| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੩. ਸਤ੍ਤਿવਗ੍ਗੋ
3. Sattivaggo
੧.ਸਤ੍ਤਿਸੁਤ੍ਤવਣ੍ਣਨਾ
1.Sattisuttavaṇṇanā
੨੧. ਦੇਸਨਾਸੀਸਨ੍ਤਿ ਦੇਸਨਾਪਦੇਸਲਕ੍ਖਣવਚਨਨ੍ਤਿ ਅਧਿਪ੍ਪਾਯੋ। ਓਮਟ੍ਠੋਤਿ ਅਧੋਮੁਖਂ ਕਤ੍વਾ ਦਿਨ੍ਨਪ੍ਪਹਾਰੋ। ਇਮਿਨਾ ਏવ ਪਸਙ੍ਗੇਨ ਪਹਾਰੇ વਿਭਾਗਤੋ ਦਸ੍ਸੇਤੁਂ ‘‘ਚਤ੍ਤਾਰੋ ਹੀ’’ਤਿਆਦਿ વੁਤ੍ਤਂ । ਉਪਰਿ ਠਤ੍વਾਤਿ ਹਤ੍ਥਿਆਦੀਨਂ ਉਪਰਿ ਠਤ੍વਾ। ਅਧੋਮੁਖਂ ਦਿਨ੍ਨਪ੍ਪਹਾਰੋਤਿ ਖਗ੍ਗਕਰવਾਲਾਦੀਨਂ ਅਧੋਮੁਖਂ ਕਤ੍વਾ ਪਹਤਪਹਾਰੋ। ਉਮ੍ਮਟ੍ਠੋ વੁਤ੍ਤવਿਪਰਿਯਾਯੇਨ વੇਦਿਤਬ੍ਬੋ। વਿવਿਧਪ੍ਪਹਾਰੋ વਿਮਟ੍ਠੋ। ‘‘ਓਮਟ੍ਠੋ ਗਹਿਤੋ’’ਤਿ વਤ੍વਾ ਤਸ੍ਸੇવ ਗਹਣੇ ਕਾਰਣਂ ਦਸ੍ਸੇਤੁਂ ‘‘ਸੋ ਹੀ’’ਤਿਆਦਿ વੁਤ੍ਤਂ। ਦੁਗ੍ਗਨ੍ਧਕਿਮਿਆਦੀਨਂ વਸੇਨ ਅਨ੍ਤੋਦੋਸੋ। ਮਞ੍ਚੇਨ ਸਦ੍ਧਿਂ ਬਨ੍ਧਿਤ੍વਾਤਿ ਯਸ੍ਮਿਂ ਮਞ੍ਚੇ વਣਿਕਪੁਗ੍ਗਲੋ ਨਿਪਨ੍ਨੋ, ਤਤ੍ਥ ਤਂ ਸੁਬਨ੍ਧਂ ਕਤ੍વਾ ਪਾਦਟ੍ਠਾਨਂ ਉਦ੍ਧਂ ਕਰੋਨ੍ਤੇਹਿ ਸੀਸਟ੍ਠਾਨਂ ਅਧੋ ਕਾਤਬ੍ਬਂ। ਤੇਨਾਹ ‘‘ਅਧੋਸਿਰੋ ਕਾਤਬ੍ਬੋ’’ਤਿ। ਪਰਿਬ੍ਬਜੇਤਿ ਪવਤ੍ਤੇਯ੍ਯ। ਸਾ ਪਨ ਪવਤ੍ਤਿ ਭਾવਨਾવਿਹਾਰੇਨ ਯੁਤ੍ਤਾਤਿ ਆਹ ‘‘વਿਹਰੇਯ੍ਯਾ’’ਤਿ।
21.Desanāsīsanti desanāpadesalakkhaṇavacananti adhippāyo. Omaṭṭhoti adhomukhaṃ katvā dinnappahāro. Iminā eva pasaṅgena pahāre vibhāgato dassetuṃ ‘‘cattāro hī’’tiādi vuttaṃ . Upari ṭhatvāti hatthiādīnaṃ upari ṭhatvā. Adhomukhaṃ dinnappahāroti khaggakaravālādīnaṃ adhomukhaṃ katvā pahatapahāro. Ummaṭṭho vuttavipariyāyena veditabbo. Vividhappahāro vimaṭṭho. ‘‘Omaṭṭho gahito’’ti vatvā tasseva gahaṇe kāraṇaṃ dassetuṃ ‘‘so hī’’tiādi vuttaṃ. Duggandhakimiādīnaṃ vasena antodoso. Mañcena saddhiṃ bandhitvāti yasmiṃ mañce vaṇikapuggalo nipanno, tattha taṃ subandhaṃ katvā pādaṭṭhānaṃ uddhaṃ karontehi sīsaṭṭhānaṃ adho kātabbaṃ. Tenāha ‘‘adhosiro kātabbo’’ti. Paribbajeti pavatteyya. Sā pana pavatti bhāvanāvihārena yuttāti āha ‘‘vihareyyā’’ti.
