| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੩. ਸਤ੍ਤਿવਗ੍ਗੋ
3. Sattivaggo
੧. ਸਤ੍ਤਿਸੁਤ੍ਤવਣ੍ਣਨਾ
1. Sattisuttavaṇṇanā
੨੧. ਸਤ੍ਤਿવਗ੍ਗਸ੍ਸ ਪਠਮੇ ਸਤ੍ਤਿਯਾਤਿ ਦੇਸਨਾਸੀਸਮੇਤਂ। ਏਕਤੋਖਾਰਾਦਿਨਾ ਸਤ੍ਥੇਨਾਤਿ ਅਤ੍ਥੋ। ਓਮਟ੍ਠੋਤਿ ਪਹਤੋ। ਚਤ੍ਤਾਰੋ ਹਿ ਪਹਾਰਾ ਓਮਟ੍ਠੋ ਉਮ੍ਮਟ੍ਠੋ ਮਟ੍ਠੋ વਿਮਟ੍ਠੋਤਿ। ਤਤ੍ਥ ਉਪਰਿ ਠਤ੍વਾ ਅਧੋਮੁਖਂ ਦਿਨ੍ਨਪਹਾਰੋ ਓਮਟ੍ਠੋ ਨਾਮ; ਹੇਟ੍ਠਾ ਠਤ੍વਾ ਉਦ੍ਧਂਮੁਖਂ ਦਿਨ੍ਨੋ ਉਮ੍ਮਟ੍ਠੋ ਨਾਮ; ਅਗ੍ਗਲ਼ਸੂਚਿ વਿਯ વਿਨਿવਿਜ੍ਝਿਤ੍વਾ ਗਤੋ ਮਟ੍ਠੋ ਨਾਮ; ਸੇਸੋ ਸਬ੍ਬੋਪਿ વਿਮਟ੍ਠੋ ਨਾਮ। ਇਮਸ੍ਮਿਂ ਪਨ ਠਾਨੇ ਓਮਟ੍ਠੋ ਗਹਿਤੋ। ਸੋ ਹਿ ਸਬ੍ਬਦਾਰੁਣੋ ਦੁਰੁਦ੍ਧਰਸਲ੍ਲੋ ਦੁਤ੍ਤਿਕਿਚ੍ਛੋ ਅਨ੍ਤੋਦੋਸੋ ਅਨ੍ਤੋਪੁਬ੍ਬਲੋਹਿਤੋવ ਹੋਤਿ , ਪੁਬ੍ਬਲੋਹਿਤਂ ਅਨਿਕ੍ਖਮਿਤ੍વਾ વਣਮੁਖਂ ਪਰਿਯੋਨਨ੍ਧਿਤ੍વਾ ਤਿਟ੍ਠਤਿ। ਪੁਬ੍ਬਲੋਹਿਤਂ ਨਿਹਰਿਤੁਕਾਮੇਹਿ ਮਞ੍ਚੇਨ ਸਦ੍ਧਿਂ ਬਨ੍ਧਿਤ੍વਾ ਅਧੋਸਿਰੋ ਕਾਤਬ੍ਬੋ ਹੋਤਿ, ਮਰਣਂ વਾ ਮਰਣਮਤ੍ਤਂ વਾ ਦੁਕ੍ਖਂ ਪਾਪੁਣਾਤਿ। ਪਰਿਬ੍ਬਜੇਤਿ વਿਹਰੇਯ੍ਯ।
21. Sattivaggassa paṭhame sattiyāti desanāsīsametaṃ. Ekatokhārādinā satthenāti attho. Omaṭṭhoti pahato. Cattāro hi pahārā omaṭṭho ummaṭṭho maṭṭho vimaṭṭhoti. Tattha upari ṭhatvā adhomukhaṃ dinnapahāro omaṭṭho nāma; heṭṭhā ṭhatvā uddhaṃmukhaṃ dinno ummaṭṭho nāma; aggaḷasūci viya vinivijjhitvā gato maṭṭho nāma; seso sabbopi vimaṭṭho nāma. Imasmiṃ pana ṭhāne omaṭṭho gahito. So hi sabbadāruṇo duruddharasallo duttikiccho antodoso antopubbalohitova hoti , pubbalohitaṃ anikkhamitvā vaṇamukhaṃ pariyonandhitvā tiṭṭhati. Pubbalohitaṃ niharitukāmehi mañcena saddhiṃ bandhitvā adhosiro kātabbo hoti, maraṇaṃ vā maraṇamattaṃ vā dukkhaṃ pāpuṇāti. Paribbajeti vihareyya.
