зби д̣̇звад̣̇ад̇д̇о баабо баабабариваароязваа’’д̇и вад̇ваа ад̇ийд̇ам̣ аахари.

Migaluddomahārājāti idaṃ satthā maddakucchismiṃ migadāye viharanto devadattaṃ ārabbha kathesi. Devadattena hi silāya paviddhāya bhagavato pāde sakalikāya khate balavavedanā uppajji. Tathāgatassa dassanatthāya bahū bhikkhū sannipatiṃsu. Atha bhagavā parisaṃ sannipatitaṃ disvā ‘‘bhikkhave, idaṃ senāsanaṃ atisambādhaṃ, sannipāto mahā bhavissati, maṃ mañcasivikāya maddakucchiṃ nethā’’ti āha. Bhikkhū tathā kariṃsu. Jīvako tathāgatassa pādaṃ phāsukaṃ akāsi. Bhikkhū satthu santike nisinnāva kathaṃ samuṭṭhāpesuṃ ‘‘āvuso, devadatto sayampi pāpo, parisāpissa pāpā, iti so pāpo pāpaparivārova viharatī’’ti. Satthā ‘‘kiṃ kathetha, bhikkhave’’ti pucchitvā ‘‘idaṃ nāmā’’ti vutte ‘‘na, bhikkhave, idāneva, pubbepi devadatto pāpo pāpaparivāroyevā’’ti vatvā atītaṃ āhari.

ад̇ийд̇з уд̇д̇арабан̃жааланаг̇арз бан̃жаало наама рааж̇аа раж̇ж̇ам̣ гаарзси. махаасад̇д̇о аран̃н̃ааяад̇анз згасмим̣ саанубаб̣б̣ад̇з симб̣аливанз згасса суваран̃н̃о буд̇д̇о худ̇ваа ниб̣б̣ад̇д̇и, д̣̇вз бхаад̇аро ахзсум̣. д̇асса бана баб̣б̣ад̇асса убариваад̇з жораг̇аамаго ахоси бан̃жаннам̣ жорасад̇аанам̣ ниваасо, ад̇ховаад̇з ассамо бан̃жаннам̣ исисад̇аанам̣ ниваасо. д̇зсам̣ сувабод̇агаанам̣ багканигкаманагаалз ваад̇аман̣д̣алигаа уд̣̇абаад̣̇и. д̇ааяа бахадо зго сувабод̇аго жораг̇аамагз жораанам̣ аавуд̇ханд̇арз бад̇ид̇о, д̇асса д̇ад̇т̇а бад̇ид̇ад̇д̇аа ‘‘сад̇д̇иг̇умб̣о’’д̇взва наамам̣ гарим̣су. зго ассамз ваалугад̇алз бубпанд̇арз бад̇и, д̇асса д̇ад̇т̇а бад̇ид̇ад̇д̇аа ‘‘бубпаго’’д̇взва наамам̣ гарим̣су. сад̇д̇иг̇умб̣о жораанам̣ анд̇арз вад̣дхид̇о, бубпаго исийнам̣.

Atīte uttarapañcālanagare pañcālo nāma rājā rajjaṃ kāresi. Mahāsatto araññāyatane ekasmiṃ sānupabbate simbalivane ekassa suvarañño putto hutvā nibbatti, dve bhātaro ahesuṃ. Tassa pana pabbatassa uparivāte coragāmako ahosi pañcannaṃ corasatānaṃ nivāso, adhovāte assamo pañcannaṃ isisatānaṃ nivāso. Tesaṃ suvapotakānaṃ pakkhanikkhamanakāle vātamaṇḍalikā udapādi. Tāya pahaṭo eko suvapotako coragāmake corānaṃ āvudhantare patito, tassa tattha patitattā ‘‘sattigumbo’’tveva nāmaṃ kariṃsu. Eko assame vālukatale pupphantare pati, tassa tattha patitattā ‘‘pupphako’’tveva nāmaṃ kariṃsu. Sattigumbo corānaṃ antare vaḍḍhito, pupphako isīnaṃ.

ат̇згад̣̇ивасам̣ рааж̇аа саб̣б̣аалан̇гаарабадиман̣д̣ид̇о рат̇аварам̣ абхирухид̇ваа маханд̇зна бариваарзна миг̇авад̇хааяа наг̇арад̇о наад̇ид̣̇уурз субубпид̇апалид̇ам̣ раман̣ийяам̣ убаг̇умб̣аванам̣ г̇анд̇ваа ‘‘яасса бассзна миг̇о балааяад̇и, д̇ассзва г̇ийваа’’д̇и вад̇ваа рат̇аа оруяха бадижчаад̣̇зд̇ваа д̣̇иннз годтагз д̇ханум̣ аад̣̇ааяа адтааси. бурисзхи миг̇аанам̣ удтаабанад̇т̇ааяа ванаг̇умб̣зсу бот̇ияамаанзсу зго зн̣имиг̇о удтааяа г̇аманамаг̇г̇ам̣ ологзнд̇о ран̃н̃о тид̇адтаанассзва вивид̇д̇ад̇ам̣ д̣̇исваа д̇ад̣̇абхимуко багканд̣̇ид̇ваа балааяи. амажжаа ‘‘гасса бассзна миг̇о балааяид̇о’’д̇и бужчанд̇аа ‘‘ран̃н̃о бассзнаа’’д̇и н̃ад̇ваа ран̃н̃аа сад̣̇д̇хим̣ гзл̣им̣ гарим̣су. рааж̇аа асмимаанзна д̇зсам̣ гзл̣им̣ асаханд̇о ‘‘ид̣̇аани д̇ам̣ миг̇ам̣ г̇ахзссаамий’’д̇и рат̇ам̣ ааруяха ‘‘сийгхам̣ бзсзхий’’д̇и саарат̇им̣ аан̣аабзд̇ваа миг̇зна г̇ад̇амаг̇г̇ам̣ бадибаж̇ж̇и. рат̇ам̣ взг̇зна г̇ажчанд̇ам̣ барисаа ануб̣анд̇хид̇ум̣ наасагки. рааж̇аа саарат̇ид̣̇уд̇ияо яаава маж̇жханхигаа г̇анд̇ваа д̇ам̣ миг̇ам̣ ад̣̇исваа нивад̇д̇анд̇о д̇асса жораг̇аамасса санд̇игз раман̣ийяам̣ ганд̣̇арам̣ д̣̇исваа рат̇аа оруяха нхад̇ваа жа бивид̇ваа жа бажжуд̇д̇ари. ат̇асса саарат̇и рат̇асса уд̇д̇арад̇т̇аран̣ам̣ од̇аарзд̇ваа саяанам̣ ругкажчааяааяа бан̃н̃абзси, со д̇ад̇т̇а нибаж̇ж̇и. саарат̇иби д̇асса баад̣̇з самб̣ааханд̇о нисийд̣̇и. рааж̇аа анд̇аранд̇араа нид̣̇д̣̇ааяад̇и жзва баб̣уж̇жхад̇и жа.

