| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
5. сад̇д̇исад̇асуд̇д̇ам̣
5. Sattisatasuttaṃ
1105. ‘‘сзяяат̇ааби, бхигкавз, бурисо вассасад̇ааяуго вассасад̇аж̇ийвий. д̇амзнам̣ звам̣ вад̣̇зяяа – ‘зхамбхо буриса, буб̣б̣ан̣хасамаяам̣ д̇ам̣ сад̇д̇исад̇зна ханиссанд̇и, маж̇жханхигасамаяам̣ сад̇д̇исад̇зна ханиссанд̇и, сааяанхасамаяам̣ сад̇д̇исад̇зна ханиссанд̇и. со ко д̇вам̣, амбхо буриса, д̣̇ивасз д̣̇ивасз д̇ийхи д̇ийхи сад̇д̇исад̇зхи хан̃н̃амаано вассасад̇ааяуго вассасад̇аж̇ийвий вассасад̇асса ажжаязна анабхисамзд̇аани жад̇д̇аари арияасажжаани абхисамзссасий’’’д̇и.
1105. ‘‘Seyyathāpi, bhikkhave, puriso vassasatāyuko vassasatajīvī. Tamenaṃ evaṃ vadeyya – ‘ehambho purisa, pubbaṇhasamayaṃ taṃ sattisatena hanissanti, majjhanhikasamayaṃ sattisatena hanissanti, sāyanhasamayaṃ sattisatena hanissanti. So kho tvaṃ, ambho purisa, divase divase tīhi tīhi sattisatehi haññamāno vassasatāyuko vassasatajīvī vassasatassa accayena anabhisametāni cattāri ariyasaccāni abhisamessasī’’’ti.
‘‘ад̇т̇авасигзна, бхигкавз, гулабуд̇д̇зна алам̣ убаг̇анд̇ум̣. д̇ам̣ гисса хзд̇у? анамад̇аг̇г̇ояам̣, бхигкавз, сам̣сааро; буб̣б̣аа годи наббан̃н̃ааяад̇и сад̇д̇иббахаараанам̣ асиббахаараанам̣ усуббахаараанам̣ парасуббахаараанам̣ 1. зван̃жзд̇ам̣, бхигкавз, асса. на ко банаахам̣, бхигкавз, саха д̣̇угкзна, саха д̣̇оманассзна жад̇уннам̣ арияасажжаанам̣ абхисамаяам̣ вад̣̇аами; аби жаахам̣, бхигкавз, сахаава сукзна, сахаава соманассзна жад̇уннам̣ арияасажжаанам̣ абхисамаяам̣ вад̣̇аами. гад̇амзсам̣ жад̇уннам̣? д̣̇угкасса арияасажжасса…бз… д̣̇угканирод̇хаг̇ааминияаа бадибад̣̇ааяа арияасажжасса.
‘‘Atthavasikena, bhikkhave, kulaputtena alaṃ upagantuṃ. Taṃ kissa hetu? Anamataggoyaṃ, bhikkhave, saṃsāro; pubbā koṭi nappaññāyati sattippahārānaṃ asippahārānaṃ usuppahārānaṃ pharasuppahārānaṃ 2. Evañcetaṃ, bhikkhave, assa. Na kho panāhaṃ, bhikkhave, saha dukkhena, saha domanassena catunnaṃ ariyasaccānaṃ abhisamayaṃ vadāmi; api cāhaṃ, bhikkhave, sahāva sukhena, sahāva somanassena catunnaṃ ariyasaccānaṃ abhisamayaṃ vadāmi. Katamesaṃ catunnaṃ? Dukkhassa ariyasaccassa…pe… dukkhanirodhagāminiyā paṭipadāya ariyasaccassa.
‘‘д̇асмаад̇иха , бхигкавз, ‘ид̣̇ам̣ д̣̇угка’нд̇и яог̇о гаран̣ийяо…бз… ‘аяам̣ д̣̇угканирод̇хаг̇ааминий бадибад̣̇аа’д̇и яог̇о гаран̣ийяо’’д̇и. бан̃жамам̣.
‘‘Tasmātiha , bhikkhave, ‘idaṃ dukkha’nti yogo karaṇīyo…pe… ‘ayaṃ dukkhanirodhagāminī paṭipadā’ti yogo karaṇīyo’’ti. Pañcamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 5. сад̇д̇исад̇асуд̇д̇аван̣н̣анаа • 5. Sattisatasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 5. сад̇д̇исад̇асуд̇д̇аван̣н̣анаа • 5. Sattisatasuttavaṇṇanā
