| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
3. сад̇д̇иваг̇г̇о
3. Sattivaggo
1.сад̇д̇исуд̇д̇аван̣н̣анаа
1.Sattisuttavaṇṇanā
21. д̣̇зсанаасийсанд̇и д̣̇зсанаабад̣̇зсалагкан̣аважананд̇и ад̇хиббааяо. омадтод̇и ад̇хомукам̣ гад̇ваа д̣̇иннаббахааро. иминаа зва басан̇г̇зна бахаарз вибхааг̇ад̇о д̣̇ассзд̇ум̣ ‘‘жад̇д̇ааро хий’’д̇иаад̣̇и вуд̇д̇ам̣ . убари тад̇ваад̇и хад̇т̇иаад̣̇ийнам̣ убари тад̇ваа. ад̇хомукам̣ д̣̇иннаббахаарод̇и каг̇г̇агараваалаад̣̇ийнам̣ ад̇хомукам̣ гад̇ваа бахад̇абахааро. уммадто вуд̇д̇авибарияааязна взд̣̇ид̇аб̣б̣о. вивид̇хаббахааро вимадто. ‘‘омадто г̇ахид̇о’’д̇и вад̇ваа д̇ассзва г̇ахан̣з гааран̣ам̣ д̣̇ассзд̇ум̣ ‘‘со хий’’д̇иаад̣̇и вуд̇д̇ам̣. д̣̇уг̇г̇анд̇хагимиаад̣̇ийнам̣ васзна анд̇од̣̇осо. ман̃жзна сад̣̇д̇хим̣ б̣анд̇хид̇ваад̇и яасмим̣ ман̃жз ван̣игабуг̇г̇ало нибанно, д̇ад̇т̇а д̇ам̣ суб̣анд̇хам̣ гад̇ваа баад̣̇адтаанам̣ уд̣̇д̇хам̣ гаронд̇зхи сийсадтаанам̣ ад̇хо гаад̇аб̣б̣ам̣. д̇знааха ‘‘ад̇хосиро гаад̇аб̣б̣о’’д̇и. бариб̣б̣аж̇зд̇и бавад̇д̇зяяа. саа бана бавад̇д̇и бхааванаавихаарзна яуд̇д̇аад̇и ааха ‘‘вихарзяяаа’’д̇и.
21.Desanāsīsanti desanāpadesalakkhaṇavacananti adhippāyo. Omaṭṭhoti adhomukhaṃ katvā dinnappahāro. Iminā eva pasaṅgena pahāre vibhāgato dassetuṃ ‘‘cattāro hī’’tiādi vuttaṃ . Upari ṭhatvāti hatthiādīnaṃ upari ṭhatvā. Adhomukhaṃ dinnappahāroti khaggakaravālādīnaṃ adhomukhaṃ katvā pahatapahāro. Ummaṭṭho vuttavipariyāyena veditabbo. Vividhappahāro vimaṭṭho. ‘‘Omaṭṭho gahito’’ti vatvā tasseva gahaṇe kāraṇaṃ dassetuṃ ‘‘so hī’’tiādi vuttaṃ. Duggandhakimiādīnaṃ vasena antodoso. Mañcena saddhiṃ bandhitvāti yasmiṃ mañce vaṇikapuggalo nipanno, tattha taṃ subandhaṃ katvā pādaṭṭhānaṃ uddhaṃ karontehi sīsaṭṭhānaṃ adho kātabbaṃ. Tenāha ‘‘adhosiro kātabbo’’ti. Paribbajeti pavatteyya. Sā pana pavatti bhāvanāvihārena yuttāti āha ‘‘vihareyyā’’ti.
салласса уб̣б̣аханам̣ саллуб̣б̣аханам̣. ад̇т̇ам̣ барид̇д̇агам̣ г̇ахзд̇ваа тид̇аа убамаагаарасса вигкамбханаббахаанасса ад̇хиббзд̇ад̇д̇аа. д̇знааха ‘‘бунаббуна’’нд̇иаад̣̇и. ануб̣анд̇хова ход̇и сад̇и бажжаяз уббаж̇ж̇анаарахад̇о д̣̇звад̇ааяа гаамарааг̇аббахаанасса ж̇од̇ид̇ад̇д̇аа. нану бхаг̇авад̇аа анааг̇аамимаг̇г̇зна д̣̇зсанаа нидтаабзд̇аб̣б̣аад̇и? на, ид̇ариссаа н̃аан̣аб̣алаануруубад̣̇зсанааяа бавад̇д̇зд̇аб̣б̣ад̇о. взнзяяаж̇жхаасаяаанугулан̃хи д̇хаммам̣ д̇хаммассаамий д̣̇зсзд̇ийд̇и.
Sallassa ubbahanaṃ sallubbahanaṃ. Atthaṃ parittakaṃ gahetvā ṭhitā upamākārassa vikkhambhanappahānassa adhippetattā. Tenāha ‘‘punappuna’’ntiādi. Anubandhova hoti sati paccaye uppajjanārahato devatāya kāmarāgappahānassa jotitattā. Nanu bhagavatā anāgāmimaggena desanā niṭṭhāpetabbāti? Na, itarissā ñāṇabalānurūpadesanāya pavattetabbato. Veneyyajjhāsayānukulañhi dhammaṃ dhammassāmī desetīti.
сад̇д̇исуд̇д̇аван̣н̣анаа нидтид̇аа.
Sattisuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 1. сад̇д̇исуд̇д̇ам̣ • 1. Sattisuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 1. сад̇д̇исуд̇д̇аван̣н̣анаа • 1. Sattisuttavaṇṇanā