Athekadivasaṃ rājā sabbālaṅkārapaṭimaṇḍito rathavaraṃ abhiruhitvā mahantena parivārena migavadhāya nagarato nātidūre supupphitaphalitaṃ ramaṇīyaṃ upagumbavanaṃ gantvā ‘‘yassa passena migo palāyati, tasseva gīvā’’ti vatvā rathā oruyha paṭicchādetvā dinne koṭṭhake dhanuṃ ādāya aṭṭhāsi. Purisehi migānaṃ uṭṭhāpanatthāya vanagumbesu pothiyamānesu eko eṇimigo uṭṭhāya gamanamaggaṃ olokento rañño ṭhitaṭṭhānasseva vivittataṃ disvā tadabhimukho pakkhanditvā palāyi. Amaccā ‘‘kassa passena migo palāyito’’ti pucchantā ‘‘rañño passenā’’ti ñatvā raññā saddhiṃ keḷiṃ kariṃsu. Rājā asmimānena tesaṃ keḷiṃ asahanto ‘‘idāni taṃ migaṃ gahessāmī’’ti rathaṃ āruyha ‘‘sīghaṃ pesehī’’ti sārathiṃ āṇāpetvā migena gatamaggaṃ paṭipajji. Rathaṃ vegena gacchantaṃ parisā anubandhituṃ nāsakkhi. Rājā sārathidutiyo yāva majjhanhikā gantvā taṃ migaṃ adisvā nivattanto tassa coragāmassa santike ramaṇīyaṃ kandaraṃ disvā rathā oruyha nhatvā ca pivitvā ca paccuttari. Athassa sārathi rathassa uttarattharaṇaṃ otāretvā sayanaṃ rukkhacchāyāya paññapesi, so tattha nipajji. Sārathipi tassa pāde sambāhanto nisīdi. Rājā antarantarā niddāyati ceva pabujjhati ca.

жораг̇аамаваасино жорааби ран̃н̃о аарагкан̣ад̇т̇ааяа аран̃н̃амзва бависим̣су. жораг̇аамагз сад̇д̇иг̇умб̣о жзва бхад̇д̇аранд̇хаго бад̇иголамб̣о наамзго бурисо жаад̇и д̣̇взва охийяим̣су. д̇асмим̣ кан̣з сад̇д̇иг̇умб̣о г̇аамагаа нигкамид̇ваа рааж̇аанам̣ д̣̇исваа ‘‘имам̣ нид̣̇д̣̇ааяамаанамзва маарзд̇ваа аабхаран̣аани г̇ахзссаамаа’’д̇и жинд̇зд̇ваа бад̇иголамб̣асса санд̇игам̣ г̇анд̇ваа д̇ам̣ гааран̣ам̣ аарожзси. д̇амад̇т̇ам̣ багаасзнд̇о сад̇т̇аа бан̃жа г̇аат̇аа абхааси –

Coragāmavāsino corāpi rañño ārakkhaṇatthāya araññameva pavisiṃsu. Coragāmake sattigumbo ceva bhattarandhako patikolambo nāmeko puriso cāti dveva ohīyiṃsu. Tasmiṃ khaṇe sattigumbo gāmakā nikkhamitvā rājānaṃ disvā ‘‘imaṃ niddāyamānameva māretvā ābharaṇāni gahessāmā’’ti cintetvā patikolambassa santikaṃ gantvā taṃ kāraṇaṃ ārocesi. Tamatthaṃ pakāsento satthā pañca gāthā abhāsi –

159.

‘‘миг̇алуд̣̇д̣̇о махаарааж̇аа, бан̃жаалаанам̣ рат̇зсабхо;

‘‘Migaluddo mahārājā, pañcālānaṃ rathesabho;

нигканд̇о саха сзнааяа, ог̇ан̣о ванамааг̇амаа.

Nikkhanto saha senāya, ogaṇo vanamāgamā.

160.

‘‘д̇ад̇т̇ад̣̇д̣̇асаа аран̃н̃асмим̣, д̇аггараанам̣ гудим̣ гад̇ам̣;

‘‘Tatthaddasā araññasmiṃ, takkarānaṃ kuṭiṃ kataṃ;

д̇ассаа гудияаа нигкамма, суво луд̣̇д̣̇аани бхаасад̇и.

Tassā kuṭiyā nikkhamma, suvo luddāni bhāsati.

