| Library / Tipiṭaka / д̇ибидага • Tipiṭaka / ж̇аад̇агабаал̣и • Jātakapāḷi |
402. сад̇д̇убхасд̇аж̇аад̇агам̣ (7-1-7)
402. Sattubhastajātakaṃ (7-1-7)
46.
46.
виб̣бханд̇ажид̇д̇о губид̇инд̣̇рияоси, нзд̇д̇зхи д̇з ваариг̇ан̣аа саванд̇и;
Vibbhantacitto kupitindriyosi, nettehi te vārigaṇā savanti;
гим̣ д̇з надтам̣ гим̣ бана бад̇т̇аяаано, ид̇хааг̇амаа б̣рахмз д̇ад̣̇ин̇гха 1 б̣руухи.
Kiṃ te naṭṭhaṃ kiṃ pana patthayāno, idhāgamā brahme tadiṅgha 2 brūhi.
47.
47.
мияязт̇а бхарияаа важ̇ад̇о мамаж̇ж̇а, аг̇ажчад̇о маран̣амааха яагко;
Miyyetha bhariyā vajato mamajja, agacchato maraṇamāha yakkho;
зд̇зна д̣̇угкзна бавзд̇хид̇осми, агкаахи мз сзнага зд̇амад̇т̇ам̣.
Etena dukkhena pavedhitosmi, akkhāhi me senaka etamatthaṃ.
48.
48.
б̣ахууни таанаани вижинд̇аяид̇ваа, яамзд̇т̇а вагкаами д̇ад̣̇зва сажжам̣;
Bahūni ṭhānāni vicintayitvā, yamettha vakkhāmi tadeva saccaṃ;
ман̃н̃аами д̇з б̣раахман̣а сад̇д̇убхасд̇ам̣, аж̇аанад̇о ган̣хасаббо бавидто.
Maññāmi te brāhmaṇa sattubhastaṃ, ajānato kaṇhasappo paviṭṭho.
49.
49.
аад̣̇ааяа д̣̇ан̣д̣ам̣ барисумбха бхасд̇ам̣, бассзл̣амууг̇ам̣ ураг̇ам̣ д̣̇уж̇ивхам̣ 3;
Ādāya daṇḍaṃ parisumbha bhastaṃ, passeḷamūgaṃ uragaṃ dujivhaṃ 4;
чинд̣̇аж̇ж̇а ган̇кам̣ вижигижчид̇аани, бхуж̇ан̇г̇амам̣ басса бамун̃жа бхасд̇ам̣.
Chindajja kaṅkhaṃ vicikicchitāni, bhujaṅgamaṃ passa pamuñca bhastaṃ.
50.
50.
сам̣виг̇г̇аруубо барисааяа маж̇жхз, со б̣раахман̣о сад̇д̇убхасд̇ам̣ бамун̃жи;
Saṃviggarūpo parisāya majjhe, so brāhmaṇo sattubhastaṃ pamuñci;
ат̇а нигками ураг̇о уг̇г̇ад̇зж̇о, аасийвисо саббо пан̣ам̣ гарид̇ваа.
Atha nikkhami urago uggatejo, āsīviso sappo phaṇaṃ karitvā.
51.
51.
сулад̣̇д̇халаабхаа ж̇анагасса ран̃н̃о, яо бассад̇ий сзнагам̣ саад̇хубан̃н̃ам̣;
Suladdhalābhā janakassa rañño, yo passatī senakaṃ sādhupaññaṃ;
виваддачад̣̇д̣̇о 5 нуси саб̣б̣ад̣̇ассий, н̃аан̣ам̣ ну д̇з б̣раахман̣а бхим̣саруубам̣.
Vivaṭṭachaddo 6 nusi sabbadassī, ñāṇaṃ nu te brāhmaṇa bhiṃsarūpaṃ.
52.
52.
имаани мз сад̇д̇асад̇аани ад̇т̇и, г̇ан̣хаахи саб̣б̣аани д̣̇ад̣̇аами д̇уяхам̣;
Imāni me sattasatāni atthi, gaṇhāhi sabbāni dadāmi tuyhaṃ;
д̇аяаа хи мз ж̇ийвид̇амаж̇ж̇а лад̣̇д̇хам̣, ат̇оби бхарияааяа магааси сод̇т̇им̣.
Tayā hi me jīvitamajja laddhaṃ, athopi bhariyāya makāsi sotthiṃ.
53.
53.
на бан̣д̣ид̇аа взд̇анамаад̣̇ияанд̇и, жид̇раахи г̇аат̇аахи субхаасид̇аахи;
Na paṇḍitā vetanamādiyanti, citrāhi gāthāhi subhāsitāhi;
ид̇оби д̇з б̣рахмз д̣̇ад̣̇анд̇у вид̇д̇ам̣, аад̣̇ааяа д̇вам̣ г̇ажча сагам̣ нигзд̇анд̇и.
Itopi te brahme dadantu vittaṃ, ādāya tvaṃ gaccha sakaṃ niketanti.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / ж̇аад̇ага-адтагат̇аа • Jātaka-aṭṭhakathā / [402] 7. сад̇д̇убхасд̇аж̇аад̇агаван̣н̣анаа • [402] 7. Sattubhastajātakavaṇṇanā