ਇਮਾਯ ਗਾਥਾਯ ਕਿਂ ਕਥੇਤਿ? ਯਥਾ ਸਤ੍ਤਿਯਾ ਓਮਟ੍ਠੋ ਪੁਰਿਸੋ ਸਲ੍ਲੁਬ੍ਬਹਨ-વਣਤਿਕਿਚ੍ਛਨਾਨਂ ਅਤ੍ਥਾਯ વੀਰਿਯਂ ਆਰਭਤਿ, ਪਯੋਗਂ ਕਰੋਤਿ ਪਰਕ੍ਕਮਤਿ। ਯਥਾ ਚ ਡਯ੍ਹਮਾਨੋ ਮਤ੍ਥਕੇ ਆਦਿਤ੍ਤਸੀਸੋ ਤਸ੍ਸ ਨਿਬ੍ਬਾਪਨਤ੍ਥਾਯ વੀਰਿਯਂ ਆਰਭਤਿ, ਪਯੋਗਂ ਕਰੋਤਿ ਪਰਕ੍ਕਮਤਿ, ਏવਮੇવ ਭਿਕ੍ਖੁ ਕਾਮਰਾਗਂ ਪਹਾਨਾਯ ਸਤੋ ਅਪ੍ਪਮਤ੍ਤੋ ਹੁਤ੍વਾ વਿਹਰੇਯ੍ਯ ਭਗવਾਤਿ ਕਥੇਸਿ।
Imāya gāthāya kiṃ katheti? Yathā sattiyā omaṭṭho puriso sallubbahana-vaṇatikicchanānaṃ atthāya vīriyaṃ ārabhati, payogaṃ karoti parakkamati. Yathā ca ḍayhamāno matthake ādittasīso tassa nibbāpanatthāya vīriyaṃ ārabhati, payogaṃ karoti parakkamati, evameva bhikkhu kāmarāgaṃ pahānāya sato appamatto hutvā vihareyya bhagavāti kathesi.
ਅਥ ਭਗવਾ ਚਿਨ੍ਤੇਸਿ – ਇਮਾਯ ਦੇવਤਾਯ ਉਪਮਾ ਤਾવ ਦਲ਼੍ਹਂ ਕਤ੍વਾ ਆਨੀਤਾ, ਅਤ੍ਥਂ ਪਨ ਪਰਿਤ੍ਤਕਂ ਗਹੇਤ੍વਾ ਠਿਤਾ, ਪੁਨਪ੍ਪੁਨਂ ਕਥੇਨ੍ਤੀਪਿ ਹੇਸਾ ਕਾਮਰਾਗਸ੍ਸ વਿਕ੍ਖਮ੍ਭਨਪਹਾਨਮੇવ ਕਥੇਯ੍ਯ। ਯਾવ ਚ ਕਾਮਰਾਗੋ ਮਗ੍ਗੇਨ ਨ ਸਮੁਗ੍ਘਾਟਿਯਤਿ, ਤਾવ ਅਨੁਬਦ੍ਧੋવ ਹੋਤਿ। ਇਤਿ ਤਮੇવ ਓਪਮ੍ਮਂ ਗਹੇਤ੍વਾ ਪਠਮਮਗ੍ਗવਸੇਨ ਦੇਸਨਂ વਿਨਿવਟ੍ਟੇਤ੍વਾ ਦੇਸੇਨ੍ਤੋ ਦੁਤਿਯਂ ਗਾਥਮਾਹ। ਤਸ੍ਸਤ੍ਥੋ ਪੁਰਿਮਾਨੁਸਾਰੇਨੇવ વੇਦਿਤਬ੍ਬੋਤਿ। ਪਠਮਂ।
Atha bhagavā cintesi – imāya devatāya upamā tāva daḷhaṃ katvā ānītā, atthaṃ pana parittakaṃ gahetvā ṭhitā, punappunaṃ kathentīpi hesā kāmarāgassa vikkhambhanapahānameva katheyya. Yāva ca kāmarāgo maggena na samugghāṭiyati, tāva anubaddhova hoti. Iti tameva opammaṃ gahetvā paṭhamamaggavasena desanaṃ vinivaṭṭetvā desento dutiyaṃ gāthamāha. Tassattho purimānusāreneva veditabboti. Paṭhamaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੧. ਸਤ੍ਤਿਸੁਤ੍ਤਂ • 1. Sattisuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੧.ਸਤ੍ਤਿਸੁਤ੍ਤવਣ੍ਣਨਾ • 1.Sattisuttavaṇṇanā