161.

‘‘самбаннаваахано босо, яуваа саммадтагун̣д̣ало;

‘‘Sampannavāhano poso, yuvā sammaṭṭhakuṇḍalo;

собхад̇и лохид̇ун̣хийсо, д̣̇иваа суурияова бхаасад̇и.

Sobhati lohituṇhīso, divā sūriyova bhāsati.

162.

‘‘маж̇жханхигз самбад̇игз, суд̇д̇о рааж̇аа сасаарат̇и;

‘‘Majjhanhike sampatike, sutto rājā sasārathi;

ханд̣̇ассаабхаран̣ам̣ саб̣б̣ам̣, г̇ан̣хаама саахасаа маяам̣.

Handassābharaṇaṃ sabbaṃ, gaṇhāma sāhasā mayaṃ.

163.

‘‘нисийт̇зби раход̣̇аани, суд̇д̇о рааж̇аа сасаарат̇и;

‘‘Nisīthepi rahodāni, sutto rājā sasārathi;

аад̣̇ааяа вад̇т̇ам̣ ман̣игун̣д̣алан̃жа, ханд̇ваана саакаахи авад̇т̇араамаа’’д̇и.

Ādāya vatthaṃ maṇikuṇḍalañca, hantvāna sākhāhi avattharāmā’’ti.

д̇ад̇т̇а миг̇алуд̣̇д̣̇од̇и луд̣̇д̣̇о вияа миг̇аанам̣ г̇авзсанад̇о ‘‘миг̇алуд̣̇д̣̇о’’д̇и вуд̇д̇о. ог̇ан̣од̇и г̇ан̣аа охийно барихийно худ̇ваа. д̇аггараанам̣ гудим̣ гад̇анд̇и со рааж̇аа д̇ад̇т̇а аран̃н̃з жораанам̣ васанад̇т̇ааяа гад̇ам̣ г̇аамагам̣ ад̣̇д̣̇аса. д̇ассаад̇и д̇ад̇о жорагудид̇о. луд̣̇д̣̇аани бхаасад̇ийд̇и бад̇иголамб̣зна сад̣̇д̇хим̣ д̣̇аарун̣аани важанаани гат̇зд̇и. самбаннавааханод̇и самбаннаассаваахано. лохид̇ун̣хийсод̇и рад̇д̇зна ун̣хийсабаддзна саманнааг̇ад̇о. самбад̇игзд̇и самбад̇и ид̣̇аани, зваруубз тид̇амаж̇жханхигагаалзд̇и ад̇т̇о. саахасаад̇и саахасзна басаяхаагаарам̣ гад̇ваа г̇ан̣хаамаад̇и вад̣̇ад̇и. нисийт̇зби раход̣̇аанийд̇и нисийт̇зби ид̣̇ааниби рахо. ид̣̇ам̣ вад̣̇ад̇и – яат̇аа нисийт̇з ад̣дхарад̇д̇асамаяз мануссаа гиланд̇аа саяанд̇и, рахо наама ход̇и, ид̣̇аани тид̇амаж̇жханхигзби гаалз д̇ат̇зваад̇и. ханд̇ваанаад̇и рааж̇аанам̣ маарзд̇ваа вад̇т̇аабхаран̣аанисса г̇ахзд̇ваа ат̇а нам̣ баад̣̇з г̇ахзд̇ваа гад̣дхид̇ваа згаманд̇з саакаахи бадижчаад̣̇змаад̇и.

Tattha migaluddoti luddo viya migānaṃ gavesanato ‘‘migaluddo’’ti vutto. Ogaṇoti gaṇā ohīno parihīno hutvā. Takkarānaṃ kuṭiṃ katanti so rājā tattha araññe corānaṃ vasanatthāya kataṃ gāmakaṃ addasa. Tassāti tato corakuṭito. Luddāni bhāsatīti patikolambena saddhiṃ dāruṇāni vacanāni katheti. Sampannavāhanoti sampannaassavāhano. Lohituṇhīsoti rattena uṇhīsapaṭṭena samannāgato. Sampatiketi sampati idāni, evarūpe ṭhitamajjhanhikakāleti attho. Sāhasāti sāhasena pasayhākāraṃ katvā gaṇhāmāti vadati. Nisīthepi rahodānīti nisīthepi idānipi raho. Idaṃ vadati – yathā nisīthe aḍḍharattasamaye manussā kilantā sayanti, raho nāma hoti, idāni ṭhitamajjhanhikepi kāle tathevāti. Hantvānāti rājānaṃ māretvā vatthābharaṇānissa gahetvā atha naṃ pāde gahetvā kaḍḍhitvā ekamante sākhāhi paṭicchādemāti.

ид̇и со взг̇зна сагим̣ нигкамад̇и, сагим̣ бад̇иголамб̣асса санд̇игам̣ г̇ажчад̇и. со д̇асса важанам̣ суд̇ваа нигкамид̇ваа ологзнд̇о рааж̇абхаавам̣ н̃ад̇ваа бхийд̇о г̇аат̇амааха –

Iti so vegena sakiṃ nikkhamati, sakiṃ patikolambassa santikaṃ gacchati. So tassa vacanaṃ sutvā nikkhamitvā olokento rājabhāvaṃ ñatvā bhīto gāthamāha –

164.

‘‘гинну уммад̇д̇аруубова, сад̇д̇иг̇умб̣а бабхаасаси;

‘‘Kinnu ummattarūpova, sattigumba pabhāsasi;

д̣̇ураасад̣̇аа хи рааж̇аано, аг̇г̇и баж̇ж̇алид̇о яат̇аа’’д̇и.

Durāsadā hi rājāno, aggi pajjalito yathā’’ti.