ਸਲ੍ਲਸ੍ਸ ਉਬ੍ਬਹਨਂ ਸਲ੍ਲੁਬ੍ਬਹਨਂ। ਅਤ੍ਥਂ ਪਰਿਤ੍ਤਕਂ ਗਹੇਤ੍વਾ ਠਿਤਾ ਉਪਮਾਕਾਰਸ੍ਸ વਿਕ੍ਖਮ੍ਭਨਪ੍ਪਹਾਨਸ੍ਸ ਅਧਿਪ੍ਪੇਤਤ੍ਤਾ। ਤੇਨਾਹ ‘‘ਪੁਨਪ੍ਪੁਨ’’ਨ੍ਤਿਆਦਿ। ਅਨੁਬਨ੍ਧੋવ ਹੋਤਿ ਸਤਿ ਪਚ੍ਚਯੇ ਉਪ੍ਪਜ੍ਜਨਾਰਹਤੋ ਦੇવਤਾਯ ਕਾਮਰਾਗਪ੍ਪਹਾਨਸ੍ਸ ਜੋਤਿਤਤ੍ਤਾ। ਨਨੁ ਭਗવਤਾ ਅਨਾਗਾਮਿਮਗ੍ਗੇਨ ਦੇਸਨਾ ਨਿਟ੍ਠਾਪੇਤਬ੍ਬਾਤਿ? ਨ, ਇਤਰਿਸ੍ਸਾ ਞਾਣਬਲਾਨੁਰੂਪਦੇਸਨਾਯ ਪવਤ੍ਤੇਤਬ੍ਬਤੋ। વੇਨੇਯ੍ਯਜ੍ਝਾਸਯਾਨੁਕੁਲਞ੍ਹਿ ਧਮ੍ਮਂ ਧਮ੍ਮਸ੍ਸਾਮੀ ਦੇਸੇਤੀਤਿ।
Sallassa ubbahanaṃ sallubbahanaṃ. Atthaṃ parittakaṃ gahetvā ṭhitā upamākārassa vikkhambhanappahānassa adhippetattā. Tenāha ‘‘punappuna’’ntiādi. Anubandhova hoti sati paccaye uppajjanārahato devatāya kāmarāgappahānassa jotitattā. Nanu bhagavatā anāgāmimaggena desanā niṭṭhāpetabbāti? Na, itarissā ñāṇabalānurūpadesanāya pavattetabbato. Veneyyajjhāsayānukulañhi dhammaṃ dhammassāmī desetīti.
ਸਤ੍ਤਿਸੁਤ੍ਤવਣ੍ਣਨਾ ਨਿਟ੍ਠਿਤਾ।
Sattisuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੧. ਸਤ੍ਤਿਸੁਤ੍ਤਂ • 1. Sattisuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੧. ਸਤ੍ਤਿਸੁਤ੍ਤવਣ੍ਣਨਾ • 1. Sattisuttavaṇṇanā