ат̇а нам̣ суво г̇аат̇ааяа аж̇жхабхааси –

Atha naṃ suvo gāthāya ajjhabhāsi –

165.

‘‘ат̇а д̇вам̣ бад̇иголамб̣а, мад̇д̇о т̇уллаани г̇аж̇ж̇аси;

‘‘Atha tvaṃ patikolamba, matto thullāni gajjasi;

маад̇ари маяха наг̇г̇ааяа, гинну д̇вам̣ виж̇иг̇ужчасз’’д̇и.

Mātari mayha naggāya, kinnu tvaṃ vijigucchase’’ti.

д̇ад̇т̇а ат̇а д̇ванд̇и нану д̇вам̣. мад̇д̇од̇и жораанам̣ ужчидтасурам̣ лабхид̇ваа д̇ааяа мад̇д̇о худ̇ваа буб̣б̣з махааг̇аж̇ж̇ид̇аани г̇аж̇ж̇аси. маад̇арийд̇и жораж̇здтагасса бхарияам̣ санд̇хааяааха. саа гира д̇ад̣̇аа саакаабхан̇г̇ам̣ ниваасзд̇ваа жарад̇и. виж̇иг̇ужчасзд̇и мама маад̇ари наг̇г̇ааяа гинну д̇вам̣ ид̣̇аани жорагаммам̣ ж̇иг̇ужчаси, гаад̇ум̣ на ижчасийд̇и.

Tattha atha tvanti nanu tvaṃ. Mattoti corānaṃ ucchiṭṭhasuraṃ labhitvā tāya matto hutvā pubbe mahāgajjitāni gajjasi. Mātarīti corajeṭṭhakassa bhariyaṃ sandhāyāha. Sā kira tadā sākhābhaṅgaṃ nivāsetvā carati. Vijigucchaseti mama mātari naggāya kinnu tvaṃ idāni corakammaṃ jigucchasi, kātuṃ na icchasīti.

рааж̇аа баб̣уж̇жхид̇ваа д̇асса д̇зна сад̣̇д̇хим̣ мануссабхаасааяа гат̇знд̇асса важанам̣ суд̇ваа ‘‘саббадибхаяам̣ ид̣̇ам̣ таана’’нд̇и саарат̇им̣ удтаабзнд̇о г̇аат̇амааха –

Rājā pabujjhitvā tassa tena saddhiṃ manussabhāsāya kathentassa vacanaṃ sutvā ‘‘sappaṭibhayaṃ idaṃ ṭhāna’’nti sārathiṃ uṭṭhāpento gāthamāha –

166.

‘‘удтзхи самма д̇арамаано, рат̇ам̣ яож̇зхи саарат̇и;

‘‘Uṭṭhehi samma taramāno, rathaṃ yojehi sārathi;

сагун̣о мз на ружжад̇и, ан̃н̃ам̣ г̇ажчаама ассама’’нд̇и.

Sakuṇo me na ruccati, aññaṃ gacchāma assama’’nti.

соби сийгхам̣ удтахид̇ваа рат̇ам̣ яож̇зд̇ваа г̇аат̇амааха –

Sopi sīghaṃ uṭṭhahitvā rathaṃ yojetvā gāthamāha –

167.

‘‘яуд̇д̇о рат̇о махаарааж̇а, яуд̇д̇о жа б̣алаваахано;

‘‘Yutto ratho mahārāja, yutto ca balavāhano;

ад̇хид̇идта махаарааж̇а, ан̃н̃ам̣ г̇ажчаама ассама’’нд̇и.

Adhitiṭṭha mahārāja, aññaṃ gacchāma assama’’nti.

д̇ад̇т̇а б̣алавааханод̇и б̣алававаахано, махаат̇аамаассасамбаннод̇и ад̇т̇о. ад̇хид̇идтаад̇и абхируха.

Tattha balavāhanoti balavavāhano, mahāthāmaassasampannoti attho. Adhitiṭṭhāti abhiruha.

абхирул̣хамад̇д̇зязва жа д̇асмим̣ синд̇хаваа ваад̇авзг̇зна багканд̣̇им̣су. сад̇д̇иг̇умб̣о рат̇ам̣ г̇ажчанд̇ам̣ д̣̇исваа сам̣взг̇аббад̇д̇о д̣̇вз г̇аат̇аа абхааси –

Abhiruḷhamatteyeva ca tasmiṃ sindhavā vātavegena pakkhandiṃsu. Sattigumbo rathaṃ gacchantaṃ disvā saṃvegappatto dve gāthā abhāsi –

168.

‘‘го нумзва г̇ад̇аа саб̣б̣з, яз асмим̣ барижаарагаа;

‘‘Ko numeva gatā sabbe, ye asmiṃ paricārakā;

зса г̇ажчад̇и бан̃жаало, муд̇д̇о д̇зсам̣ ад̣̇ассанаа.

Esa gacchati pañcālo, mutto tesaṃ adassanā.

169.

‘‘год̣̇ан̣д̣агаани г̇ан̣хат̇а, сад̇д̇ияо д̇омараани жа;

‘‘Kodaṇḍakāni gaṇhatha, sattiyo tomarāni ca;

зса г̇ажчад̇и бан̃жаало, маа во мун̃жид̇т̇а ж̇ийвад̇а’’нд̇и.

Esa gacchati pañcālo, mā vo muñcittha jīvata’’nti.

д̇ад̇т̇а го нумзд̇и гухим̣ ну имз. асминд̇и имасмим̣ ассамз. барижаарагаад̇и жораа. ад̣̇ассанаад̇и зд̇зсам̣ жораанам̣ ад̣̇ассанзна муд̇д̇о зса г̇ажчад̇ийд̇и, зд̇зсам̣ хад̇т̇ад̇о муд̇д̇о худ̇ваа зса ад̣̇ассанам̣ г̇ажчад̇ийд̇иби ад̇т̇о. год̣̇ан̣д̣агаанийд̇и д̇ханууни. ж̇ийвад̇анд̇и д̇умхаагам̣ ж̇ийванд̇аанам̣ маа мун̃жид̇т̇а, аавуд̇хахад̇т̇аа д̇хаавид̇ваа г̇ан̣хат̇а нанд̇и.

Tattha ko numeti kuhiṃ nu ime. Asminti imasmiṃ assame. Paricārakāti corā. Adassanāti etesaṃ corānaṃ adassanena mutto esa gacchatīti, etesaṃ hatthato mutto hutvā esa adassanaṃ gacchatītipi attho. Kodaṇḍakānīti dhanūni. Jīvatanti tumhākaṃ jīvantānaṃ mā muñcittha, āvudhahatthā dhāvitvā gaṇhatha nanti.

звам̣ д̇асса виравид̇ваа абараабарам̣ д̇хааванд̇ассзва рааж̇аа исийнам̣ ассамам̣ бад̇д̇о. д̇асмим̣ кан̣з исаяо палаапалад̇т̇ааяа г̇ад̇аа . зго бубпагасувова ассамабад̣̇з тид̇о ход̇и. со рааж̇аанам̣ д̣̇исваа бажжуг̇г̇аманам̣ гад̇ваа бадисант̇аарамагааси. д̇амад̇т̇ам̣ багаасзнд̇о сад̇т̇аа жад̇ассо г̇аат̇аа абхааси –

Evaṃ tassa viravitvā aparāparaṃ dhāvantasseva rājā isīnaṃ assamaṃ patto. Tasmiṃ khaṇe isayo phalāphalatthāya gatā . Eko pupphakasuvova assamapade ṭhito hoti. So rājānaṃ disvā paccuggamanaṃ katvā paṭisanthāramakāsi. Tamatthaṃ pakāsento satthā catasso gāthā abhāsi –

170.

‘‘ат̇аабаро бадинанд̣̇ид̇т̇а, суво лохид̇ад̇ун̣д̣аго;

‘‘Athāparo paṭinandittha, suvo lohitatuṇḍako;

свааг̇ад̇ам̣ д̇з махаарааж̇а, ат̇о д̇з ад̣̇урааг̇ад̇ам̣;

Svāgataṃ te mahārāja, atho te adurāgataṃ;

иссароси ануббад̇д̇о, яам̣ ид̇хад̇т̇и бавзд̣̇аяа.

Issarosi anuppatto, yaṃ idhatthi pavedaya.

171.

‘‘д̇ин̣д̣угаани бияаалаани, мад̇хугз гаасумаарияо;

‘‘Tiṇḍukāni piyālāni, madhuke kāsumāriyo;

палаани куд̣̇д̣̇агаббаани, бхун̃ж̇а рааж̇а варам̣ варам̣.

Phalāni khuddakappāni, bhuñja rāja varaṃ varaṃ.

172.

‘‘ид̣̇амби баанийяам̣ сийд̇ам̣, аабхад̇ам̣ г̇ириг̇аб̣бхараа;

‘‘Idampi pānīyaṃ sītaṃ, ābhataṃ girigabbharā;

д̇ад̇о бива махаарааж̇а, сажз д̇вам̣ абхиган̇каси.

Tato piva mahārāja, sace tvaṃ abhikaṅkhasi.

173.

‘‘аран̃н̃ам̣ ун̃чааяа г̇ад̇аа, яз асмим̣ барижаарагаа;

‘‘Araññaṃ uñchāya gatā, ye asmiṃ paricārakā;

саяам̣ удтааяа г̇ан̣хавхо, хад̇т̇аа мз над̇т̇и д̣̇аад̇авз’’д̇и.

Sayaṃ uṭṭhāya gaṇhavho, hatthā me natthi dātave’’ti.

д̇ад̇т̇а бадинанд̣̇ид̇т̇аад̇и рааж̇аанам̣ д̣̇исваава д̇усси. лохид̇ад̇ун̣д̣агод̇и рад̇д̇ад̇ун̣д̣о собхаг̇г̇аббад̇д̇о . мад̇хугзд̇и мад̇хугапалаани. гаасумаарияод̇и звам̣наамагаани палаани, гаарапалаани ваа. д̇ад̇о биваад̇и д̇ад̇о баанийяамаал̣ад̇о г̇ахзд̇ваа баанийяам̣ бива. яз асмим̣ барижаарагаад̇и махаарааж̇а, яз имасмим̣ ассамз вижаран̣агаа исаяо, д̇з аран̃н̃ам̣ ун̃чааяа г̇ад̇аа. г̇ан̣хавход̇и палаапалаани г̇ан̣хат̇а. д̣̇аад̇авзд̇и д̣̇аад̇ум̣.

Tattha paṭinanditthāti rājānaṃ disvāva tussi. Lohitatuṇḍakoti rattatuṇḍo sobhaggappatto . Madhuketi madhukaphalāni. Kāsumāriyoti evaṃnāmakāni phalāni, kāraphalāni vā. Tato pivāti tato pānīyamāḷato gahetvā pānīyaṃ piva. Ye asmiṃ paricārakāti mahārāja, ye imasmiṃ assame vicaraṇakā isayo, te araññaṃ uñchāya gatā. Gaṇhavhoti phalāphalāni gaṇhatha. Dātaveti dātuṃ.

рааж̇аа д̇асса бадисант̇аарз басийд̣̇ид̇ваа г̇аат̇аад̣̇ваяамааха –

Rājā tassa paṭisanthāre pasīditvā gāthādvayamāha –

174.

‘‘бхад̣̇д̣̇аго вад̇аяам̣ багкий, д̣̇иж̇о барамад̇хаммиго;

‘‘Bhaddako vatayaṃ pakkhī, dijo paramadhammiko;

ат̇зсо ид̇аро багкий, суво луд̣̇д̣̇аани бхаасад̇и.

Atheso itaro pakkhī, suvo luddāni bhāsati.

175.

‘‘‘зд̇ам̣ ханат̇а б̣анд̇хат̇а, маа во мун̃жид̇т̇а ж̇ийвад̇ам̣’;

‘‘‘Etaṃ hanatha bandhatha, mā vo muñcittha jīvataṃ’;

ижжзвам̣ вилабанд̇асса, сод̇т̇им̣ бад̇д̇осми ассама’’нд̇и.

Iccevaṃ vilapantassa, sotthiṃ pattosmi assama’’nti.

д̇ад̇т̇а ид̇арод̇и жорагудияам̣ суваго. ижжзванд̇и ахам̣ бана д̇асса звам̣ вилабанд̇ассзва имам̣ ассамам̣ сод̇т̇инаа бад̇д̇о.

Tattha itaroti corakuṭiyaṃ suvako. Iccevanti ahaṃ pana tassa evaṃ vilapantasseva imaṃ assamaṃ sotthinā patto.

ран̃н̃о гат̇ам̣ суд̇ваа бубпаго д̣̇вз г̇аат̇аа абхааси –

Rañño kathaṃ sutvā pupphako dve gāthā abhāsi –

176.

‘‘бхаад̇аросма махаарааж̇а, сод̣̇арияаа згамаад̇угаа;

‘‘Bhātarosma mahārāja, sodariyā ekamātukā;

згаругкасмим̣ сам̣вад̣дхаа, наанаакзд̇д̇аг̇ад̇аа убхо.

Ekarukkhasmiṃ saṃvaḍḍhā, nānākhettagatā ubho.

177.

‘‘сад̇д̇иг̇умб̣о жа жораанам̣, ахан̃жа исинам̣ ид̇ха;

‘‘Sattigumbo ca corānaṃ, ahañca isinaṃ idha;

асад̇ам̣ со, сад̇ам̣ ахам̣, д̇зна д̇хаммзна но винаа’’д̇и.

Asataṃ so, sataṃ ahaṃ, tena dhammena no vinā’’ti.

д̇ад̇т̇а бхаад̇аросмаад̇и махаарааж̇а, со жа ахан̃жа убхо бхаад̇аро хома. жораананд̇и со жораанам̣ санд̇игз сам̣вад̣дхо, ахам̣ исийнам̣ санд̇игз . асад̇ам̣ со, сад̇ам̣ аханд̇и со асаад̇хуунам̣ д̣̇уссийлаанам̣ санд̇игам̣ убаг̇ад̇о, ахам̣ саад̇хуунам̣ сийлаванд̇аанам̣. д̇зна д̇хаммзна но винаад̇и махаарааж̇а, д̇ам̣ сад̇д̇иг̇умб̣ам̣ жораа жорад̇хаммзна жорагирияааяа винзсум̣, мам̣ исаяо исид̇хаммзна исисийлаажаарзна, д̇асмаа соби д̇зна жорад̇хаммзна но винаа ход̇и, ахамби исид̇хаммзна но винаа хомийд̇и.

Tattha bhātarosmāti mahārāja, so ca ahañca ubho bhātaro homa. Corānanti so corānaṃ santike saṃvaḍḍho, ahaṃ isīnaṃ santike . Asataṃ so, sataṃ ahanti so asādhūnaṃ dussīlānaṃ santikaṃ upagato, ahaṃ sādhūnaṃ sīlavantānaṃ. Tena dhammena no vināti mahārāja, taṃ sattigumbaṃ corā coradhammena corakiriyāya vinesuṃ, maṃ isayo isidhammena isisīlācārena, tasmā sopi tena coradhammena no vinā hoti, ahampi isidhammena no vinā homīti.

ид̣̇аани д̇ам̣ д̇хаммам̣ вибхаж̇анд̇о г̇аат̇аад̣̇ваяамааха –

Idāni taṃ dhammaṃ vibhajanto gāthādvayamāha –

178.

‘‘д̇ад̇т̇а вад̇хо жа б̣анд̇хо жа, нигад̇ий ван̃жанаани жа;

‘‘Tattha vadho ca bandho ca, nikatī vañcanāni ca;

аалобаа саахасаагаараа, д̇аани со д̇ад̇т̇а сигкад̇и.

Ālopā sāhasākārā, tāni so tattha sikkhati.

179.

‘‘ид̇ха сажжан̃жа д̇хаммо жа, ахим̣саа сам̣яамо д̣̇амо;

‘‘Idha saccañca dhammo ca, ahiṃsā saṃyamo damo;

аасанууд̣̇агад̣̇ааяийнам̣, ан̇гз вад̣̇д̇хосми бхаарад̇хаа’’д̇и.

Āsanūdakadāyīnaṃ, aṅke vaddhosmi bhāradhā’’ti.

д̇ад̇т̇а нигад̇ийд̇и бад̇ируубагзна ван̃жанаа. ван̃жанаанийд̇и уж̇угаван̃жанаанзва. аалобаад̇и д̣̇иваа г̇аамагхаад̇аа. саахасаагаараад̇и г̇зхам̣ бависид̇ваа маран̣зна д̇аж̇ж̇зд̇ваа саахасигагаммагаран̣аани. сажжанд̇и сабхааво. д̇хаммод̇и сужарид̇ад̇хаммо. ахим̣саад̇и мзд̇д̇аабуб̣б̣абхааг̇о. сам̣яамод̇и сийласам̣яамо. д̣̇амод̇и инд̣̇рияад̣̇аманам̣. аасанууд̣̇агад̣̇ааяийнанд̇и аб̣бхааг̇ад̇аанам̣ аасанан̃жа уд̣̇аган̃жа д̣̇аанасийлаанам̣. бхаарад̇хаад̇и рааж̇аанам̣ аалабад̇и.

Tattha nikatīti patirūpakena vañcanā. Vañcanānīti ujukavañcanāneva. Ālopāti divā gāmaghātā. Sāhasākārāti gehaṃ pavisitvā maraṇena tajjetvā sāhasikakammakaraṇāni. Saccanti sabhāvo. Dhammoti sucaritadhammo. Ahiṃsāti mettāpubbabhāgo. Saṃyamoti sīlasaṃyamo. Damoti indriyadamanaṃ. Āsanūdakadāyīnanti abbhāgatānaṃ āsanañca udakañca dānasīlānaṃ. Bhāradhāti rājānaṃ ālapati.

ид̣̇аани ран̃н̃о д̇хаммам̣ д̣̇зсзнд̇о имаа г̇аат̇аа абхааси –

Idāni rañño dhammaṃ desento imā gāthā abhāsi –

180.

‘‘яам̣ яан̃хи рааж̇а бхаж̇ад̇и, санд̇ам̣ ваа яад̣̇и ваа асам̣;

‘‘Yaṃ yañhi rāja bhajati, santaṃ vā yadi vā asaṃ;

сийлаванд̇ам̣ висийлам̣ ваа, васам̣ д̇ассзва г̇ажчад̇и.

Sīlavantaṃ visīlaṃ vā, vasaṃ tasseva gacchati.

181.

‘‘яаад̣̇исам̣ гуруд̇з мид̇д̇ам̣, яаад̣̇исам̣ жуубасзвад̇и;

‘‘Yādisaṃ kurute mittaṃ, yādisaṃ cūpasevati;

соби д̇аад̣̇исаго ход̇и, сахаваасо хи д̇аад̣̇исо.

Sopi tādisako hoti, sahavāso hi tādiso.

182.

‘‘сзвамаано сзвамаанам̣, сампудто сампусам̣ барам̣;

‘‘Sevamāno sevamānaṃ, samphuṭṭho samphusaṃ paraṃ;

саро д̣̇ид̣̇д̇хо галаабам̣ва, алид̇д̇амубалимбад̇и;

Saro diddho kalāpaṃva, alittamupalimpati;

убалзбабхаяаа д̇хийро, нзва баабасакаа сияаа.

Upalepabhayā dhīro, neva pāpasakhā siyā.

183.

‘‘бууд̇имажчам̣ гусаг̇г̇зна, яо наро убанаяхад̇и;

‘‘Pūtimacchaṃ kusaggena, yo naro upanayhati;

гусааби бууд̇и вааяанд̇и, звам̣ б̣аалуубасзванаа.

Kusāpi pūti vāyanti, evaṃ bālūpasevanā.

184.

‘‘д̇аг̇аран̃жа балаасзна, яо наро убанаяхад̇и;

‘‘Tagarañca palāsena, yo naro upanayhati;

бад̇д̇ааби сурабхи вааяанд̇и, звам̣ д̇хийруубасзванаа.

Pattāpi surabhi vāyanti, evaṃ dhīrūpasevanā.

185.

‘‘д̇асмаа бад̇д̇абудассзва, н̃ад̇ваа самбаагамад̇д̇ано;

‘‘Tasmā pattapuṭasseva, ñatvā sampākamattano;

асанд̇з нобасзвзяяа, санд̇з сзвзяяа бан̣д̣ид̇о;

Asante nopaseveyya, sante seveyya paṇḍito;

асанд̇о нираяам̣ нзнд̇и, санд̇о баабзнд̇и суг̇г̇ад̇и’’нд̇и.

Asanto nirayaṃ nenti, santo pāpenti suggati’’nti.

д̇ад̇т̇а санд̇ам̣ ваа яад̣̇и ваа асанд̇и саббурисам̣ ваа асаббурисам̣ ваа. сзвамаано сзвамаананд̇и сзвияамаано аажарияо сзвамаанам̣ анд̇зваасигам̣. сампудтод̇и анд̇зваасинаа ваа пудто аажарияо. сампусам̣ баранд̇и барам̣ аажарияам̣ сампусанд̇о анд̇зваасий ваа. алид̇д̇анд̇и д̇ам̣ анд̇зваасигам̣ баабад̇хаммзна алид̇д̇ам̣ со аажарияо висад̣̇ид̣̇д̇хо саро сзсам̣ сарагалаабам̣ вияа лимбад̇и. звам̣ б̣аалуубасзванаад̇и б̣аалуубасзвий хи бууд̇имажчам̣ убанаяханагусаг̇г̇ам̣ вияа ход̇и, баабагаммам̣ агаронд̇оби аван̣н̣ам̣ агид̇д̇им̣ лабхад̇и. д̇хийруубасзванаад̇и д̇хийруубасзвий буг̇г̇ало д̇аг̇араад̣̇иг̇анд̇хаж̇аад̇ибаливзтанабад̇д̇ам̣ вияа ход̇и, бан̣д̣ид̇о бхавид̇ум̣ асаггонд̇оби галяаан̣амид̇д̇асзвий г̇ун̣агид̇д̇им̣ лабхад̇и. бад̇д̇абудассзваад̇и д̣̇уг̇г̇анд̇хасуг̇анд̇хабаливзтанабан̣н̣ассзва. самбаагамад̇д̇анод̇и галяаан̣амид̇д̇асам̣саг̇г̇авасзна ад̇д̇ано барибаагам̣ барибхааванам̣ н̃ад̇ваад̇и ад̇т̇о. баабзнд̇и суг̇г̇ад̇инд̇и санд̇о саммаад̣̇идтигаа ад̇д̇аанам̣ ниссид̇з сад̇д̇з саг̇г̇амзва баабзнд̇ийд̇и д̣̇зсанам̣ яат̇аанусанд̇химзва баабзси.

Tattha santaṃ vā yadi vā asanti sappurisaṃ vā asappurisaṃ vā. Sevamāno sevamānanti seviyamāno ācariyo sevamānaṃ antevāsikaṃ. Samphuṭṭhoti antevāsinā vā phuṭṭho ācariyo. Samphusaṃ paranti paraṃ ācariyaṃ samphusanto antevāsī vā. Alittanti taṃ antevāsikaṃ pāpadhammena alittaṃ so ācariyo visadiddho saro sesaṃ sarakalāpaṃ viya limpati. Evaṃ bālūpasevanāti bālūpasevī hi pūtimacchaṃ upanayhanakusaggaṃ viya hoti, pāpakammaṃ akarontopi avaṇṇaṃ akittiṃ labhati. Dhīrūpasevanāti dhīrūpasevī puggalo tagarādigandhajātipaliveṭhanapattaṃ viya hoti, paṇḍito bhavituṃ asakkontopi kalyāṇamittasevī guṇakittiṃ labhati. Pattapuṭassevāti duggandhasugandhapaliveṭhanapaṇṇasseva. Sampākamattanoti kalyāṇamittasaṃsaggavasena attano paripākaṃ paribhāvanaṃ ñatvāti attho. Pāpenti suggatinti santo sammādiṭṭhikā attānaṃ nissite satte saggameva pāpentīti desanaṃ yathānusandhimeva pāpesi.

рааж̇аа д̇асса д̇хаммагат̇ааяа басийд̣̇и, исиг̇ан̣оби ааг̇ад̇о. рааж̇аа исаяо ванд̣̇ид̇ваа ‘‘бханд̇з, мам̣ анугамбамаанаа мама васанадтаанз васат̇аа’’д̇и вад̇ваа д̇зсам̣ бадин̃н̃ам̣ г̇ахзд̇ваа наг̇арам̣ г̇анд̇ваа суваанам̣ абхаяам̣ ад̣̇ааси. исаяоби д̇ад̇т̇а аг̇амам̣су. рааж̇аа исиг̇ан̣ам̣ уяяаанз васаабзнд̇о яааваж̇ийвам̣ убадтахид̇ваа саг̇г̇абурам̣ буурзси. ат̇асса буд̇д̇оби чад̇д̇ам̣ уссаабзнд̇о исиг̇ан̣ам̣ бадиж̇аг̇г̇иязваад̇и д̇асмим̣ гулабариваддз сад̇д̇а рааж̇аано исиг̇ан̣асса д̣̇аанам̣ бавад̇д̇аяим̣су. махаасад̇д̇о аран̃н̃з васанд̇оязва яат̇аагаммам̣ г̇ад̇о.

Rājā tassa dhammakathāya pasīdi, isigaṇopi āgato. Rājā isayo vanditvā ‘‘bhante, maṃ anukampamānā mama vasanaṭṭhāne vasathā’’ti vatvā tesaṃ paṭiññaṃ gahetvā nagaraṃ gantvā suvānaṃ abhayaṃ adāsi. Isayopi tattha agamaṃsu. Rājā isigaṇaṃ uyyāne vasāpento yāvajīvaṃ upaṭṭhahitvā saggapuraṃ pūresi. Athassa puttopi chattaṃ ussāpento isigaṇaṃ paṭijaggiyevāti tasmiṃ kulaparivaṭṭe satta rājāno isigaṇassa dānaṃ pavattayiṃsu. Mahāsatto araññe vasantoyeva yathākammaṃ gato.

сад̇т̇аа имам̣ д̇хаммад̣̇зсанам̣ аахарид̇ваа ‘‘звам̣, бхигкавз, буб̣б̣зби д̣̇звад̣̇ад̇д̇о баабо баабабариваароязваа’’д̇и вад̇ваа ж̇аад̇агам̣ самод̇хаанзси – ‘‘д̇ад̣̇аа сад̇д̇иг̇умб̣о д̣̇звад̣̇ад̇д̇о ахоси, жораа д̣̇звад̣̇ад̇д̇абарисаа , рааж̇аа аананд̣̇о, исиг̇ан̣аа б̣уд̣̇д̇хабарисаа, бубпагасуво бана ахамзва ахоси’’нд̇и.

Satthā imaṃ dhammadesanaṃ āharitvā ‘‘evaṃ, bhikkhave, pubbepi devadatto pāpo pāpaparivāroyevā’’ti vatvā jātakaṃ samodhānesi – ‘‘tadā sattigumbo devadatto ahosi, corā devadattaparisā , rājā ānando, isigaṇā buddhaparisā, pupphakasuvo pana ahameva ahosi’’nti.

сад̇д̇иг̇умб̣аж̇аад̇агаван̣н̣анаа сад̇д̇амаа.

Sattigumbajātakavaṇṇanā sattamā.

Next: [504] 8. бхаллаад̇ияаж̇аад̇агаван̣н̣анаа • [504] 8. Bhallātiyajātakavaṇṇanā

Related texts:

д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 503. сад̇д̇иг̇умб̣аж̇аад̇агам̣ • 503. Sattigumbajātakaṃ

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact